News
Swiss TecLadies
12.02.19 / MINT
Mattas fin 16 onns pon s'annunziar cun in test online tar il project «Swiss TecLadies». Quel vegn organisà da l'Academia svizra da las scienzas tecnicas SATW. Cun quest project vulan ils organisaturs promover mattas en mastergns da MINT (matematica, informatica, scienzas natiralas e tecnica).
educanet² vegn sistì: mails e FAQ
05.02.19 / Identitad digitala / educa.ch
Vulais Vus retschaiver infurmaziuns davart la serrada da la plattafurma educanet²? Alura pudais Vus s’inscriver en nossa glista da mailing. Ultra da quai chattais vus là dumondas e respostas davart la serrada ed inputs da la community.
Grischun digital
30.01.19 / Identitad digitala / Furmaziun professiunala
Suenter il grond success 2018 expandeschan ils i-CAMPs da Flem e porschan 2019 sper la purschida da vacanzas per uffants er curs da perfecziunament per persunas d’instrucziun ed in simposi davart il svilup da la scola e da l’instrucziun sin il champ da l’informatica.
Sfera privata dals uffants
29.01.19 / Resursa didactica / Cumpetenza da medias
La SAP da Turitg ha creà ensemen cun l’incumbensà per la protecziun da datas dal chantun da Turitg in nov med d’instrucziun per uffants da 4 a 8 onns davart la sfera privata. Il material didactic stat a disposiziun gratuitamain a persunas interessadas a partir da l’avrigl 2019.
Protecziun da las datas
28.01.19 / educa.ch / Publicaziun
A chaschun dal di mundial da la protecziun da las datas ha educa.ch publitgà in nov dossier davart quest tema. Quel cuntegna infurmaziuns da la basa giuridica sco er links e guids per l’instrucziun. Il dossier vegn cumplettà cun ina app che preschenta videos curts ed in glossari.
Project FIDES: dumondas e respostas
28.01.19 / Identitad digitala / educa.ch
Las enconuschientschas davart la digitalisaziun madiran en il spazi da furmaziun cun agid dal barat dals practicists en scola, en l’administraziun e sin il martgà da meds d’instrucziun. La pagina FIDES dat resposta a las dumondas las pli frequentas en sia nova rubrica FAQ.
Agenda
First lego league - campiunadi svizzer
22.02.19 / PHGR Cuira
En il rom da la concurrenza internaziunala da robotica «First Lego League» preschentan ils dus megliers teams da la concurrenza regiunala soluziuns creativas per divers problems. Giuvenils tranter 10 e 16 onns emprovan da schliar ils pensums cun lur agens roboters. La concurrenza è averta per aspectaturas ed aspectaturs.
Lingua d’occurenza: Tudestg, Talian, Rumantsch
Stgalim d'instrucziun: Scola da maturitad, Scolaziun professiunala, Scuola da la furmaziun professiunala, Scola post-obligatorica
Swiss TecLadies
01.03.19 - 31.03.19 / entira Svizra
Mattas fin 16 onns pon s'annunziar tar il project «Swiss TecLadies». Quel vegn organisà da l'Academia svizra da las scienzas tecnicas SATW. Cun quest project vulan ils organisaturs promover mattas en mastergns da MINT (matematica, informatica, scienzas natiralas e tecnica). Per s'annunziar fan las mattas in curt test online. Sch'els han success en quel, survegnan ellas ina mentura persunala.
Lingua d’occurenza: Tudestg
Stgalim d'instrucziun: 3. ciclus (7. fin il 9. onn scolar)
Digital Economic Forum
09.05.19 / Turitg
Il DEF tematisescha ils effects positivs e negativs sco er innovaziuns e consequenzas da la digitalisaziun per l’economia e la societad. L’occurrenza sa drizza a persunas cun in mandat en la direcziun, start-ups sco er perscrutaders dal mund digital ed analog.
Tablet Days
17.05.19 - 18.05.19 / Rorschach
Exempels Best Practice, rapports d’experientscha, referats, workshops e surfatschas che pon vegnir scuvertas spetgan ils participants. In stgomi internaziunal davart lavurar cun tablets da persunas d’instrucziun da l’entira Europa stat en il center.
Festival dal film educativ 2019
22.05.19 / Berna
Las classas da tut ils stgalims pon sa participar a la concurrenza en il rom dal Festival dal film educativ. Il moto da quest onn è «Giadar a crear noss futur: tge pos Ti far oz per damaun?». Ils filmins vegnan preschentads durant il festival.
Lingua d’occurenza: Tudestg
Stgalim d'instrucziun: Independet dal stgalim
Termin per inoltrar films: 07.04.19
