News

Format: 26.05.2019
Format: 26.05.2019

SAPGR publitgescha rapport annual 2018

24. matg 2019 / /

Il rapport annual da la Scola auta da pedagogia dal Grischun (SAPGR) s’occupa en sia revista da l’onn 2018 cun la tematica da la «transfurmaziun digitala». La tensiun tranter il mund analog e quel digital vegn tractada ord la perspectiva da la perscrutaziun, da la scolaziun da la furmaziun.

phgr.ch

Perfecziunament d'informatica

22. matg 2019 /

En collavuraziun cun la SAPGR porscha la Scol’auta politecnica (ETH) Turitg curs d'informatica gratuits a las persunas d’instrucziun dal stgalim primar e secundar I. En ils workshops vegn mussà co ils uffants dal ciclus 1-3 pon emprender a programmar.

www.abz.inf.ethz.ch

Catalog «IFFP Curs e servetschs 2019»

21. matg 2019 /

En questa ediziun é l’accent mess sin la digitalisaziun, en spezial sin il program trans:formation. Quest program duai sustegnair la furmaziun professiunala en las scolas professiunalas.

www.ehb.swiss

Orientà a las cumpetenzas da lavurar

14. matg 2019 / /

UNEVOC ha publitgà il rapport «Work-based Learning as a Pathway to Competence-based Education». Questa collecziun da contribuziuns da l’entir mund davart emprender al plaz da lavur cuvra in vast spectrum e strivla er dumondas da la digitalisaziun.

blog.edu-ict.ch

Projekt FIDES: anonim, simpel, mobil

8. matg 2019 / /

L’identitad digitala creescha la basa per ina reglamentaziun fidada cun respectar la protecziun da las datas per tut ils access a las resursas digitalas. Quatter spetgas transversalas dattan en egl.

fides.educa.ch

Save the Date: Dieta spezialisada digitalisaziun e furmaziun

7. matg 2019 / /

Pertge èn numerus acturs da la furmaziun sceptics envers il diever da datas digitalas per il sistem da furmaziun? Nus vulain sclerir questa ed autras dumondas a la dieta da spezialists che ha lieu ils 28 d’avust 2019 a la UniS a Berna.

fachtagung.educa.ch

Spotlight Schweiz

6. matg 2019 / /

La nova iniziativa «Spotlight Schweiz» tschertga persunas d’instrucziun dal stgalim prescolar, primar e secundar ch’attatgan a moda activa la transfurmaziun digitala en la furmaziun e quai communablamain cun lur scolars. Projects pon vegnir inoltrads fin ils 5 da fanadur 2019.

hundred.org

Etica ed intelligenza artifiziala

3. matg 2019 / /

Co pon ins far diever da l’intelligenza artifiziala cun resguardar l’etica? Davart questa dumonda han 52 expertas ed experts da la Cumissiun europeica discutà ditg e bain. Uss han els preschentà las lingias directivas en il document «Ethics guidelines for trustworthy AI».

ec.europa.eu

JAMESfocus «News e Fake News»

1. matg 2019 / /

Prest 40% da la giuventetgna svizra è gia vegnida confruntada cun «Fake News». Sco il davos rapport JAMESfocus mussa, han ils giuvenils anc fidanza en las medias classicas, però obtegnan els pli e pli las infurmaziun da las medias socialas. Consequentamain èn els er exposts pli fitg als «Fake News».

www.zhaw.ch

Instrucziun senza educanet²

30. avrigl 2019 /

Per gidar las scolas da remplazzar la plattafurma educanet² ha educa.ch mess ensemen ina survista da las applicaziuns ch’èn da preschent disponiblas. La glista vegn stediamain actualisada e cumplettada.

www.educanet2.ch

Apps rumantschs

25. avrigl 2019 / /

Nus vegnin adina puspè confruntà cun la pretensiun che la lingua rumantscha vegn a far naufragi e che la lingua è antiquada. Sch’ins guarda dentant sin iTunes e Google Play chattan ins passa 20 apps rumantschs fitg attractivs. I vala la paina da dar in sguard.

www.suedostschweiz.ch

Midada dal clima e Virtual Reality

18. avrigl 2019 /

La Virtual-Reality-Experience pussibilitescha da vesair ils effects da la midada dal clima tras egliers 3D. L’exposiziun sa drizza als scolars dal stgalim secundar I e II. Ella vegn preschentada fin l’avust a Zernez ed a partir dal settember a Naters (VS).

www.expedition2grad.ch

Summer School

16. avrigl 2019 /

La Summer School «Digital Teaching» pussibilitescha furmaziun supplementara e barats cun collegas ed experts a medem temp: tranter ils 8 ed ils 12 da fanadur organisescha la SAP da Lucerna ina purschida da meglierar ils agens «Digital Skills» per l’instrucziun.

www.phlu.ch

Cumpetenzas digitalas en la furmaziun da scolasts

12. avrigl 2019 / /

La digitalisaziun pretenda da las persunas d’instrucziun da megliurar lur cumpetenzas digitalas. SwissCore (Contact Office for European Research, Innovation and Education) dat perquai ina survista da pliras iniziativas europeicas davart la furmaziun supplementara professiunala.

www.swisscore.org

Diever da medias tar uffants cun basegns spezials

11. avrigl 2019 / /

Il project scientific MUSE da la Scol’auta interchantunala per pedagogia curativa ha perscrutà il diever da medias tar uffants e giuvenils en scolas spezialas. Ils resultads èn cumparegliabels cun las scolas popularas, però datti er intginas differenzas.

www.hfh.ch

Nova versiun d’edudoc.ch

10. avrigl 2019 /

Il Server svizzer da documents per l’educaziun e la furmaziun edudoc.ch ha in nov design e funcziuns supplementaras. Ils utilisaders pon far diever da documents da la politica da furmaziun, da l’administraziun da furmaziun e da la perscrutaziun da furmaziun.

www.edudoc.ch

Digi-Check per las scolas professiunalas

9. avrigl 2019 / /

Fin oz èn dapli che 100 scolas professiunalas s’inscrittas per il lavuratori digi-check da l’IFFP/EHB. La mira dal workshop è d’accumpagnar las persunas d’instrucziun sin lur viadi da transfurmaziun. L’artitgel cumparì en il magazin «Skilled» dat ina survista.

www.ehb.swiss

FIDES: Federalissem da las datotecas

5. avrigl 2019 / /

La futura Federaziun dals servetschs d’identitad en il spazi da furmaziun svizzer sto reunir diversas furmas d’organisaziun e tecnologias. Intervistas en 21 chantuns ed ina retschertga naziunala tar las direcziuns da scola han rendì visibel las structuras multifaras.

fides.educa.ch

Cumpetenzas digitalas: Seminar a Tallinn

3. avrigl 2019 / /

In seminari da contact davart las cumpetenzas digitalas en la furmaziun ha lieu a Tallin dals 4 als 7 da settember 2019. Il seminari collia las scolas e gida a planisar projects communabels. Movetia sustegna la participaziun.

www.movetia.ch

Crescher si en l’era digitala

1. avrigl 2019 / /

Il nov rapport «Crescher si en l’era digitala» da la Cumissiun federala per l'uffanza e la giuventetgna metta il focus sin las cumpetenzas digitalas dals uffants e giuvenils. Tge cumpetenzas ston vegnir promovidas per ina vita moderna, per sa furmar, per lavurar e per sa participar al mund digital.

www.ekkj.admin.ch

Syndicate content

Services

Job

Support