News

Format: 23.09.2020
Format: 23.09.2020

Il program da perfecziunament publitgà

18. december 2019 / /

La SAPGR metta l’onn 2020 il focus sin medias ed informatica. Cun purschidas multifaras reagescha la scola sin ils differents basegns: tranter auter porscha ella curs dal di, iCAMPs Teacher, CAS ICT support pedagogic (PICTS) u CAS informatica e didactica d’informatica.

www.phgr.ch

La dumbraziun dals Rumantschs è a fin

16. december 2019 / /

La dumbraziun da las Rumantschas e dals Rumantschs è ida a fin la notg da Son Niclà. Var 10’000 persunas han prendì part – era da la Nova Zelanda, da la Scozia, dals Stadis Unids, da l’Australia e perfin da Guadeloupe. Ellas han mussà colur per lur lingua e signalisà: nus essan Rumantschs.

www.youtube.com

Plattafurma digitala per manaschis d’emprendissadi

12. december 2019 /

Il chantun Lucerna ha lantschà in nov portal digital per la furmaziun professiunala. Ils manaschis d’emprendissadi pon administrar ed endatar ils contracts d’emprendissadi e lur plazzas libras a moda autonoma e nuncumplitgada.

lu.ch

Mooc: Patrimoni cultural digital

11. december 2019 /

Il Massive Open Online Course (MOOC) dad European Schoolnet sa deditgescha al tema «Patrimoni cultural digital». La finamira da quest curs è da meglierar la chapientscha da las persunas d’instrucziun e da las gidar ad integrar questa tematica en lur instrucziun. Il curs cumenza ils 13.01.2020.

www.europeanschoolnetacademy.eu

Resultats Pisa 2018

3. december 2019 / / /

Il consorzi PISA.ch ha publitgà il rapport naziunal davart la retschertga PISA 2018. Il rapport preschenta ils resultats da la Svizra en las domenas examinadas. El s’occupa medemamain d’ulteriurs temas sco l’equipament da las scolas cun apparaturas digitalas ed er lur diever en l’instrucziun.

pisa.educa.ch

Portal spezialisà cumpetenzas da basa

2. december 2019 /

La Federaziun svizra leger e scriver ha mess en lingia il portal spezialisà kompetence.ch. El serva a la promoziun da las quatter cumpetenzas da basa: leger, scriver, quintar e cumpetenzas digitalas e remplazza la pagina-web lesenlireleggere.ch che sa focusava sin l’analfabetissem.

kompetence.ch

Chalender d’advent «Chatta il code»

22. november 2019 / /

Il post da cussegliaziun Imedias porscha in chalender d’advent cun in tema d’informatica. Grazia a «Chatta il code – Knack den Code» po l’informatica vegnir instruida a moda ludica per ils uffants dal 2. ciclus. Era vegn il pensar informatic – igl uschenumnà Computational Thinking – promovì.

www.imedias.ch

Stgomi da classa digital

19. november 2019 /

In viva sin la communicaziun digitala. Conferenzas da video, e-mails, trametter audios e documents-online: ils meds digitals da communicaziun èn fitg vasts. Movetia gida ad instradar «webinars» gratuits per la realisaziun da stgomis da classa digitals.

www.movetia.ch

Didactica sin via digitala

15. november 2019 /

La dieta dals 4 da mars 2020 a Cuira examinescha tranter autras las dumondas suandantas: co utilisar a moda effizienta las medias en classa, tge rolla ha la persuna d’instrucziun e tge sto vegnir resguardà sch’ins dovra medias en classa.

www.bgs-chur.ch

Transfurmaziun digitala en la pedagogia speziala

13. november 2019 /

L’ediziun actuala da la Revista svizra per pedagogia curativa sa deditgescha al tema dal congress da quest onn «Transfurmaziun digitala». Numerusas contribuziuns tractan las schanzas ed ils ristgs da la transfurmaziun digitala en la pedagogia speziala e curativa.

szh.ch

educa.Job smetta si’activitad fin 2019

8. november 2019 /

Sper la reorientaziun da l’agenzia spezialisada educa.ch ha in’analisa da la situaziun mussà ch’il portal da plazzas educa.Job na correspunda betg pli als aspects da segirezza e ch’adaptaziuns fissan necessarias. Quellas ponderaziuns han manà a la decisiun da serrar il portal sin ils 31-12-2019.

job.educa.ch

Emprender en il sistem d’ecologia

7. november 2019 / /

La midada digitala disfa ils cunfins tranter ina furmaziun formala, betg formala ed informala. Raits analogas e digitalas sa collian tar in nov sistem d’ecologia cun novas schanzas e ristgs per l’emprender ed instruir. Monika Rohner ha illustrà per educa.ch il nov pajais da furmaziun.

www.educa.ch

Studi ICILS 2018

6. november 2019 / /

Tenor ils resultats da l’evaluaziun internaziunala ICILS 2018 tutgan las scolaras ed ils scolars tudestgs tar la media pertutgant il diever cumpetent da medias digitalas. Sa participà han 14 pajais. La Svizra n’ha betg fatg part al studi.

uni-paderborn.de

«Scuola in codice» dal Puschlav vegn premià

5. november 2019 / /

Spotlight Svizra premiescha praticas innovativas da persunas d’instrucziun che sustegnan la transfurmaziun digitala en scolas. Tranter ils diesch projects elegids sa chatta er in da la scola communala da Poschiavo che preveda l’instrucziun coordinada da la robotica educativa e dal coding.

www.youtube.com

Spotlight Svizra

5. november 2019 /

Il premi «Spotlight Svizra» è vegnì surdà a 10 scolas per lur lavur en connex cun l’integraziun da meds digitals. Ils victurs pon sa participar al HundrED Innovation Summit 2019 a Helsinki. Quel reunescha ils innovaturs ils pli inspirants dal mund en la domena da la furmaziun.

jacobsfoundation.org

Introducziun dal rom informatica en ils gimnasis

1. november 2019 /

L’informatica vegn actualmain introducida sco rom obligatoric en ils gimnasis. A partir da l’onn da scola 2022/2023 sin il pli tard, ston ils chantuns porscher a moda obligatorica quest rom. La SSIE-SVIA ha fatg ina retschertga en chaussa tar las persunas d’instrucziun d’informatica en ils gimnasis.

svia-ssie-ssii.ch

La CDEP lantscha Edulog

31. october 2019 / /

La CDEP franchescha in’etappa decisiva en la realisaziun da sia strategia digitala. En l’avegnir empermetta Edulog als uffants ed als giuvenils d’avair access als servetschs online che stattan en stretg connex cun la scola. Il diever vegn pussibilità a partir da l’onn da scola 20/21.

www.edulog.ch

LEARN Day

29. october 2019 /

Questa occurrenza organisada dal Center LEARN da la Scola politecnica federala Losanna ha lieu ils 27 da november a Berna. D’ina vart duai ella pussibilitar il barat direct tranter scienza e pratica e da l’autra vart vul ella far vesaivel il niz da las innovaziuns tecnicas en la pedagogia.

learn-day.ch

Dieta d’atun en la furmaziun professiunala

25. october 2019 / /

La dieta d’atun dal SEFRI (Secretariat da stadi per furmaziun, retschertga ed innovaziun) ils 26 da november stat sut il tema «Furmaziun professiunala 2030: emprender l’entira vita fin a la governance». Il program cumpiglia referats d’impuls, ateliers e workshops davart governance e digitalisaziun.

www.sbfi.admin.ch

SPFL e Vad augmentan lur collavuraziun

24. october 2019 /

La Scola politecnica federala Losanna ed il chantun Vad han suttascrit in contract general. Quel reglescha la collavuraziun tranter il chantun e la scola auta per simplifitgar la realisaziun da projects specifics en la furmaziun digitala ed en la pedagogica.

epfl.ch

Syndicate content

Services

Support