News

Format: 20.02.2020
Format: 20.02.2020

La Confederaziun ed ils chantuns conferman las finamiras

4. settember 2019 /

La Confederaziun ed ils chantuns han actualisà lur finamiras communablas concernent la politica da furmaziun. La decleraziun communabla cementescha duas finamiras: sa participar activamain a la transfurmaziun digitala e promover ils barats linguistics e la mobilitad.

www.sbfi.admin.ch

swisstopo: tschertga da stgazis

4. settember 2019 /

swisstopo porscha ina concurrenza online davart ils temas chastels, fortezzas e ruinas existentas en Svizra. La mira è da mussar las numerusas applicaziuns pussaivlas da geodatas e d’encuraschar ils giuvens da 10 a 15 onns da las utilisar. Fin da participaziun: 15 da mars 2020.

www.schatz-karte.ch

L’identitad daventa in nov perimeter

3. settember 2019 / /

En il nov bulletin da FIDES colliescha Martin Leuthold, Head of Network + Security tar Switch, il rapport «Daten in der Bildung – Daten für die Bildung» cun il project FIDES. En l’intervista explitga el l’impurtanza da l’identitad digitala per ina politica solida davart il diever da las datas.

fides.educa.ch

MoneyFit 3 en format digital

3. settember 2019 /

La nova versiun digitala mussa a las scolaras ed als scolars dal stgalim secundar II co vegnir a frida cun ils daners. Lur savida pon els approfundar en tschintg moduls tematics. Las persunas d’instrucziun han a disposiziun in commentari didactic.

moneyfit.postfinance.ch

Di da l'avegnir: mattatschas - IT

2. settember 2019 /

Al di naziunal da l'avegnir avran numerusas instituziuns lur partiziun IT per che las mattatschas pon scuvrir il mund da lavur da l’informatica. Diversas occurrenzas spezialas dattan la pussaivladad da crear ina pagina-web u in roboter. Las inscripziuns èn avertas.

www.nationalerzukunftstag.ch

Diever da datas en la furmaziun

29. avust 2019 / /

Apparats digitals ed applicaziuns digitalas genereschan adina dapli datas en la domena da la furmaziun. Tge è il potenzial da questas datas? Il rapport d’educa.ch preschenta ina politica da datas pussaivla e propona diversas ideas da svilup.

www.educa.ch

Nov suppleant dal directur

21. avust 2019 /

Il cussegl d’administraziun da la cooperaziun educa.ch ha elegì Ueli Anken per il post da suppleant dal directur. El cumenza sia nova plazza il settember 2019. Il suppleant actual Karl Wimmer mida en in’autra funcziun interna. Ueli Anken è da preschent il responsabel per la communicaziun tar educa.

www.educa.ch

Castur informatica 2019

16. avust 2019 /

La Societad svizra per l’informatica en la furmaziun (SVIA) ha lantschà il quiz-online che ha lieu ils 4 e 5 da november 2019. Il quiz è adattà per scolaras e scolars da 8 a 20 onns e na basegna naginas enconuschientschas specificas d’informatica.

informatik-biber.ch

Resursas da la plattafurma Giuventetgna e medias

15. avust 2019 / /

Giuventetgna e medias è la plattafurma naziunala da l’Uffizi federal per assicuranzas socialas per promover las cumpetenzas medialas ed il diever segir da las medias digitalas tar ils giuvens. Ella metta era a disposiziun broschuras per l’instrucziun dal rom informatica e medias.

www.jugendundmedien.ch

Protecziun da datas per scola ed instrucziun

14. avust 2019 / /

Co pon ins sensibilisar las scolaras ed ils scolars per la protecziun da datas? Tge sfidas ston las scolas dumagnar? Il dossier davart la protecziun da datas furnescha infurmaziuns detagliadas e las basas giuridicas sco era links e manuals per l’instrucziun.

www.educa.ch

JAMESfocus 2019: Medias digitalas en scola

13. avust 2019 /

Tenor l’ultim rapport JAMESfocus valiteschan las persunas d’instrucziun il diever da medias en l’instrucziun sco gronda schanza che porta blers avantatgs a las scolaras ed als scolars. Tuttina giavischan els d’obtegnair dapli support didactic e tecnic.

www.zhaw.ch

SEFRI: Bilantscha intermediara

8. avust 2019 /

L’artitgel edì en l’ultima ediziun dal Magazin «SEFRI - SBFI News» dat ina survista dal stan actual da la realisaziun dal plan d’acziun digitalisaziun. Diversas mesiras en ils differents champs d’acziun èn gia realisadas u en planisaziun.

www.sbfi.admin.ch

Promover la midada digitala

7. avust 2019 /

digitalinform.swiss è in’iniziativa che vul promover la midada digitala sin il champ da la furmaziun professiunala. Ella sustegna en il rom da la promoziun da projects acturs che vulan trair a niz las novas tecnologias. Skizzas da project pon vegnir inoltradas sin la pagina-web.

digitalinform.swiss

Café da la scienza Grischun

2. avust 2019 / /

Il futur pretenda ina furmaziun extendida en ils roms MINT. La finamira è da preparar la giuventetgna a las novas realitads al plaz da lavur, en la societad ed en la famiglia. Divers referents mussan resultats da las ultimas retschertgas ils 29 d’avust 2019 a Tavau.

www.htwchur.ch

Countdown ha cumenzà

30. fanadur 2019 / /

L’Assamblea plenara da la CDEP ha prendì enconuschientscha da las basas da decisiun per stgaffir ina Federaziun dals servetschs d’identitad. La decisiun definitiva davart il cumenzament da l’interpresa per l'entschatta schaner 2020 vegn tractandada durant l’assamblea plenara da l’october.

fides.educa.ch

World Education Leadership Symposium

30. fanadur 2019 /

«La responsabladad da la furmaziun – empermischuns, realitads e pussaivladads», quests temas stattan en il center dal congress internaziunal. Experts da la furmaziun or da la pratica e da la scienza da passa 50 pajais sa deditgeschan a questas dumondas dals 25 als 27 da settember 2019 a Zug.

wels.edulead.net

Resursas per l’instrucziun

25. fanadur 2019 / /

Essas Vus a la tschertga da resursas electronicas d’emprender adattadas per Vossa instrucziun? Sin educa.Biblio chattais Vus ina gronda elecziun da resursas controlladas e recumandadas dad experts da la domena svizra da la furmaziun.

biblio.educa.ch

IA e portals da furmaziun

24. fanadur 2019 / /

Il segund palpiri alv (whitepaper) dad European Schoolnet davart l’intelligenza artifiziala e las plattafurmas da resursas d’emprender duai dar cussegl als utilisaders. Il rapport dat ina survista dal svilup actual e mussa las schanzas e las sfidas.

lre.eun.org

AlpConnectar

22. fanadur 2019 / /

Il program da barat naziunal sustegnì da Movetia, AlpConnectar dovra las tecnologias digitalas per emprender linguas naziunalas e vul pussibilitar cun conferenzas da video ed auter a classas da differentas regiuns linguisticas da collavurar e communitgar. S’annunziar fin ils 31.08.

www.movetia.ch

Dieta d’experts digitalisaziun e furmaziun

16. fanadur 2019 / /

Il program definitiv da la dieta d’experts dals 28 d’avust 2019 a Berna è online. Vegnì a discutar da la cultura dal diever da las datas da la furmaziun cun expertas ed experts. En differents lavuratoris pudais vus experimentar cun novas ideas e discutar dals effects pussaivels.

educa.ch

Syndicate content

Services

Support