Eduport

News

Edulog è sin buna via

31.03.20 / educa.ch

A partir da l’onn da scola 2020/2021 vegn Edulog instradà en tschintg chantuns pioniers (BS, BL, GL, FR, VS). Ils chantuns BE, NW, ZG, SZ e ZH vegnan probablamain a cumenzar cun singuls stgalims respectivamain cun singulas scolas per uschia pudair rimnar experientschas cun il nov servetsch.

www.edulog.ch

Emprender d’enconuscher il mund da film

28.03.20 / Resursa didactica

La pitschna scola da kino che mussa savida cinematografica è vegnida fundada sin iniziativa da la Laterna magica cun numerus partenaris bain enconuschents. La seria da films curts realisada da cineasts da renum è fatga aposta per in giuven public.

www.kinoschule.org

Medias – vardad u manzegnas

28.03.20 / Resursa didactica / Cumpetenza da medias

éducation21 propona sin sia pagina-web resursas didacticas davart il tema da novitads falladas. Infurmaziuns da basa per las persunas d’instrucziun e propostas concretas per promover las cumpetenzas medialas da tut ils acturs en l’ambient scolastic èn da chattar.

www.education21.ch

Protecziun da datas ed instruir a distanza

27.03.20 / educa.ch / Contracts generals

La protecziun da datas sto vegnir segirada er per l’instrucziun a distanza. En in’intervista explitgescha Bruno Baeriswyl, responsabel per la protecziun da datas dal chantun da Turitg e commember da Privatim, da tge che las scolas duain far attenziun en la situaziun actuala.

www.eduport.ch

E-learning-App «Babulins»

27.03.20 / Ambient d'emprender digital / Resursa didactica / Rumantsch

Per promover ch'uffants tranter 3 e 6 onns emprendan rumantsch a moda simpla, ha la Lia Rumantscha sviluppà cun 08Eins la app «Babulins». Ensemen cun Luisa e Nic, Brutus e Lupo ed ils ulteriurs commembers da la famiglia Babulin, pon ils pitschens scuvrir divers munds dal mintgadi.

www.itbusiness.ch

Applicaziuns per l’instrucziun

26.03.20 / educa.ch

Tgeninas applicaziun èn adattadas per la communicaziun entaifer la classa? Tgeninas pon vegnir utilisadas per crear in test? Co vesi ora cun la protecziun da datas? Il «Navigatur» preschenta las funcziuns ed il niz da las applicaziuns disponiblas sin il martgà.

navi.educa.ch

Dapli news

Agenda

Final da la concurrenza scientifica - annullà

23.04.20 - 25.04.20 / Haute école spécialisée bernoise, Biel

Concurrenza da scola

En il rom dal final da la Concurrenza naziunala da la scienza preschentan quatter giuvenils da l’entira Svizra lur lavurs ad ina giuria spezialisada ed al public. La mira è da promover giuvna glieud talentada en la domena da la scienza.

sjf.ch

DETAGLS

Lingua d’occurenza: Tudestg, Franzos, Talian
Stgalim d'instrucziun: Scola post-obligatorica

Open Education Day - annullà

25.04.20 / Berna

Dieta

L’Open Education Day stat quest onn sut il moto «Mitgestalten durch digitale Mündigkeit – Cooperaziun tras maiorennitad digitala». Cun referats e workshops vegnan ils participants a savair dapli da tecnologias Open Source, Open Content e cumpetenzas d’informatica.

open-education-day.ch

DETAGLS

Lingua d’occurenza: Tudestg
Stgalim d'instrucziun: Scola obligatorica , Scola post-obligatorica

Open Education Day

25.04.20 / Berna

Dieta

L’Open Education Day stat sut il motto «Mitgestalten durch digitale Mündigkeit». Cun ina vasta paletta da referats, workshops e preschentaziuns curtas vegn transferì savida davart Open Source, Open Content, furmaziun da las medias e cumpetenza d’informatica en il Plan d’instrucziun 21.

openeducationday.ch

DETAGLS

Lingua d’occurenza: Tudestg
Stgalim d'instrucziun: Scola obligatorica

Summer School Digital Teaching

06.07.20 - 10.07.20 / SAP Lucerna

Furmaziun supplementara / Lavuratori

La Summer School «Digital Teaching» pussibilitescha furmaziun supplementara e barats cun collegas ed experts a medem temp: tranter ils 6 ed ils 10 da fanadur organisescha la SAP da Lucerna ina purschida multifar en chaussa.

www.phlu.ch

DETAGLS

Lingua d’occurenza: Tudestg
Stgalim d'instrucziun: Scola obligatorica , Scola post-obligatorica

EU Code Week

10.10.20 / entira Europa

Di tematic

Lantschada l’onn 2013 da la Cumissiun europeica ha questa iniziativa la finamira d’entusiasmar uffants e creschids per la programmaziun. En l’entira Europa vegnan organisads workshops tar questa temata. Era la Svizra fa part da questa occurrenza.

codeweek.eu

DETAGLS

Lingua d’occurenza: Tudestg, Englais
Stgalim d'instrucziun: Independet dal stgalim

Dapli occurrenzas

Infurmaziun

Logo SEFRI

Logo EDK

Services

Support