News

Format: 23.09.2020
Format: 23.09.2020

Dieta d’experts digitalisaziun e furmaziun

17. settember 2020 / /

Nua sa chatta la furmaziun l’atun 2020? La pandemia ha sfurzà da reagir spert a circumstanzas novas e nunenconuschentas, ad adaptar elements famigliars e da chattar novas vias. La dieta d’experts ils 5 da november a Berna dat temp e spazi ad ina bilantscha intermediara.

www.educa.ch

Segirar la qualitad da purschidas online

16. settember 2020 /

Il lockdown durant la crisa da corona ha manà tar in enorm augment da purschidas d’emprender online en la furmaziun supplementara. Durant il Di naziunal da qualitad dals 9-11 pon las participantas ed ils participants barattar lur experientschas e sviluppar ideas praticas cun persunas spezialisadas.

alice.ch

Novas prioritads per ina Svizra digitala

14. settember 2020 /

Il Cussegl federal ha approvà la nova strategia actualisada «Svizra digitala», che metta tranter auter in focus pli ferm sin ils aspects liads a las datas. La Svizra vul promover l’access a spazis digitals fidabels per persunas singulas, interpresas e per il sectur public.

www.admin.ch

È la midada persistenta?

10. settember 2020 /

Uss cura che las scolas èn danovamain avertas e che l’instrucziun al lieu ha puspè lieu, sa dat la dumonda sche la midada digitala saja persistenta. Dr. Stefan Wolter e dr. Maria Cattaneo (CSRE Center svizzer da coordinaziun per la retschertga da l'educaziun) preschentan lur resultats.

www.eduport.ch

Dieta da spezialists digitalisaziun e furmaziun

31. avust 2020 / /

Nua va la furmaziun en il decurs da l’atun 2020? La pandemia ha sfurzà da reagir rapid a las circumstanzas novas e nunenconuschentas, d’adaptar ils elements enconuschents e da chattar novas vias. La dieta da spezialists dals 5 da november porscha il spazi ed il temp per ina bilantscha intermediara.

educa.ch

Sistem da furmaziun: «Nus stuain sa colliar en tut la Svizra»

27. avust 2020 / /

La cuntinuaziun da l’instrucziun a distanza dependa dal svilup da la pandemia. Las experientschas fatgas durant quest temp extraordinari duain vegnir tratgas a niz per dumagnar la digitalisaziun en la furmaziun, explitgescha Toni Ritz, directur educa.ch, en in’intervista.

www.eduport.ch

Emprender sut tschiel avert en il temp digital

20. avust 2020 /

Emprender endadens e sut tschiel avert: Tge ha quai da far cun la digitalisaziun? Rolf Jucker, directur da la Fundaziun SILVIVA, explitgescha en il rapport dad Eduport il grond potenzial d’emprender en e cun la natira gist en il temp da la transfurmaziun digitala.

www.eduport.ch

RTS/SRF: Facit davart l’instrucziun a distanza

17. avust 2020 /

Durant la coronacrisa han las scolas stuì introducir tut a la bahuta l’emprender a distanza. Quant bler è restà? Ina retrospectiva ed ina prevista per il cumenzament da las scolas da Radiotelevisiun Svizra RTS/SRF.

www.srf.ch

Castur d’informatica 2020

13. avust 2020 /

La Societad svizra per l’informatica en la furmaziun (SVIA) ha lantschà danovamain il quiz-online che ha lieu dals 2 als 13 da november 2020. Il quiz è adattà per scolaras e scolars da 8 a 20 onns e na basegna nagina presavida. S’inscriver a partir d’immediat.

informatik-biber.ch

Concurrenza: Science on Stage

7. avust 2020 / /

Organisà a moda da festival, pon las persunas d’instrucziun sa preschentar e barattar ideas davart concepts d’emprender e d’instruir en las domenas da las scienzas natiralas e da la tecnologia. Quest onn stattan las ideas actualas cun l’instrucziun a distanza en il center.

naturwissenschaften.ch

«L’emprender stat sur ils cuntegns»

6. avust 2020 / /

L’introducziun rapida da l’emprender a distanza il mars ha rinforzà il diever da web-communities. Quai è era stà il cas tar la plattafurma da barat «Web2-Unterricht» per las persunas d’instrucziun. Co ha la web-community passentà questa perioda? In discurs cun ils auturs dal blog.

www.eduport.ch

Resursas per l’instrucziun

3. avust 2020 / /

Essas Vus a la tschertga da resursas digitalas d’instruir e d’emprender per Vossa instrucziun? Sin educa.Biblio, chattais Vus ina gronda schelta da resursas ch’èn vegnidas controlladas e recumandadas da persunas spezialisadas da furmaziun en Svizra.

biblio.educa.ch

Document d’infurmaziun davart las plattafurmas d’emprender

30. fanadur 2020 / /

L’introducziun rapida da diversas plattafurmas d’emprender durant la pandemia è stada ina gronda sfida per blers responsabels. En quest context, ston uss posteriuramain vegnir exequidas las mesiras da segirtad relevantas. Il document d’infurmaziun d’educa.ch po esser in agid en chaussa.

www.eduport.ch

WELS Online

28. fanadur 2020 /

A la World Education Leadership Symposium Online Conference dal prim fin ils 9 da settember 2020 discurran ils acturs mundials da la furmaziun davart dumondas actualas. L’accent vegn mess sin la crisa da Covid-19 e sin ils resultats dal «SchulBarometer». La conferenza online è gratuita.

wels.edulead.net

educa.Navigatur: novas applicaziuns

21. fanadur 2020 /

Hazu, UCS@School u era Konvink cumpletteschan la glista da las applicaziun en il Navigatur. Las funcziuns polivalentas da las differentas applicaziuns èn cleramain classifitgadas e pon vegnir cumparegliadas tranter ellas.

navi.educa.ch

Utilisar apps confurm a la protecziun da datas

17. fanadur 2020 / /

Las applicaziuns per l’instrucziun a distanza èn savens vegnidas utilisadas urgentamain. En questa intervista explitgeschan las responsablas chantunalas Cécile Kerboas (VD) e Dominika Blonski (ZH) co ch’ins po las utilisar confurm a la protecziun da datas.

www.eduport.ch

Contract general cun Threema

10. fanadur 2020 / /

Threema ed educa.ch han signà in contract general per l’acquisiziun da licenzas per las instituziuns da la furmaziun. Quest contract pussibilitescha il diever dal servetsch-messenger «Threema Work» per cundiziuns unidas e giuridicamain segiras.

www.educa.ch

Cumpass per la transfurmaziun digitala

6. fanadur 2020 / /

Ils process per in svilup digital da las scolas èn adina cumplexs ed eterogens. Il set da cartas da «kompassdigitalerwandel.ch» dat ina survista da las tematicas tangadas e sustegna las scolas da sa deditgar a las pli impurtantas dumondas en chaussa.

kompassdigitalerwandel.ch

Edulog: Collavuraziun cun plandetudes.ch

30. zercladur 2020 / /

A partir da l'onn da scola 2020 vegn plandetudes.ch ad esser in dals emprims furniturs da servetschs tar Edulog. Gaël Teguia, responsabla per l’informatica da la CIIP, resumescha las sfidas d’ina collavuraziun cun la Federaziun dals servetschs d’identitad.

edulog.ch

Sco edulog ha contactà ils furniturs da servetschs

24. zercladur 2020 / /

Edulog è in’etappa impurtanta en la transfurmaziun digitala dal spazi da furmaziun svizzer. Edulog n’ha dentant nagina impurtanza senza esser connectà cun ils servetschs online. L’artitgel explitgescha co ch’ils furniturs da servetschs èn vegnì tar Edulog e tge perspectivas ch’il futur porta.

www.edulog.ch

Syndicate content

Services

Support