News

Format: 21.01.2020
Format: 21.01.2020

Digi-Check per las scolas professiunalas

9. avrigl 2019 / /

Fin oz èn dapli che 100 scolas professiunalas s’inscrittas per il lavuratori digi-check da l’IFFP/EHB. La mira dal workshop è d’accumpagnar las persunas d’instrucziun sin lur viadi da transfurmaziun. L’artitgel cumparì en il magazin «Skilled» dat ina survista.

www.ehb.swiss

FIDES: Federalissem da las datotecas

5. avrigl 2019 / /

La futura Federaziun dals servetschs d’identitad en il spazi da furmaziun svizzer sto reunir diversas furmas d’organisaziun e tecnologias. Intervistas en 21 chantuns ed ina retschertga naziunala tar las direcziuns da scola han rendì visibel las structuras multifaras.

fides.educa.ch

Cumpetenzas digitalas: Seminar a Tallinn

3. avrigl 2019 / /

In seminari da contact davart las cumpetenzas digitalas en la furmaziun ha lieu a Tallin dals 4 als 7 da settember 2019. Il seminari collia las scolas e gida a planisar projects communabels. Movetia sustegna la participaziun.

www.movetia.ch

Crescher si en l’era digitala

1. avrigl 2019 / /

Il nov rapport «Crescher si en l’era digitala» da la Cumissiun federala per l'uffanza e la giuventetgna metta il focus sin las cumpetenzas digitalas dals uffants e giuvenils. Tge cumpetenzas ston vegnir promovidas per ina vita moderna, per sa furmar, per lavurar e per sa participar al mund digital.

www.ekkj.admin.ch

Congress svizzer da la pedagogia spezialisada

22. mars 2019 / /

Il congress dals 27 e 28 d’avust a Berna ha sco tema «La transfurmaziun digitala – smaladicziun u benedicziun per la pedagogia spezialisada?» Pliras intervenziuns stattan sin il program, tranter auter era Toni Ritz, directur d’educa.ch, cun la digitalisaziun sco schanza per l’integraziun.

www.szh.ch

In FabLab en Vossa scola?

20. mars 2019 /

Avais Vus avert in FabLab en Vossa scola per ch’ils scolars e las scolaras pon sviluppar projects creativs cun agid da las novas tecnologias? European Schoolnet vul dar pais a quests projects. Interessents pon contactar Stephanie Burton.

stephanie.burton@hepl.ch

Tessin: Credit per la digitalisaziun da la scolas

19. mars 2019 /

Il Cussegl grond ha approvà in credit d’investiziun da 47 milliuns per l’informatica en las scolas chantunalas. En spezial duai l’infrastructura da l’informatica en las scolas vegnir adaptada en il decurs dals proxims 5 onns.

www.rsi.ch

UE: ICT en la furmaziun

18. mars 2019 / /

La Cumissiun europeica ha publitgà il rapport «2nd Survey of Schools: ICT in Education». Questa retschertga tar las persunas d’instrucziun, tar scolaras e scolars sco era tar geniturs cuntegna ina gronda paletta da temas: access e niz da la digitalisaziun e strategias digitalas en las scolas.

ec.europa.eu

Instruir cun Europeana

15. mars 2019 / /

Co includer las resursas digitalas dals patrimonis culturals en l’instrucziun? La nova plattafurma «Teaching with Europeana» propona ideas e scenaris d’emprender. La banca da datas «Europeana» cuntegna passa 50 milliuns datotecas per l’instrucziun.

teachwitheuropeana.eun.org

Svilup da la furmaziun professiunala

14. mars 2019 /

Quest tema stat en il center da l’ultima ediziun dal magazin «SEFRI/SBFI News» en il rom dal project «Furmaziun professiunala 2030». Il magazin preschenta intgins projects da promoziun sco era l’iniziativa «digitalinform.swiss».

www.sbfi.admin.ch

Experts èn tschertgads

13. mars 2019 /

Sin la tschertga da resursas per instruir pon ils sistems da recumandaziun facilitar la lavur a las persunas d’instrucziun. Tgenins èn ils sistems ils pli effectivs en il sectur da la scola? European Schoolnet planisescha in cudesch alv davart questa tematica e va a la tschertga d’experts.

www.eun.org

Open Education Days

8. mars 2019 / /

L’Open Education Day 2019 ha lieu sonda, ils 6 d’avrigl a Berna. La dieta è gratuita e porscha ina vasta paletta da referats, workshops e preschentaziuns. Ultra da quai generescha ella savida en Open Source Technologies, Open Content ed en cumpetenzas d’informatica dal Plan d’instrucziun 21.

openeducationday.ch

Congress svizzer da pedagogia spezialisada

8. mars 2019 / /

Il congress ha lieu ils 27 e 28 d’avust 2019 a Berna. El s’occupa da la transfurmaziun digitala en la pedagogia spezialisada. Las novas tecnologias pon purtar a persunas cun basegns particulars novas sfidas. Las pussaivladads sco er ils ristgs vegnan tematisads.

www.szh.ch

Project FIDES: Tests pratics

6. mars 2019 / /

Ils emprims tests pratics han cumenzà la fin da favrer en las scolas. L’equipa dal project vul intervegnir co che las scolaras ed ils scolars vegnan a frida cun ina identitad digitala federativa. Ils resultats dattan ina impurtanta basa per l’elavuraziun futura dal project.

fides.educa.ch

Retschertga newsletter

1. mars 2019 /

Mintga mais infurmescha la newsletter d’educa.ch davart las actualitads dals champs ICT e furmaziun. Gugent vulain nus sviluppar ina newsletter tenor ils basegns da nossas abunentas e noss abunents. Nus as engraziain ordavant per respunder a questa curta retschertga da 5 minutas.

de.surveymonkey.com

Forum naziunal per giuventetgna e medias

28. favrer 2019 / /

Big data, fake news ed auters temas da la digitalisaziun stattan en il center dal quart forum per giuventetgna e medias che ha lieu ils 23 da matg en il Stade de Suisse a Berna. Questa occurrenza s’adressescha a persunas che s’occupan professiunalmain cun dumondas da protecziun per uffants.

www.jugendundmedien.ch

Project FIDES: Exempel d’applicaziun

26. favrer 2019 / /

La digitalisaziun è dapertut. En incumbensa da la CDEP propona il project FIDES in ulteriur exempel d’applicaziun en la scola fictiva da Fliedermatte: Co reusseschan ils students e las studentas da las scolas autas pedagogicas lur praticums senza gronds errurs digitals.

fides.educa.ch

Intelligenza artifiziala en la furmaziun

25. favrer 2019 /

Co pon ins integrar l’intelligenza artifiziala (IA) e l’emprender cun la maschina en il context da la furmaziun e tgeninas èn las sfidas? Il palpiri da l’European Schoolnet dat ina survista dals portals da furmaziun che fan diever dad Open Educational Resources (OER) Repositorien.

www.eun.org

Rapport sur pleds instigants

21. favrer 2019 / /

Il nov rapport «Hacking Online Hate: Building an Evidence Base for Educators» s’occupa da la problematica da pleds instigants plain odi en la rait. El dat ina definiziun cumpletta ed in’approximaziun pedagogica che lai chapir e reagir a moda cumpetenta ils uffants e las persunas d’instrucziun.

www.hackinghate.eu

Klicksafe to go

20. favrer 2019 / /

Assistents da linguas, social bots e roboters: Intelligenza artifiziala, algoritmus e maschinas intelligentas vegnan ad influenzar nossa vita. L’ediziun actuala da «klicksafe to go» sa fatschenta cun ils ristgs ed ils privels dal futur digital e preschenta ideas per l’instrucziun.

www.klicksafe.de

Syndicate content

Services

Support