News

Format: 19.08.2018
Format: 19.08.2018

Bildungs- und Schulleitungssymposium

14. avust 2018 / /

La scol’auta da pedagogia da Zug (PHZG) organisescha dals 25 als 27 da settember 2019 in simposi internaziunal davart la direcziun da las scolas en Europa. Passa 800 experts ed expertas da 50 pajais discutan davart Responsible Leadership, la furmaziun 5.0 e l’innovaziun en la furmaziun.

wels.edulead.net

Generation Smartphone

6. avust 2018 / /

Ina vita senza smartphone? Nua vesan ils giuvenils ristgs e nua vesan els schanzas, tge fan els persuenter? Il studi da la Scola auta spezialisada da la Svizra dal Nordvest (FHNW) e da la Scola auta turitgaisa per scienzas applitgadas (ZHAW) sa deditgescha a questas ed autras dumondas.

www.zhaw.ch

Furmaziun professiunala 2030

3. avust 2018 / /

En vista a la realisaziun da la «Furmaziun professiunala 2030» ha il SEFRI incumbensà quatter differents studis. In da quels examinescha la flexibilisaziun da la furmaziun professiunala en il context da la digitalisaziun progressiva.

www.sbfi.admin.ch

Protecziun da datas

24. fanadur 2018 / / /

L’incumbensà federal per la protecziun da datas e per la transparenza (IFPDT) ha sviluppà material didactic per scolaras e scolars tranter 13 e 15 onns. Quest material stat a disposiziun gratuitamain a las persunas d’instrucziun.

www.edoeb.admin.ch

Swiss Internet Governance Forum

23. fanadur 2018 / /

Il Swiss Internet Governance Forum ha lieu ils 20 da november 2018 a Berna e pussibilitescha ad acturs da la politica, da l’economia, da l’administraziun e da la scienza da discutar davart dumondas da la digitalisaziun. Fin ils 31 d’avust pon temas da discussiun vegnir inoltrads.

www.igf.swiss

Martina Hirayama a la testa dal SEFRI

10. fanadur 2018 /

Il Cussegl federal ha nominà Martina Hirayama a la testa dal Secretariat da stadi per furmaziun, retschertga ed innovaziun (SEFRI). Ella surpiglia la plazza ils 1. da schaner 2019 ed è la successura da Mauro Dell’Ambrogio che cuntanscha la fin da quest onn la vegliadetgna regulara da pensiun.

www.admin.ch

Label MINT per ils gimnasis

8. fanadur 2018 /

L’Academia svizra da las scienzas natiralas premiescha gimnasis che s’engaschan a moda speziala per ils roms MINT. Gimnasis da la Svizra e dal Liechtenstein pon inoltrar lur dossiers d’annunzia fin ils 30 da settember 2018.

naturwissenschaften.ch

Dieta d’experts ICT e furmaziun: s’inscriver uss

29. zercladur 2018 / /

Con aut è il potenzial d’innovaziun da las datas en la furmaziun? Co pon ins las nizzegiar cun profit e tuttina garantir la protecziun da las datas? Prendai part a la discussiun a chaschun da la dieta d’experts ICT che ha lieu ils 8 da november a Berna. A partir d’immediat pon ins s’inscriver.

www.educa.ch

Swissdidac 2018

29. zercladur 2018 / /

A la Swissdidac dals 7 als 9 da november preschentan las agenturas spezialisadas IFES, Movetia, ZEM CES ed educa.ch communablamain lur servetschs e products. Passa 300 expositurs svizzers e d’auters pajais preschentan lur innovaziuns, offreschan workshops e mussan il futur da la scola.

www.educa.ch

Informatica obligatoric al gimnasi

28. zercladur 2018 / /

En il rom d’ina revisiun dal reglament davart la renconuschientscha da la maturitad figurescha ICT sco rom obligatoric. Uschia ston las scolas gimnasialas porscher a las scolaras ed als scolars il rom informatica a moda obligatorica fin l’onn da scola 2022/23 .

www.admin.ch

Strategia da la digitalisaziun

28. zercladur 2018 / /

La Conferenza svizra da las directuras e dals directurs chantunals da l'educaziun publica CDEP ha approvà la strategia per la digitalisaziun en la furmaziun. Cun questa strategia s’accordan ils chantuns da las finamiras sin il champ da la digitalisaziun e da la furmaziun.

www.edk.ch

Il potenzial MINT en Svizra

22. zercladur 2018 / /

Giuvenils svizzers, en spezial dunnas giuvnas, possedan in grond potenzial MINT en cumparegliaziun cun auters pajais. Tar questa conclusiun mainan las datas che sa basan sin PISA. Il potenzial MINT è fitg grond en tut ils chantuns da la Svizra.

www.satw.ch

Rapport da la furmaziun 2018

20. zercladur 2018 / /

La terza ediziun dal rapport da la furmaziun reunescha las datas e las infurmaziuns da la statistica, da la retschertga e da l’administraziun. El cuvra quasi 500 temas, la digitalisaziun e la migraziun numna el sco sfida.

monitoring.educa.ch

Programmar e furmaziun creativa

19. zercladur 2018 /

La publicaziun actuala da l’Uniun da persunas d’instrucziun per la furmaziun creativa sa deditgescha tranter auter a la programmaziun en l’art. Differentas contribuziuns dattan novs impuls per l’instrucziun. Art daventa digital.

meinheft.ch

Di digital 2018: concurrenza da scola

14. zercladur 2018 /

La concurrenza da video da digitalswitzerland sur il tema «giugar – baterlar – sa muventar: Tge cumparsa ha il plaz da pausa 4.0? dat a persunas d’instrucziun ed a scolaras e scolars la pussaivladad da sa fatschentar cun la digitalisaziun or d’ina autra perspectiva. Termin: fin settember 2018.

schulwettbewerb.digitaltag.swiss

Diever da medias tar uffants pitschens

11. zercladur 2018 / /

Schebain ch’uffants tranter 4 e 7 onns laschan sa fascinar fermamain da las medias digitalas, prefereschan els da termagliar cun amis ed amias. Quai mussa il studi ADELE che dat in’invista profunda dal diever da medias d’uffants e che cumplettescha ils studis MIKE e JAMES.

www.zhaw.ch

App d’emprender davart il holocaust

11. zercladur 2018 / /

La nova app «Fliehen vor dem Holocaust», co-sviluppada da la SAP Lucerna vul pussibilitar en scola ina occupaziun intensiva cun la tematica difficila dal holocaust. Ils videos da tschintg perditgas che raquintan lur istorgias da la fugia stattan en il center.

www.erinnern.at

#digitale21: actualitads

6. zercladur 2018 /

A chaschun da la #digitale21 a Lugano han exponents da l’economia, da la scienza e da la furmaziun discutà davart la digitalisaziun en la furmaziun, en l’emprendissadi e tar la lavur. Londerora èn sa resultadas 10 recumandaziuns fitg concretas.

www.digitale21.ch

Instruir ed emprender cun guaffens digitals

6. zercladur 2018 / /

Co crear in’instrucziun contemporana che promova las mirveglias e l’interess per la brama da savair en cumbinaziun cun guaffens digitals? La broschura da «Netzwerk Digitale Bildung» dat ideas ed indizis.

www.netzwerk-digitale-bildung.de

Svizra digitala: Cumparaziun internaziunala

5. zercladur 2018 / /

L’Uffizi federal da statistica ha publitgà ils resultats da la retschertga ICT 2017, fatga tar var 3000 persunas. Tar il diever e las cumpetenzas digitalas è la Svizra situada pauc sur la media europeica, er en il champ da la furmaziun-online na tutga la Svizra betg tar ils pajais ils pli activs.

www.bfs.admin.ch

Syndicate content

Services

Job

Support