News

Format: 23.07.2018
Format: 23.07.2018

Swiss Internet Governance Forum

23. fanadur 2018 / /

Il Swiss Internet Governance Forum ha lieu ils 20 da november 2018 a Berna e pussibilitescha ad acturs da la politica, da l’economia, da l’administraziun e da la scienza da discutar davart dumondas da la digitalisaziun. Fin ils 31 d’avust pon temas da discussiun vegnir inoltrads.

www.igf.swiss

Label MINT per ils gimnasis

8. fanadur 2018 /

L’Academia svizra da las scienzas natiralas premiescha gimnasis che s’engaschan a moda speziala per ils roms MINT. Gimnasis da la Svizra e dal Liechtenstein pon inoltrar lur dossiers d’annunzia fin ils 30 da settember 2018.

naturwissenschaften.ch

Dieta d’experts ICT e furmaziun: s’inscriver uss

29. zercladur 2018 / /

Con aut è il potenzial d’innovaziun da las datas en la furmaziun? Co pon ins las nizzegiar cun profit e tuttina garantir la protecziun da las datas? Prendai part a la discussiun a chaschun da la dieta d’experts ICT che ha lieu ils 8 da november a Berna. A partir d’immediat pon ins s’inscriver.

www.educa.ch

Swissdidac 2018

29. zercladur 2018 / /

A la Swissdidac dals 7 als 9 da november preschentan las agenturas spezialisadas IFES, Movetia, ZEM CES ed educa.ch communablamain lur servetschs e products. Passa 300 expositurs svizzers e d’auters pajais preschentan lur innovaziuns, offreschan workshops e mussan il futur da la scola.

www.educa.ch

Informatica obligatoric al gimnasi

28. zercladur 2018 / /

En il rom d’ina revisiun dal reglament davart la renconuschientscha da la maturitad figurescha ICT sco rom obligatoric. Uschia ston las scolas gimnasialas porscher a las scolaras ed als scolars il rom informatica a moda obligatorica fin l’onn da scola 2022/23 .

www.admin.ch

Strategia da la digitalisaziun

28. zercladur 2018 / /

La Conferenza svizra da las directuras e dals directurs chantunals da l'educaziun publica CDEP ha approvà la strategia per la digitalisaziun en la furmaziun. Cun questa strategia s’accordan ils chantuns da las finamiras sin il champ da la digitalisaziun e da la furmaziun.

www.edk.ch

Il potenzial MINT en Svizra

22. zercladur 2018 / /

Giuvenils svizzers, en spezial dunnas giuvnas, possedan in grond potenzial MINT en cumparegliaziun cun auters pajais. Tar questa conclusiun mainan las datas che sa basan sin PISA. Il potenzial MINT è fitg grond en tut ils chantuns da la Svizra.

www.satw.ch

Rapport da la furmaziun 2018

20. zercladur 2018 / /

La terza ediziun dal rapport da la furmaziun reunescha las datas e las infurmaziuns da la statistica, da la retschertga e da l’administraziun. El cuvra quasi 500 temas, la digitalisaziun e la migraziun numna el sco sfida.

monitoring.educa.ch

Programmar e furmaziun creativa

19. zercladur 2018 /

La publicaziun actuala da l’Uniun da persunas d’instrucziun per la furmaziun creativa sa deditgescha tranter auter a la programmaziun en l’art. Differentas contribuziuns dattan novs impuls per l’instrucziun. Art daventa digital.

meinheft.ch

Di digital 2018: concurrenza da scola

14. zercladur 2018 /

La concurrenza da video da digitalswitzerland sur il tema «giugar – baterlar – sa muventar: Tge cumparsa ha il plaz da pausa 4.0? dat a persunas d’instrucziun ed a scolaras e scolars la pussaivladad da sa fatschentar cun la digitalisaziun or d’ina autra perspectiva. Termin: fin settember 2018.

schulwettbewerb.digitaltag.swiss

Diever da medias tar uffants pitschens

11. zercladur 2018 / /

Schebain ch’uffants tranter 4 e 7 onns laschan sa fascinar fermamain da las medias digitalas, prefereschan els da termagliar cun amis ed amias. Quai mussa il studi ADELE che dat in’invista profunda dal diever da medias d’uffants e che cumplettescha ils studis MIKE e JAMES.

www.zhaw.ch

App d’emprender davart il holocaust

11. zercladur 2018 / /

La nova app «Fliehen vor dem Holocaust», co-sviluppada da la SAP Lucerna vul pussibilitar en scola ina occupaziun intensiva cun la tematica difficila dal holocaust. Ils videos da tschintg perditgas che raquintan lur istorgias da la fugia stattan en il center.

www.erinnern.at

#digitale21: actualitads

6. zercladur 2018 /

A chaschun da la #digitale21 a Lugano han exponents da l’economia, da la scienza e da la furmaziun discutà davart la digitalisaziun en la furmaziun, en l’emprendissadi e tar la lavur. Londerora èn sa resultadas 10 recumandaziuns fitg concretas.

www.digitale21.ch

Instruir ed emprender cun guaffens digitals

6. zercladur 2018 / /

Co crear in’instrucziun contemporana che promova las mirveglias e l’interess per la brama da savair en cumbinaziun cun guaffens digitals? La broschura da «Netzwerk Digitale Bildung» dat ideas ed indizis.

www.netzwerk-digitale-bildung.de

Svizra digitala: Cumparaziun internaziunala

5. zercladur 2018 / /

L’Uffizi federal da statistica ha publitgà ils resultats da la retschertga ICT 2017, fatga tar var 3000 persunas. Tar il diever e las cumpetenzas digitalas è la Svizra situada pauc sur la media europeica, er en il champ da la furmaziun-online na tutga la Svizra betg tar ils pajais ils pli activs.

www.bfs.admin.ch

Identitad digitala – dapli protecziun

5. zercladur 2018 /

Cun ina identitad digitala uffiziala duain las utilisadras ed ils utilisaders da l’internet avair la cumplaina controlla sur lur datas persunalas. Il Cussegl federal vul perquai cleras reglas per il diever da l’identitad digitala (E-ID) ed ha suttapost al Parlament in messadi correspundent.

www.admin.ch

Furmaziun en il mund digital

1. zercladur 2018 / /

La concurrenza a l’Universitad da Wuppertal vul contribuir ad ina discussiun critica sur l’utilisaziun da medias digitalas en classa e promover concepts e projects innovativs. Persunas d’instrucziun e scolaras e scolars da l’entir intschess germanofon pon annunziar ina contribuziun.

www.digitalisierung.education

Rapport UE: Digital Education Policies

28. matg 2018 / /

Il rapport «Digital Education Policies in Europe and Beyond» propona als responsabels politics en il champ da la furmaziun digitala blers puncts da referiments davart la moda e maniera co promover l’emprender sin nivel naziunal e regiunal.

ec.europa.eu

La scola chantunala grischuna cun ina nova mediateca

28. matg 2018 / /

Per ina scolaziun progressiva è indispensabla ina plattafurma d'infurmaziun e da barat. La nova mediateca gida a preparar las scolaras ed ils scolars per il mintgadi en in'universitad. Ella permetta l'access a las novas medias digitalas e stgaffescha l'ambient ideal per il studi autodidactic.

www.gr.ch

Save the Date: Dieta d’experts ICT e furmaziun

25. matg 2018 / /

La dieta d’experts ICT ha lieu quest onn ils 8 da november a chaschun da la Swissdidac a Berna. Il tema principal da questa ediziun è la politica da datas en la domena da la furmaziun. Il program detaglià ed ulteriuras infurmaziuns vegnan communitgads la stad.

www.educa.ch

Syndicate content

Job

Support