News

Format: 29.01.2020
Format: 29.01.2020

Congress FSFA 2020

28. schaner 2020 /

Il congress da la Fundaziun svizra per la furmaziun cun meds audiovisuals (FSFA) sa fatschenta cun las tecnologias digitalas en il context d’emprender e d’instruir. Il congress ha lieu ils 12 da mars 2020 a Berna.

www.bildung.ch

Congress davart la protecziun da datas

24. schaner 2020 /

Il congress Digma davart la protecziun da datas ha lieu ils 10 da mars a Turitg. El sa fatschenta da tematicas actualas sco la digitalisaziun en las scolas, surveglianza da videos, segirtad ed IT. Markus Willi (educa.ch) discuta cun auters experts davart Cloud Computing en scola.

www.digma-tagung.ch

Med d’instrucziun Big Data

24. schaner 2020 /

Big Data è ina tematica cumplexa. Il nov med didactic «Big Data» en furma modulara s’avischina a moda ludica ed innovativa al tema. Il med è vegnì elavurà dal Museum da la communicaziun ed il Program naziunal da retschertga 75 «Big Data».

www.mfk.ch

Mission Zero

21. schaner 2020 / /

Mission Zero dat la pussaivladad a las scolaras ed als scolars sut 14 onns da mussar lur programs d’informatica en l’univers sin la staziun spaziala internaziunala (ISS). Questa concurrenza vegn organisada dad ESA Education ensemen cun la fundaziun Raspberry Pi. Annunzias fin ils 20 mars da 2020.

astro-pi.org

Promoziun MINT er en l’Engiadina

20. schaner 2020 / /

La Mint-Academy vul intgantar e promover uffants tranter 9 e 12 onns per ils champs matematica, informatica, scienza natirala e tecnologia. Actualmain visitan passa 120 uffants ils curs a Cuira. Uss vul la Mint-Academy er s’etablir en l’Engiadina auta.

www.mint-academy.ch

Roteco

20. schaner 2020 /

La nova plattafurma Roteco porscha curs da robotica per persunas d‘instrucziun e las instruescha da realisar activitads en l’instrucziun. Persunas d’instrucziun pon barattar ideas ed opiniuns ed obtegnan infurmaziuns davart inscunters ed activitads per l’instrucziun.

www.roteco.ch

Future Classroom Lab: manual

16. schaner 2020 / /

Co pon ins implementar il model da Future Classroom lab en l’atgna scola? Il nov manual d'European Schoolnet descriva il process per endrizzar in Learning Labs, da la planisaziun a la finanziaziun e la realisaziun fin a l’evaluaziun ed als effects per la scola.

fcl.eun.org

Cumpetenza da medias tar ils scolars

15. schaner 2020 / /

Verifitgar funtaunas e pudair valitar infurmaziuns: L’Institut da perscrutaziun publicitad e societad da l’Universitad da Turitg è londervi d’installar ina atgna redacziun. Ella duai elavurar e metter a disposiziun a persunas d’instrucziun debattas medialas actualas.

www.persoenlich.com

Edulog: Intervista cun Philippe Froidevaux

14. schaner 2020 / /

Tenor l’agenda actuala vegnan las scolas dal chantun da Friburg a vegnir connectadas ad Edulog per il cumenzament da l’onn da scola 2020. En l’intervista discurra Philippe Froidevaux, directur dal Center da cumpetenzas Fritic, davart sias experientschas ed il futur.

www.edulog.ch

ZH: guid Office 365 actualisà

8. schaner 2020 /

Il responsabel per la protecziun da datas dal chantun da Turitg ha actualisà il guid «Office 365 per il champ da furmaziun». La versiun actualisada descriva las mesiras da protecziun concernent las datas da diagnosa che vegnan utilisadas en l’Office 365 ProPlus.

dsb.zh.ch

Freelance: Retschas da lecziuns

8. schaner 2020 /

Il program da prevenziun da dependenzas Freelance per il stgalim secundar I ha augmentà sias unitads d’instrucziun per duas tematicas: ellas s’occupan da pornografia e da Hate Speech ed èn telechargiablas gratuitamain.

be-freelance.net

CIIP: Program d’activitads 2020–2023

6. schaner 2020 /

La Conferenza interchantunala dals directurs da l'educaziun da la Svizra franzosa e dal Tessin (CIIP) ha validà il program d’activitads 2020-2023 che metta l’accent sin la «Convention scolaire romande» e sin il plan d’acziuns per la furmaziun digitala.

www.ciip.ch

Digital Humanities

19. december 2019 / /

Differentas universitads sa deditgeschan l’onn vegnint a la tematica da «Digital Humanities». Co pon ins digitalisar scrittiras veglias cun la pli moderna tecnica? Co dovran las studentas ed ils students la digitalisaziun per emprender? Questas ed autras dumondas stattan en il center.

www.epfl.ch

Bellas festas

19. december 2019 /

educa.ch giavischa a las utilisadras ed als utilisaders legraivlas, calmas e bellas festas da Nadal ed in nov onn da success. Nus As engraziain per l’interess e la confidenza resentida durant l’onn passà.

www.educa.ch

Program naziunal da retschertga «transfurmaziun digitala»

18. december 2019 /

Il program naziunal da retschertga «transfurmaziun digitala» cumenza cun 37 projects. Ils effects da la digitalisaziun, ils ristgs sco er las schanzas en la furmaziun figureschan en quests projects. En ina secunda fasa vegnan tschertgads projects specifics per cumplettar tschertas largias.

www.nfp77.ch

Plazzas libras a la SAPGR

18. december 2019 / /

La Scol’auta da pedagogia Grischun è ina scola trilingua. En il center da la SAPGR stattan dumondas che sa deditgeschan a la visiun «lernen, instruir, sviluppare». La SAPGR a Cuira tschertga da preschent in manader da project IT ed in pedagog da medias par las var 450 studentas e students.

phgr.ch

Il program da perfecziunament publitgà

18. december 2019 / /

La SAPGR metta l’onn 2020 il focus sin medias ed informatica. Cun purschidas multifaras reagescha la scola sin ils differents basegns: tranter auter porscha ella curs dal di, iCAMPs Teacher, CAS ICT support pedagogic (PICTS) u CAS informatica e didactica d’informatica.

www.phgr.ch

La dumbraziun dals Rumantschs è a fin

16. december 2019 / /

La dumbraziun da las Rumantschas e dals Rumantschs è ida a fin la notg da Son Niclà. Var 10’000 persunas han prendì part – era da la Nova Zelanda, da la Scozia, dals Stadis Unids, da l’Australia e perfin da Guadeloupe. Ellas han mussà colur per lur lingua e signalisà: nus essan Rumantschs.

www.youtube.com

Plattafurma digitala per manaschis d’emprendissadi

12. december 2019 /

Il chantun Lucerna ha lantschà in nov portal digital per la furmaziun professiunala. Ils manaschis d’emprendissadi pon administrar ed endatar ils contracts d’emprendissadi e lur plazzas libras a moda autonoma e nuncumplitgada.

lu.ch

Mooc: Patrimoni cultural digital

11. december 2019 /

Il Massive Open Online Course (MOOC) dad European Schoolnet sa deditgescha al tema «Patrimoni cultural digital». La finamira da quest curs è da meglierar la chapientscha da las persunas d’instrucziun e da las gidar ad integrar questa tematica en lur instrucziun. Il curs cumenza ils 13.01.2020.

www.europeanschoolnetacademy.eu

Syndicate content

Services

Support