Datenbericht_rm

News

Castur informatica 2019

15.10.19 / Concurrenza da scola

La Societad svizra per l’informatica en la furmaziun (SVIA) ha lantschà il quiz-online che ha lieu dals 4 als 15 da november 2019. Il quiz è adattà per scolaras e scolars da 8 a 20 onns e na basegna naginas enconuschientschas da basa. Las inscripziuns èn avertas fin ils 31 d’october.

informatik-biber.ch

Webkids

11.10.19 / Publicaziun

NET-Metrix publitgescha per la terza giada datas davart il diever da l’internet dals uffants tranter 0 e 13 onns. La mesadad dals uffants svizzers dovran l’internet; mintga quart uffants è mintga di en l’internet. Il streaming è ina da las activitads preferidas dals uffants.

www.net-metrix.ch

Furmaziun professiunala digitala

07.10.19 / Furmaziun cuntinuada

Ina nova retscha da perfecziunament a la EHB sensibilisescha per la furmaziun digitala e tematisescha aspects relevants per emprender ed instruir cun agid da las medias novas. Per las persunas d’instrucziun a las scolas professiunalas èn ils curs gratuits.

www.ehb.swiss

Broschura sur cumpetenzas medialas

02.10.19 / Publicaziun / Cumpetenza da medias

La broschura da Giuventetgna e medias «Medienkompetenz» è vegnida surlavurada cumplettamain. Ella furnescha a geniturs ed a persunas d’instrucziun in agid da s’orientar ed encuraschescha d’accumpagnar a moda activa ils giuvenils e lur diever da las medias digitalas.

www.jugendundmedien.ch

Dieta da spezialists digitalisaziun e furmaziun

30.09.19 / educa.ch

La dieta da spezialists annuala è sa deditgada a la cultura da l’utilisaziun da las datas en la furmaziun. Las registraziuns da video da la conferenza plenara, las preschentaziuns ed ils resultats dals experiments èn disponibels online.

www.educa.ch

PHGR: Studi da master per savair instruir sin il stgalim secundar I

26.09.19 / Furmaziun professiunala

La SAPGR realisescha en cooperaziun cun la SAPSG in studi da master, cumplementar a la professiun, per savair instruir sin il stgalim secundar I. Quest studi sa drizza surtut a persunas d’instrucziun primaras cun in diplom. Infurmaziuns: SAPGR, 06.011.2019, 15.00 uras.

phgr.ch

Dapli news

Agenda

Castur informatica 2019

04.11.19 / online

Concurrenza da scola

La Societad svizra per l’informatica en la furmaziun (SVIA) ha lantschà il quiz-online Castur informatica 2019. Il quiz è adattà per scolaras e scolars da 8 a 20 onns e na basegna naginas enconuschientschas specificas d’informatica.

informatik-biber.ch

DETAGLS

Lingua d’occurenza: Tudestg, Franzos, Talian
Stgalim d'instrucziun: 2. ciclus (3. fin il 6. onn scolar), 3. ciclus (7. fin il 9. onn scolar), Scola post-obligatorica
Termin d'annunzia: 31.10.19

Café da la scienza Grischun: cudeschs d’instrucziun

07.11.19 / B12, Cuira

Dieta

Con ditg vegnan noss uffants anc lavurar ed emprender cun cudeschs? Na dovri betg pli ils cudeschs da scola? Stgatscha il telefonin ils fegls da lavur. La SAP GR lavura gia dapi blers onns sin quest champ. Il podium cun 5 experts vul dar ina survista.

www.htwchur.ch

didacta DIGITAL Swiss

28.11.19 - 30.11.19 / Basilea

Fiera

La didacta DIGITAL Swiss preschenta soluziuns ed ideas per la digitalisaziun en la branscha da furmaziun. Tematicamain focusescha ella sin ils champs digitals da la furmaziun da basa, scenaris pedagogics, meds d’instrucziun digitals ed apps, infrastructura cun buna prestaziuns, making robots e coding.

www.didacta-digital.ch

Dal like tar il bainstar - Vom Like zum Wohlbefinden

30.11.19 / SAP Lucerna

Dieta

Tge effectuescha e mida la digitalisaziun en la societad ed en l’economia? E co po ina scola realisar questa midada a moda sanadaivla e persistenta? Questas ed autras dumondas vegnan dilucidadas durant il di d’impuls cun referats e discussiuns.

www.schulnetz21.ch

DETAGLS

Lingua d’occurenza: Tudestg
Stgalim d'instrucziun: Independet dal stgalim

Ta registrescha per tia lingua

31.12.19 / Rumantschia, entir mund

30’000? 60’000? U la finala schizunt 100’000? Igl è difficil d’eruir precis quantas persunas che discurran e chapeschan rumantsch. Perquai dumbra la Lia Rumantscha fin il 2019 (giubileum da 100 onns) las Rumantschas ed ils Rumantschs. Ta registrescha per tia lingua online.

www.liarumantscha.ch

DETAGLS

Lingua d’occurenza: Rumantsch
Stgalim d'instrucziun: Scola obligatorica , Scola post-obligatorica

Dapli occurrenzas

Infurmaziun

Logo SEFRI

Logo EDK

Services

Job

Support