News

Format: 15.09.2019
Format: 15.09.2019

Cumpetenza d‘infurmaziun MOOC

23. november 2018 / /

Cun l’agid da MOOC pon scolaras e scolars dal segund stgalim secundar sviluppar novas cumpetenzas d’infurmaziun. Sin basa da la dumonda «Pertge han intgins videos-online tant success?», emprendan els pass per pass da s’occupar cun infurmaziuns. Il curs-online cumenza il favrer 2019.

i-mooc.ch

Campagna MINT 2019

20. november 2018 / /

La quarta emna da scuverta MINT ha lieu dals 22 als 28 d’avrigl 2019. Las occurrenzas e las activitads èn vesaivlas sin il fegl sgulant edì da Scientix. Persunas d’instrucziun chattan uschia a moda simpla ils champs d’interess ch’èn adattads per lur classas.

www.scientix.eu

Dieta da spezialists ICT e furmaziun

19. november 2018 /

La dieta da spezialists dals 8 da november 2018 a Berna è sa deditgada al tema da las datas da la furmaziun ed a la pretensiun da las utilisar a moda intelligenta. Las registraziuns da video da las keynotes sco er ils discurs da podium èn disponibels sin la pagina-web da l’occurrenza.

www.educa.ch

Meds d’instrucziun en in mund digital

14. november 2018 /

Il svilup digital porscha malgrà tut las sfidas era pussaivladads e schanzas per las scolas e lur meds d’instrucziun. Il Center interchantunal per meds d’instrucziun ilz ha perquai incumbensà la SAP Sviz d’elavurar in rapport da spezialists en chaussa. Il resultat è uss sin maisa.

www.ilz.ch

Resultats JAMES 2018

9. november 2018 / /

Ils giuvens communitgeschan cun lur telefonins en emprima lingia per Instagram, WhatsApp u Snapchat. Sulettamain in da tschintg giuvenils utilisescha regularmain Facebook. Quai revelescha il studi JAMES 2018 davart l’utilisaziun da medias da giuvenils tranter 12 e 19 onns.

www.zhaw.ch

educa.Biblio – nov design

7. november 2018 / /

La plattafurma per resursas electronicas d’emprender e d’instruir educa.Biblio ha ina nova cumparsa e porscha novas funcziuns. Il layout è vegnì optimà per ils apparats mobils ed ulteriuras funcziuns da retschertga empermettan da chattar svelt las resursas.

biblio.educa.ch

Skillsnet – plattafurma per ina rait da contacts

5. november 2018 /

La plattafurma SkillsNet envida tut ils acturs dal sistem da furmaziun da far part d’ina communitad. Ils acturs pon s’infurmar, communitgar, collavurar e barattar ideas e Best Practices en in process dad Open Innnovation.

www.ehb.swiss

Schanzas e ristgs da gieus digitals

5. november 2018 / /

La nova ediziun dal guid per novas medias «enter» da la Swisscom sa deditgescha als temas e-sport ed als pregiudizis existents davart ils gieus digitals. La broschura dilucidescha la rolla dals gieus digitals en nossa societad e dat cussegls a geniturs ed a persunas d’instrucziun.

www.swisscom.ch

Ina rait per il futur

29. october 2018 / /

Las agenturas spezialisadas educa.ch, IFES IPES, Movetia e ZEM CES sa connecteschan e preschentan lur products e servetschs dals 7 als 9 da november a la Swissdidac. Ans visitai per scuvrir co che nus pudain As sustegnair en il futur.

educa.ch

Liberar il potenzial da las datas

24. october 2018 / /

Al colloqui d’ICT e furmaziun dals 8 da november 2018 discutain nus cun ils referents Tom Kleiber, Paul-Olivier Dehaye, Bernhard Bacher e Samuel Jäggi davart l’utilisaziun profitabla da las datas en la furmaziun. Vegni e discutai cun nus!

educa.ch

Grischun: lescha revedida davart las scolas medias

23. october 2018 /

Il Cussegl grond ha tractà il sboz per la revisiun totala da la lescha davart las scolas medias en il chantun Grischun. La Lia Rumantscha prenda cun plaschair enconuschientscha da la decisiun dad acceptar tranter auter duas novas disposiziuns che rinforzan la furmaziun en rumantsch.

www.rtr.ch

Roboter didactic e virtual

23. october 2018 / /

Programmar in roboter: quai plascha a blers uffants. Il spinn-off-SPF/ETH «RosieReality» pussibilitescha quai – dentant be a moda virtuala. La finamira dal startup èsi d’intgantar ils uffants cun agid d’ina app per la programmaziun e la robotica.

www.ethz.ch

Furmaziun professiunala 4.0

22. october 2018 / /

Las tecnologias digitalas avran novas pussaivladads en la furmaziun professiunala. Il nov rapport da trend ed il document da posiziun dilucideschan ils effects da la digitalisaziun en la furmaziun professiunala e mussan vias tar ina didactica contemporana.

www.ehb.swiss

Dunnas@tecnica ed informtica

22. october 2018 / /

Ils 29 da schaner ha lieu a Berna in di deditgà a mattatschas ed a dunnas per las intgantar per la materia da MINT. La dieta cumenza cun in referat davart aspects da gender e preschenta silsuenter als participants numerus projects en chaussa.

www.satw.ch

Match&move

19. october 2018 /

Questa nova plattafurma empermetta a las persunas d’instrucziun che vulan organisar in barat da classas a preschentar lur project e da sa metter a la tschertga d’ina classa partenaria. Medias ed informatica stattan en il center da plirs projects che figureschan gia sin la plattafurma.

www.matchnmove.ch

MINT: furmaziun supplementara online

12. october 2018 / /

La nova furmaziun supplementara online da la SAP Turitg sin il champ da MINT sa deditgescha a las tematicas energia e transport d’energia. Persunas d’instrucziun emprendan d’enconuscher il quadrin energetic e co ch’ins po al integrar en l’instrucziun. Il curs e gratuit.

phzh.ch

Inauguraziun dal Center LEARN

10. october 2018 /

Il Center LEARN è deditgà a la scienza da la furmaziun. La finamira è da promover l’innovaziun sin nivel pedagogic e da chapir las sfidas tras la transfurmaziun digitala da nossa societad. Plinavant vul il center sa focusar sin il svilup en la furmaziun online.

epfl.ch

Co proteger la sfera privata?

4. october 2018 / /

Per sensibilisar scolars ed emprendists d’utilisar datas persunalas a moda responsabla, ha l’incumbensada federala per la protecziun da datas e per la transparenza (IFPDT/EDÖB) creà material didactic. Silvia Böhlen, spezialista da communicaziun, ha dà pled e fatg davart il tema protecziun da datas.

www.educa.ch

Datas da la furmaziun a la SWISSDIDAC

26. settember 2018 / /

Datas, protecziun da datas e data governance – quests temas èn omnipreschents e daventan anc pli impurtants en il futur. educa.ch metta questa tematica en il focus durant la Swissdidac che ha lieu dals 7 als 9 da november a Berna. Faschai ina visita al stan F26, sala 3.2.

swissdidac.educa.ch

Concurrenza First Lego League

26. settember 2018 / / /

En Svizra mancan inschigneras e scienziads. First Lego League s’engascha per la promoziun da la generaziun giuvna en il sectur da la scienza e cumbinescha savida e plaschair. La concurrenza regiunala da giuvenils tranter 9 e 16 onns ha lieu ils 24 da november 2018 a la SAP GR a Cuira.

www.phgr.ch

Syndicate content

Services

Job

Support