News

Format: 23.09.2020
Format: 23.09.2020

Klicksafe to go

26. mars 2020 / /

Assistents da linguas, social bots e roboters: Intelligenza artifiziala, algoritmus e maschinas intelligentas vegnan ad influenzar nossa vita. L’ediziun actuala da «klicksafe to go» sa fatschenta cun ils ristgs ed ils privels dal futur digital e preschenta ideas per l’instrucziun.

www.klicksafe.de

Apple – Manual per School Manager

25. mars 2020 /

Privatim ha fatg valair che Apple subordinescha las cundiziuns d’utilisaziun dad Apple School Manager al dretg svizzer. La persuna responsabla per la protecziun da datas dal chantun da Turitg ha publitgà las directivas dal diever dal servetsch confurm a la lescha da la protecziun da datas.

dsb.zh.ch

FinanceMission

25. mars 2020 /

Quest gieu educativ vul promover las scolaras ed ils scolars da 13 a 15 onns da s'occupar a moda responsabla cun daners. Sco eroxs sviluppeschan ils giugaders cumpetenzas durablas pertutgant finanzas. Sper il gieu stattan a disposiziun material didactic ed in carnet da lavur per ils scolars.

financemission.ch

App d’emprender davart il holocaust

24. mars 2020 / /

La nova app «Fliehen vor dem Holocaust», co-sviluppada da la SAP Lucerna vul pussibilitar en scola ina occupaziun intensiva cun la tematica difficila dal holocaust. Ils videos da tschintg perditgas che raquintan lur istorgias da la fugia stattan en il center.

www.erinnern.at

educanet² puspè disponibel

23. mars 2020 /

educanet² è puspè disponibel suenter in’interrupziun l’emna passada causa surchargia. Sche Vus avais basegn d’agid s’adressai per plaschair a nossa equipa: support@educa.ch.

www.educanet2.ch

Start Eduport

20. mars 2020 /

Sin mandat da la CDEP e dal SEFRI ha educa.ch lantschà il nov servetsch Eduport. A las autoritads chantunalas e communalas porscha Eduport ina survista dals servetschs, dals organs da coordinaziun e da las raits per emprender ed instruir a moda digitala en il spazi svizzer da furmaziun.

www.eduport.ch

Hotline: emprender a distanza

20. mars 2020 /

La SAP Turitg ha instradà instradà ina hotline per gidar a sclerir dumondas davart emprender a distanza. Ella s’adressa a tut las persunas d’instrucziun e direcziuns da scola da la scola populara. Il servetsch è disponibel tut ils lavurdis sut 043 305 50 00 da las 9-11 e da las 16-18.

phzh.ch

GR: Promover la transfurmaziun digitala

19. mars 2020 /

La Regenza ha deliberà la missiva per il relasch d'ina lescha davart la promoziun da la transfurmaziun digitala en il Grischun per mauns dal Cussegl grond. La nova lescha da durada limitada cuntegna las disposiziuns necessarias per furmar in credit d'impegn general da 40 milliuns francs.

www.gr.ch

educanet²: interrupziun fin ils 23-03-2020

19. mars 2020 /

Numerusas visitas supplementaras sforzan d’exequir lavurs da mantegniment sin noss sever. Noss tecnicists lavuran cun tutta spertadad per solver ils disturbis. Nus As engraziain per Vossa chapientscha.

www.educa.ch

SRF mySchool augmenta la purschida

18. mars 2020 /

Per cuntinuar in emprender reglà augmenta «SRF mySchool» sia purschida. Ultra dals servetschs online ch’èn gia avant maun cun videos e material didactic per il stgalim primar e secundar I, vegnan las emissiuns sin SRF 1 moderadas mintga damaun.

www.srf.ch

Digitalisaziun en la furmaziun svizra – survista

16. mars 2020 /

Eduport è in servetsch da l’Agentura spezialisada educa.ch sin mandat da la CDEP e dal SEFRI. Sin basa dals svilups actuals è in’emprima versiun vegnida preparada l’ultima fin d’emna. Ina nova versiun da la pagina-web cun rubricas pli vastas suonda en il decurs da l’emna.

www.eduport.ch

Open Education Day

28. favrer 2020 /

L’Open Education Day ha lieu ils 25 d’avrigl 2020 a Berna e stat sut il moto «Mitgestalten durch digitale Mündigkeit – Cooperaziun tras maiorennitad digitala». Cun referats e workshops vegnan ils participants a savair dapli da tecnologias Open Source, Open Content e cumpetenzas d’informatica.

openeducationday.ch

Play to learn

26. favrer 2020 /

Il forum spezialisà «Play to learn» sa deditgescha ils 28 da mars 2020 a Baden al tema da las medias audiovisualas en la furmaziun. Divers referats e workshops d'Augmented Reality (AR) mussan novas perspectivas, ideas creativas e concepts per la furmaziun.

www.play-to-learn.ch

Gestiun tecnica Edulog

25. favrer 2020 / /

ELCA Informatica SA vegn a garantir il manaschi tecnic da la Federaziun Edulog. En in’intervista dubla explitgeschan Daniel Jehle e Matthieu Bissat co l’equipa sa prepara sin il pitschen spazi da furmaziun svizzer e co els tractan las datas persunalas dals uffants e da la giuventetgna.

www.edulog.ch

Digital Education Pioneers

21. favrer 2020 / /

Per far strada a projects digitals d’instruir e d’emprender sustegna la Fundaziun Gebert Rüf projects per il stgalim primar e secundar I. Iniziativas innovativas sco bottom-up ni cooperaziuns cun partenaris externs vegnan promovidas spezialmain. Tschertgà vegn la scola dal futur.

www.grstiftung.ch

Furmaziun professiunala 2030: divers projects

17. favrer 2020 /

Cun lur iniziativa «Furmaziun professiunala 2030» s’engaschan ils partenaris da la furmaziun professiunala per las sfidas da l’avegnir. A partir dal cumenzament da l’iniziativa 2018 èn gia 26 projects vegnids lantschads, da quels plirs en la domena da la transfurmaziun digitala.

sbfi.admin.ch

OER – Criteris da qualitad

14. favrer 2020 / /

Il terz Whitepaper da l’European Schoolnet s’adressa a persunas ed instituziuns che vulan sviluppar referenzas davart resursas d’emprender e d’instruir. Ulteriuramain duain las persunas d’instrucziun vegnir sustegnidas e promovidas d’utilisar meds digitals ed OER en l’instrucziun.

lre.eun.org

Magazin spezialisà per scolas en il mund digital

13. favrer 2020 / /

Il magazin spezialisà Plan BD infurmescha davart strategias e models futuristics per scolas en in mund digital. Expertas ed experts da la pratica, da la scienza e da la societad preschentan sper buns exempels er cussegls concrets per crear ils process necessaris per dumagnar la midada.

www.forumbd.de

JAMESfocus «Utilisaziun da medias e sanadad»

12. favrer 2020 /

La plipart dals giuvenils èn da buna sanadad. Malgrà quai suffreschan blers da mal il chau e mal il dies, blers sa sentan stanchel ed han problems da concentraziun. Ils scienziads presuman in connex tranter l’utilisaziun da medias ed aspects da sanadad.

www.zhaw.ch

EU Kids Online 2020

11. favrer 2020 / /

A chaschun dal «Safer Internet Day» è vegnì publitgà il rapport «EU Kids Online 2020». Il rapport examinescha las pussaivladads, ils ristgs e las experientschas online dals uffants en 19 pajais – la Svizra fa er part dal rapport – e mussa las differenzas tranter ils pajas.

www.eukidsonline.ch

Syndicate content

Services

Support