educa.Biblio - nov design

News

Program naziunal da retschertga

14.12.18 / Societad d'infurmaziun

En il rom dal program naziunal da retschertga «Transfurmaziun digitala» duain ils effects e las interdependenzas concretas vegnir examinads tant en la domena da l’educaziun sco er en la furmaziun. Skizzas da projects pon vegnir inoltradas fin ils 25 da favrer 2019.

www.snf.ch

CIIP: Plan d'acziun en favur da la digitalisaziun

12.12.18 / Publicaziun / Societad d'infurmaziun

La Conferenza svizra da las directuras e dals directurs chantunals da l'educaziun publica da la Svizra franzosa CIIP ha approvà in plan d’acziun en favur da la furmaziun digitala. Las finamiras èn ina cooperaziun tranter ils chantuns latins e da garantir ina gronda cumpetenza digitala per tuts.

www.ciip.ch

digitalinform.swiss

11.12.18 / Furmaziun professiunala

Il program che vul promover la transfurmaziun digitala «digitalinform.swiss» en la furmaziun professiunala è vegnì lantschà mez december cun la finamira da crear ina rait da contacts tranter tut ils acturs. Il program fa part da las mesiras da strategia «Furmaziun professiunala 2030».

www.admin.ch

Digitalisaziun en la furmaziun

10.12.18 / Publicaziun / Internaziunal

Il tema principal da la Conferenza internaziunala al Lai da Constanza (IBK) è stà quest onn la «Digitalisaziun en la furmaziun». Sco resultat datti uss ina collecziun dad exempels Best-Practice sco era ina survista da divers projects da digitalisaziun en las scolas da la regiun dal Lai da Constanza.

www.bodenseekonferenz.org

MOOC: Patrimoni cultural digital

04.12.18 / Furmaziun cuntinuada

Il Massive Open Online Course (MOOC) dad European Schoolnet sa deditgescha al «Patrimoni cultural digital». La finamira da quest curs online è da meglierar la savida da las persunas d’instrucziun e da las gidar ad integrar questa tematica en lur instrucziun. Il curs cumenza ils 14-1-2019.

www.europeanschoolnetacademy.eu

educanet² vegn sistì

29.11.18 / educa.ch

La plattafurma educanet² vegn serrada sin la fin da l’onn 2020. Dapi sia lantschada il 2004 èn las purschidas ed ils basegns sa sviluppads fermamain e numerusas autras alternativas existan ozendi. La serrada succeda tenor in process ordinà cun diversas mesiras da sustegn per las scolas.

www.educanet2.ch

Dapli news

Agenda

Olimpiada da robotica

12.01.19 / divers

Concurrenza da scola

La World Robot Olympiad è ina concurrenza per giuvnas e giuvens cun grond talent tecnic. Ils participants inventan e construeschan in roboter da Lego Mindstorms, al programmeschan e prendan part a concurrenzas encunter auters teams. Ils teams-victurs dastgan represchentar la Svizra en Ungaria.

worldrobotolympiad.ch

DETAGLS

Lingua d’occurenza: Tudestg
Stgalim d'instrucziun: Scola obligatorica , Scola post-obligatorica
Cumenzament d'annunzia: 12.01.19

Sportech 2019

22.01.19 - 25.01.19 / Tenero

Organisà da l’Uffizi federal da sport, porschan ils Dis da la scienza e da la tecnologia en il sport numerus ateliers destinads a scolaras e scolars a partir da 13 onns. Els vegnan ad emprender d’enconuscher las pli modernas tecnologias per il sport.

www.sportech.ch

openlearningdays

28.01.19 - 29.01.19 / SAP Lucerna

Conferenza

Questa conferenza internaziunala vul promover e sviluppar las resursas educativas libras (OER - Open Educational Resources) en las scolas autas en Svizra. Ultra da quai vul ella er crear ina rait d’OER per il cader e per projects internaziunalas.

openlearningdays.ch

DETAGLS

Lingua d’occurenza: Tudestg, Englais
Stgalim d'instrucziun: Stgalim terziar

Dunnas per la tecnica e l’informatica

29.01.19 / vonRoll Center, SAP Berna

Dieta

Las professiuns MINT vegnan en general elegidas da mats. Quest di è deditgà a mattatschas ed a dunnas per las intgantar per la materia da MINT. La dieta cumenza cun in referat davart aspects da gender e preschenta silsuenter als participants numerus projects en chaussa.

www.satw.ch

DETAGLS

Lingua d’occurenza: Tudestg, Franzos
Stgalim d'instrucziun: Independet dal stgalim

First lego league - campiunadi svizzer

22.02.19 / PHGR Cuira

Concurrenza da scola

En il rom da la concurrenza internaziunala da robotica «First Lego League» preschentan ils dus megliers teams da la concurrenza regiunala soluziuns creativas per divers problems. Giuvenils tranter 10 e 16 onns emprovan da schliar ils pensums cun lur agens roboters. La concurrenza è averta per aspectaturas ed aspectaturs.

phgr.ch

Dapli occurrenzas

Infurmaziun

Logo SEFRI

Logo EDK

Services

Job

Support