News
OECD: Buns resultats per la furmaziun
21. november 2017 / Publicaziun / Internaziunal
En ses rapport davart l’economia da la Svizra, metta l’OECD l’accent sin l’impurtanza da la capacitad d’adaptar il sistem da furmaziun svizzer en il context da la digitalisaziun. Areguard ils deficits, duai la Svizra nizzegiar ils midaments actuals a moda flexibla e proactiva.
Cumpetenzas da la generaziun giuvna
20. november 2017 / Cumpetenza da medias / MINT
A la dieta Promoziun tecnica da la generaziun giuvna da la ASST (SATW) èn las cumpetenzas e la digitalisaziun stadas en il focus. Divers referats d’impuls han dilucidà ils midaments da las cumpetenzas tras la digitalisaziun. Las preschentaziuns èn uss online.
Mobilitad dal futur
20. november 2017 / Resursa didactica / Cumpetenza da medias
Il Museum svizzer da transports a Lucerna mussa en collavuraziun cun la VFF (SBB) in’exposiziun deditgada a la «Mobilitad da damaun». La digitalisaziun avra adina novas pussaivladads da transport sco per exempel numerus agids interactivs per ils viagiaturs.
Futur digital da la Svizra
20. november 2017 / Occurrenza / Societad d'infurmaziun
L’emprima conferenza naziunala «Svizra digitala» a Bienna ha reunì var 700 represchentants da las autoritads, da l’economia, da la scienza, dal mund politic e da la societad civila. Numerusas propostas èn vegnidas fatgas per sviluppar la strategia da la «Svizra digitala» dal Cussegl federal.
ID digitala renconuschida
16. november 2017 / Identitad digitala
Il Cussegl federal vul instradar normas cleras per ina ID digitala. L’identitad digitala duai esser renconuschida uffizialmain, ella duai esser examinabla e segira. Il Cussegl federal ha incumbensà il Departament federal da giustia e polizia (DFGP) d’elavurar in sboz da leschas per la stad 2018.
Emna svizra per programmar
16. november 2017 / Occurrenza / MINT
Dals 4 als 10 da december 2017 pon scolaras e scolars experimentar en il rom da la Swiss CSEdWeek 2017 cun accumpagnament da lur persuna d’instrucziun divers exercizis da programmar. La Scol’auta da pedagogia da la FHNW ha sviluppà dus tutorials per crear in gieu da video en trais dimensiuns.
Furmaziun professiunala en il futur
15. november 2017 / Furmaziun professiunala / Cumpetenza da medias / Furmaziun cuntinuada
A chaschun da la scuntrada naziunala dals acturs da la furmaziun professiunala, èn ils discurs stads focussads sin las novas sfidas ch’il martgà da lavur pretenda dals lavurers e da las interpresas. La digitalisaziun ha er qua ina gronda influenza.
Concept general FIDES
14. november 2017 / Identitad digitala / educa.ch
A chaschun da lur radunanza annuala ha la CDEP adaptà il concept general FIDES (Federaziun da servetschs d’identitad) e decidì en il medem temp da precisar las modalitads da lavur e da finanziaziun da la federaziun. L’agenzia spezialisada educa.ch ha l’incumbensa d’etablir in concept detaglià.
Digitalisaziun en las scolas
9. november 2017 / Good Practice / Furmaziun professiunala / Publicaziun
L’ultima ediziun dal Fegl scolastic dal chantun da Turitg è deditgada a la digitalisaziun. Visitas en numerusas scolas mussan co ch’i vegn duvrà ils meds digitals e tge influenza ch’els han sin il mintgadi en scola.
Sprachen – Langues – Lingue
31. october 2017 / Publicaziun / Resursa didactica
La nova pagina-web «Sprachen» metta a disposiziun material da las linguas uffizialas e d’englais. Exempels per l’instrucziun da linguas good practice vegnan cumplettads dad in instrument d’autoevaluaziun per las persunas d’instrucziun. Quest instrument è vegnì creà da la SAP SG.
Informatica als gimnasis
30. october 2017 / Cumpetenza da medias
La CDEP s’exprima en favur da l’introducziun da l’instrucziun obligatorica da l’informatica als gimnasis e metta sin via la revisiun da la basa legala concernenta. Durant lur assamblea annuala ha ella er approvà il nov plan d’instrucziun per l’informatica en las scolas gimnasialas.
Informatica en scola
30. october 2017 / Publicaziun
La fundaziun Bertelsmann ha publitgà in’intervista cun il perscrutader da la furmaziuns professer dr. Herzig. El pledescha per ina confruntaziun cun l’informatica nua ch’ins astga sapientivamain er tschertgar novas vias. Però – dovran las persunas d’instrucziun ina furmaziun d’informaticher?
La digitalisaziun n’ha betg midà la giuventetgna
27. october 2017 / Publicaziun
Tenor il studi naziunal da giuventetgna «ch-x» han ils «Digital Natives» per il pli valurs tradiziunalas sco las generaziuns precedentas. Var 86% dals interrogads van almain 1 giada al di en l’internet, 40% fan gieus da video almain ina giada ad emna.
SELFIE: fasa da pilot per l’instrument
24. october 2017 / Good Practice / Internaziunal
La Cumissiun europeica ha sviluppà in nov guaffen d’autoevaluaziun SELFIE. Las scolas duain formular plans per il futur, realisar atgnas fermezzas e deblezzas ed integrar tut ils acturs. Quest tool vegn da preschent examinà en 400 scolas en l’Europa e duai ir online a l’entschatta da l’onn 2018.
Digitalisaziun en la mediaziun culturala
24. october 2017 / Occurrenza / Societad d'infurmaziun
Mediaziun culturala Svizra e la Chasa d’art electronic Basilea organiseschan cuminaivlamain ina dieta ils 17 da november a Basilea. La mira è da sa barattar davart las pussaivladads digitalas en la mediaziun culturala. Il focus vegn mess sin in’accordanza tranter analog e digital.
Mini-Moocs per uffants
23. october 2017 / Resursa didactica
Il Life Science Zurich Learning Center ha telechargià sin sia pagina-web filmins didactics da las scienzas natiralas per il stgalim primar. Quests uschenumnads Mini-Moocs èn films d’emprender animads tar differents temas che duran duas fin trais minutas.
Dialog «Svizra digitala»
19. october 2017 / Occurrenza / Societad d'infurmaziun
Il tema principal da la conferenza naziunala dals 20 da november a Bienna è la strategia «Svizra digitala». Il workshop «Furmaziun en l’economia ed en la societad digitala» elavura las pussaivladads che quella midada porta. In blog serva sco preparaziun.
Di digital svizzer
16. october 2017 / Occurrenza
Mardi, ils 21 da november ha lieu l’emprim Di digital svizzer. Las staziuns da Turitg, Genevra, Lugano e Cuira èn il punct da partenza per passa 80 manifestaziun gratuitas. Passa 40 interpresas ed instituziun preschentan cuminaivlamain schanzas ed innovaziuns digitalas.
Il gimnasi digital
11. october 2017 / Publicaziun / Societad d'infurmaziun
Il commentari da la NZZ s’occupa da las sfidas ch’ina scola gimnasiala sto dumagnar. In punct evident saja che la vita n’è betg pli da superar senza cumpetenzas digitalas. Perquai ston las scolas er ir quella via digitala, er sche las directivas n’èn da preschent betg uschè cleras.
Digitalisaziun en la furmaziun
5. october 2017 / Occurrenza / Cumpetenza da medias
La dieta dal Center da furmaziun per la sanadad ed ils fatgs socials (cfss/bgs) a Cuira dals 3 da favrer 2018 guarda sin las sfidas per il sistem da furmaziun tras la digitalisaziun. Co sa mida l’instrucziun? Tge influenza han OER e tge cumpetenzas da basa ston ils uffants dumagnar?
- « first
- ‹ previous
- 1
- 2
- 3
- 4
- 5
- 6
- 7
- proxim ›
- precedent »
