News

Format: 21.01.2020
Format: 21.01.2020

Hackdays 2019

20. favrer 2019 / /

Ils 22 e 23 da mars organisescha SRG SSR ina nova ediziun dals Hackdays tar il tema «Utilisar las medias en l’avegnir». Quest onn sa splegan ils Hackdays en trais citads, a Genevra, a Turitg e per l’emprima giada er a Lugano. Ins po s’inscriver sin la pagina-web.

www.srgssr.ch

Swiss TecLadies

12. favrer 2019 /

Mattas fin 16 onns pon s'annunziar cun in test online tar il project «Swiss TecLadies». Quel vegn organisà da l'Academia svizra da las scienzas tecnicas SATW. Cun quest project vulan ils organisaturs promover mattas en mastergns da MINT (matematica, informatica, scienzas natiralas e tecnica).

www.tecladies.ch

Play to Learn 2019

7. favrer 2019 / / /

La dieta da furmaziun sa deditgescha ils 6 d’avrigl 2019 al tema «BYOD – more didactics, less device». L’occurrenza porscha sper keynotes e discussiuns da podium er ina vasta paletta da workshops che mussan novas perspectivas ed ideas creativas per utilisar medias audiovisualas en l’instrucziun.

www.play-to-learn.ch

educanet² vegn sistì: mails e FAQ

5. favrer 2019 / /

Vulais Vus retschaiver infurmaziuns davart la serrada da la plattafurma educanet²? Alura pudais Vus s’inscriver en nossa glista da mailing. Ultra da quai chattais Vus là dumondas e respostas davart la serrada ed inputs da la community.

www.educanet2.ch

Stress digital

4. favrer 2019 / /

Adina dapli umans sa sentan sut stress cun far diever dal telefonin e dad autras medias digitalas. Il studi actual da Saferinternet.at mussa co ch’ils giuvenils dumognan quest effect da fascinaziun. Dapli che 35 procent da la giuventetgna sa senta stressada cun las medias omnipreschentas.

www.saferinternet.at

Grischun digital

30. schaner 2019 / /

Suenter il grond success 2018 expandeschan ils i-CAMPs da Flem e porschan 2019 sper la purschida da vacanzas per uffants er curs da perfecziunament per persunas d’instrucziun ed in simposi davart il svilup da la scola e da l’instrucziun sin il champ da l’informatica.

phgr.ch

Sfera privata dals uffants

29. schaner 2019 / /

La SAP da Turitg ha creà ensemen cun l’incumbensà per la protecziun da datas dal chantun da Turitg in nov med d’instrucziun per uffants da 4 a 8 onns davart la sfera privata. Il material didactic stat a disposiziun gratuitamain a persunas interessadas a partir da l’avrigl 2019.

dsb.zh.ch

Protecziun da las datas

28. schaner 2019 / /

A chaschun dal di mundial da la protecziun da las datas ha educa.ch publitgà in nov dossier davart quest tema. Quel cuntegna infurmaziuns da la basa giuridica sco er links e guids per l’instrucziun. Il dossier vegn cumplettà cun ina app che preschenta videos curts ed in glossari.

www.educa.ch

Project FIDES: dumondas e respostas

28. schaner 2019 / /

Las enconuschientschas davart la digitalisaziun madiran en il spazi da furmaziun cun agid dal barat dals practicists en scola, en l’administraziun e sin il martgà da meds d’instrucziun. La pagina FIDES dat resposta a las dumondas las pli frequentas en sia nova rubrica FAQ.

fides.educa.ch

MOOC: persunas d’instrucziun colliadas

22. schaner 2019 /

Il Massive Open Online Course (MOOC) d'European Schoolnet sa drizza a tut las studentas e students da las SAPs. La finamira è da sviluppar cumpetenzas pedagogicas e digitalas, s’approximar a furmas da lavur collaborativas e da crear ina rait professiunala. Il curs cumenza ils 25 da favrer 2019.

www.europeanschoolnetacademy.eu

Trends Shaping Education

22. schaner 2019 / /

Il rapport da l'OCDE «Trends Shaping Education» examinescha las impurtantas tendenzas economicas, socialas e tecnologicas che han in effect sin il futur da la furmaziun. La finamira da quest rapport è da promover la reflexiun strategica e dad intimar discussiuns areguard las sfidas futuras.

www.oecd.org

IA - ina sfida per la scola

21. schaner 2019 / /

Tge cumpetenzas ston ils emprendiders e las emprendidras dumagnar e tge sfidas porta la digitalisaziun e la IA per las persunas d’instrucziun? L’emissiun da SRF «Eco» è sa deditgada a l’intelligenza artifiziala e ses effects sin il mund professiunal e sin la scola.

www.srf.ch

Syndicate content

Services

Support