News

Format: 12.08.2020
Format: 12.08.2020

Educreators – crear l'avegnir

2. avrigl 2020 /

Per promover la transfurmaziun digitala en la furmaziun, sustegna Educreators diesch projects da gronda impurtanza per la scola obligatorica. Persunas d’instrucziun dal stgalim primar e sec I pon inoltrar lur projects fin ils 15 da fanadur 2020.

educreators.ch

Edulog è sin buna via

31. mars 2020 /

A partir da l’onn da scola 2020/2021 vegn Edulog instradà en tschintg chantuns pioniers (BS, BL, GL, FR, VS). Ils chantuns BE, NW, ZG, SZ e ZH vegnan probablamain a cumenzar cun singuls stgalims respectivamain cun singulas scolas per uschia pudair rimnar experientschas cun il nov servetsch.

www.edulog.ch

Emprender d’enconuscher il mund da film

28. mars 2020 /

La pitschna scola da kino che mussa savida cinematografica è vegnida fundada sin iniziativa da la Laterna magica cun numerus partenaris bain enconuschents. La seria da films curts realisada da cineasts da renum è fatga aposta per in giuven public.

www.kinoschule.org

Medias – vardad u manzegnas

28. mars 2020 / /

éducation21 propona sin sia pagina-web resursas didacticas davart il tema da novitads falladas. Infurmaziuns da basa per las persunas d’instrucziun e propostas concretas per promover las cumpetenzas medialas da tut ils acturs en l’ambient scolastic èn da chattar.

www.education21.ch

Protecziun da datas ed instruir a distanza

27. mars 2020 / /

La protecziun da datas sto vegnir segirada er per l’instrucziun a distanza. En in’intervista explitgescha Bruno Baeriswyl, responsabel per la protecziun da datas dal chantun da Turitg e commember da Privatim, da tge che las scolas duain far attenziun en la situaziun actuala.

www.eduport.ch

E-learning-App «Babulins»

27. mars 2020 / / /

Per promover ch'uffants tranter 3 e 6 onns emprendan rumantsch a moda simpla, ha la Lia Rumantscha sviluppà cun 08Eins la app «Babulins». Ensemen cun Luisa e Nic, Brutus e Lupo ed ils ulteriurs commembers da la famiglia Babulin, pon ils pitschens scuvrir divers munds dal mintgadi.

www.itbusiness.ch

Applicaziuns per l’instrucziun

26. mars 2020 /

Tgeninas applicaziun èn adattadas per la communicaziun entaifer la classa? Tgeninas pon vegnir utilisadas per crear in test? Co vesi ora cun la protecziun da datas? Il «Navigatur» preschenta las funcziuns ed il niz da las applicaziuns disponiblas sin il martgà.

navi.educa.ch

Klicksafe to go

26. mars 2020 / /

Assistents da linguas, social bots e roboters: Intelligenza artifiziala, algoritmus e maschinas intelligentas vegnan ad influenzar nossa vita. L’ediziun actuala da «klicksafe to go» sa fatschenta cun ils ristgs ed ils privels dal futur digital e preschenta ideas per l’instrucziun.

www.klicksafe.de

Apple – Manual per School Manager

25. mars 2020 /

Privatim ha fatg valair che Apple subordinescha las cundiziuns d’utilisaziun dad Apple School Manager al dretg svizzer. La persuna responsabla per la protecziun da datas dal chantun da Turitg ha publitgà las directivas dal diever dal servetsch confurm a la lescha da la protecziun da datas.

dsb.zh.ch

FinanceMission

25. mars 2020 /

Quest gieu educativ vul promover las scolaras ed ils scolars da 13 a 15 onns da s'occupar a moda responsabla cun daners. Sco eroxs sviluppeschan ils giugaders cumpetenzas durablas pertutgant finanzas. Sper il gieu stattan a disposiziun material didactic ed in carnet da lavur per ils scolars.

financemission.ch

App d’emprender davart il holocaust

24. mars 2020 / /

La nova app «Fliehen vor dem Holocaust», co-sviluppada da la SAP Lucerna vul pussibilitar en scola ina occupaziun intensiva cun la tematica difficila dal holocaust. Ils videos da tschintg perditgas che raquintan lur istorgias da la fugia stattan en il center.

www.erinnern.at

educanet² puspè disponibel

23. mars 2020 /

educanet² è puspè disponibel suenter in’interrupziun l’emna passada causa surchargia. Sche Vus avais basegn d’agid s’adressai per plaschair a nossa equipa: support@educa.ch.

www.educanet2.ch

Start Eduport

20. mars 2020 /

Sin mandat da la CDEP e dal SEFRI ha educa.ch lantschà il nov servetsch Eduport. A las autoritads chantunalas e communalas porscha Eduport ina survista dals servetschs, dals organs da coordinaziun e da las raits per emprender ed instruir a moda digitala en il spazi svizzer da furmaziun.

www.eduport.ch

Hotline: emprender a distanza

20. mars 2020 /

La SAP Turitg ha instradà instradà ina hotline per gidar a sclerir dumondas davart emprender a distanza. Ella s’adressa a tut las persunas d’instrucziun e direcziuns da scola da la scola populara. Il servetsch è disponibel tut ils lavurdis sut 043 305 50 00 da las 9-11 e da las 16-18.

phzh.ch

GR: Promover la transfurmaziun digitala

19. mars 2020 /

La Regenza ha deliberà la missiva per il relasch d'ina lescha davart la promoziun da la transfurmaziun digitala en il Grischun per mauns dal Cussegl grond. La nova lescha da durada limitada cuntegna las disposiziuns necessarias per furmar in credit d'impegn general da 40 milliuns francs.

www.gr.ch

educanet²: interrupziun fin ils 23-03-2020

19. mars 2020 /

Numerusas visitas supplementaras sforzan d’exequir lavurs da mantegniment sin noss sever. Noss tecnicists lavuran cun tutta spertadad per solver ils disturbis. Nus As engraziain per Vossa chapientscha.

www.educa.ch

SRF mySchool augmenta la purschida

18. mars 2020 /

Per cuntinuar in emprender reglà augmenta «SRF mySchool» sia purschida. Ultra dals servetschs online ch’èn gia avant maun cun videos e material didactic per il stgalim primar e secundar I, vegnan las emissiuns sin SRF 1 moderadas mintga damaun.

www.srf.ch

Digitalisaziun en la furmaziun svizra – survista

16. mars 2020 /

Eduport è in servetsch da l’Agentura spezialisada educa.ch sin mandat da la CDEP e dal SEFRI. Sin basa dals svilups actuals è in’emprima versiun vegnida preparada l’ultima fin d’emna. Ina nova versiun da la pagina-web cun rubricas pli vastas suonda en il decurs da l’emna.

www.eduport.ch

Open Education Day

28. favrer 2020 /

L’Open Education Day ha lieu ils 25 d’avrigl 2020 a Berna e stat sut il moto «Mitgestalten durch digitale Mündigkeit – Cooperaziun tras maiorennitad digitala». Cun referats e workshops vegnan ils participants a savair dapli da tecnologias Open Source, Open Content e cumpetenzas d’informatica.

openeducationday.ch

Play to learn

26. favrer 2020 /

Il forum spezialisà «Play to learn» sa deditgescha ils 28 da mars 2020 a Baden al tema da las medias audiovisualas en la furmaziun. Divers referats e workshops d'Augmented Reality (AR) mussan novas perspectivas, ideas creativas e concepts per la furmaziun.

www.play-to-learn.ch

Syndicate content

Services

Support