News
Mantegnair la suveranitad da l’esser digital
12. zercladur 2019 / Identitad digitala / educa.ch
Il bulletin FIDES preschenta ina intervista cun il directur d’educaziun dr. Conradin Cramer da Basilea-Citad. Tenor el han las scolas e las instituziuns responsablas in grond basegn d’in servetsch d’intermediaziun per mantegnair la suveranitad da l’esser digital.
Concurrenza scientifica per la giuventetgna
6. zercladur 2019 / Concurrenza da scola / MINT
Il termin d’annunzia per l’ediziun 2020 da la concurrenza naziunala da Scienza e giuventetgna è fixà sin ils 15 d’october 2019. La finamira è d’encuraschar ils talents da damaun en la domena da la scienza. Las lavurs singulas u da gruppa duain s’approfundar en in problem scientific.
Gimnasis svizzers premiads cun label MINT
6. zercladur 2019 / MINT
L’Academia svizra da las scienzas natiralas (SCNAT) ha premià 18 gimnasis che s’engaschan en spezial en ils roms MINT cun l’attribuziun «Gimnasi activ en las domenas MINT». Uschia vul la SCNAT promover ils gimnasis ad implementar la cultura MINT en lur instrucziun.
IA sco tema d’instrucziun
5. zercladur 2019 / Resursa didactica / Cumpetenza da medias
Il project «Medias en scola» ha publitgà nov material didactic davart l’intelligenza artifiziala ed il Machine Learning. El è dividì en quatter moduls flexibels e porscha a las persunas d’instrucziun ina gronda schelta da metodas e cussegls pratics davart questa tematica.
La giuventetgna dovra YouTube sco lieu da furmaziun
4. zercladur 2019 / Ambient d'emprender digital / Publicaziun
In nov studi da la Germania mussa che videos en la rait èn impurtants per la giuventetgna tranter 12 e 19 onns per emprender a moda audiovisuala. Prest la mesadad da las scolaras e dals scolars utiliseschan YouTube per repeter cuntegns da l’instrucziun.
Reussir cun medias ed informatica
3. zercladur 2019 / Ambient d'emprender digital / Cumpetenza da medias
Tge dovra in uffant per reussir en la vita cun medias ed informatica? Co pon las scolas utilisar las medias digitalas en differentas disciplinas? E co pon ins promover las cumpetenzas applitgadas? L’ediziun actuala dad «Akzente», il magazin da la SAP Turitg, dat resposta a questas dumondas.
Inventar da nov l’ambient d’emprender
3. zercladur 2019 / Publicaziun / Internaziunal
Il rapport da l’UE «Ameglieraziun dals resultats en scola tras tecnologias digitalas» explorescha ils facturs ch’influenzeschan il diever da las tecnologias digitalas en scola. El metta il focus sin las innovaziuns che contribueschan a meglierar ils resultats.
Toolkit SELMA
27. matg 2019 / Resursa didactica / Internaziunal
Il nov Toolkit dal project europeic SELMA porscha in set da materialias e guaffens per l’instrucziun. La finamira è da sensibilisar ils uffants e giuvenils per odi e pleds instigants en la rait. Ils documents duain er esser accessibels per tudestg a partir da l’atun 2019.
SAPGR: rapport annual 2018
24. matg 2019 / Publicaziun / Societad d'infurmaziun
Il rapport annual da la Scola auta da pedagogia dal Grischun (SAPGR) s’occupa en sia revista da l’onn 2018 cun la tematica da la «transfurmaziun digitala». La tensiun tranter il mund analog e quel digital vegn tractada or da la perspectiva da la perscrutaziun, da la scolaziun e da la furmaziun.
EU Kids Online 2019 Svizra
23. matg 2019 / Publicaziun / Cumpetenza da medias
Las ultimas cifras dal studi «EU Kids Online Svizra» mussan la necessitad da sustegnair ils uffants ed ils giuvenils en lur vita digitala. Praticamain tut ils giuvenils da 15 – 16 onns en Svizra èn vegnids confruntads almain ina giada cun in ristg en l’internet.
Perfecziunament d'informatica
22. matg 2019 / Furmaziun professiunala
En collavuraziun cun la SAPGR porscha la Scol’auta politecnica (ETH) Turitg curs d'informatica gratuits a las persunas d’instrucziun dal stgalim primar e secundar I. En ils workshops vegn mussà co ils uffants dal ciclus 1-3 pon emprender a programmar.
Catalog «IFFP Curs e servetschs 2019»
21. matg 2019 / Publicaziun
En questa ediziun é l’accent mess sin la digitalisaziun, en spezial sin il program trans:formation. Quest program duai sustegnair la furmaziun professiunala en las scolas professiunalas.
Studi KIM 2018
20. matg 2019 / Publicaziun / Cumpetenza da medias
Quest studi represchentativ mussa il cumportament medial dals uffants da 6 a 13 onns en la Germania. Tenor ils resultats da 2018, dovran dus terzs l’internet. WhatsApp gioga ina rolla centrala en la vita quotidiana dals uffants a partir da 10 onns.
Orientà a las cumpetenzas da lavurar
14. matg 2019 / Furmaziun professiunala / Internaziunal
UNEVOC ha publitgà il rapport «Work-based Learning as a Pathway to Competence-based Education». Questa collecziun da contribuziuns da l’entir mund davart emprender al plaz da lavur cuvra in vast spectrum e strivla er dumondas da la digitalisaziun.
Projekt FIDES: anonim, simpel, mobil
8. matg 2019 / Identitad digitala / educa.ch
L’identitad digitala creescha la basa per ina reglamentaziun fidada cun respectar la protecziun da las datas per tut ils access a las resursas digitalas. Quatter spetgas transversalas dattan en egl.
Save the Date: Dieta spezialisada digitalisaziun e furmaziun
7. matg 2019 / educa.ch / Occurrenza
Pertge èn numerus acturs da la furmaziun sceptics envers il diever da datas digitalas per il sistem da furmaziun? Nus vulain sclerir questa ed autras dumondas a la dieta da spezialists che ha lieu ils 28 d’avust 2019 a la UniS a Berna.
Spotlight Schweiz
6. matg 2019 / Good Practice / Concurrenza da scola
La nova iniziativa «Spotlight Schweiz» tschertga persunas d’instrucziun dal stgalim prescolar, primar e secundar ch’attatgan a moda activa la transfurmaziun digitala en la furmaziun e quai communablamain cun lur scolars. Projects pon vegnir inoltrads fin ils 5 da fanadur 2019.
Etica ed intelligenza artifiziala
3. matg 2019 / Societad d'infurmaziun / Internaziunal
Co pon ins far diever da l’intelligenza artifiziala cun resguardar l’etica? Davart questa dumonda han 52 expertas ed experts da la Cumissiun europeica discutà ditg e bain. Uss han els preschentà las lingias directivas en il document «Ethics guidelines for trustworthy AI».
JAMESfocus «News e Fake News»
1. matg 2019 / Publicaziun / Cumpetenza da medias
Prest 40% da la giuventetgna svizra è gia vegnida confruntada cun «Fake News». Sco il davos rapport JAMESfocus mussa, han ils giuvenils fidanza en las medias classicas, però obtegnan els las infurmaziuns pli e pli da las medias socialas. Consequentamain èn els er exposts pli fitg a «Fake News».
Instrucziun senza educanet²
30. avrigl 2019 / educa.ch
Per gidar las scolas da remplazzar la plattafurma educanet² ha educa.ch mess ensemen ina survista da las applicaziuns ch’èn da preschent disponiblas. La glista vegn stediamain actualisada e cumplettada.
- « first
- ‹ previous
- 1
- 2
- 3
- 4
- 5
- 6
- 7
- proxim ›
- precedent »
