News

Format: 31.05.2020
Format: 31.05.2020

Scola, instrucziun a distanza e FSP

20. matg 2020 / /

La pandemia Covid-19 ha scurlattà tut las acturas ed acturs dal champ da la furmaziun. Tant pli èn las cumpetenzas per ina furmaziun per in svilup persistent (FSP-BNE) in impurtant med per persvader las scolas a franar il tempo, dia Pierre Gigon, mainaproject tar éducation21.

www.eduport.ch

Chantun Vallais: piunier d’Edulog

19. matg 2020 / /

Il Vallais fa part dals tschintg chantuns piuniers che lantschan Edulog cun il cumenzament da l’onn da scola 2020. Las scolas survegnan access a servetschs digitals sco meds d’instrucziun e plattafurmas d’emprender. Edulog è in‘impurtant scharnier en il svilup digital dal sistem educativ vallesan.

edulog.ch

«skilled» davart il tema innovaziun

18. matg 2020 /

La nova ediziun dal magazin da l’Institut federal da scola auta per la furmaziun professiunala (IFFP) s’interessescha per novas furmas d’instrucziun: da la plattafurma myskillbox per l’instrucziun da furmaziun generala (IFG) a projects che lavuran cun novas furmas d’instrucziun e d’emprender.

www.ehb.swiss

Furmaziun professiunala durant la pandemia

15. matg 2020 /

Nicole Cornu, responsabla per la furmaziun da basa dal las emprendistas e dals emprendist da professiuns da commerzi, modelescha la furmaziun da circa 28’000 emprendist da commerzi. Ella s’occupa er da sis emprendists en l’atgna organisaziun. En in’intervista tira ella ina bilantscha intermediara.

www.eduport.ch

Novas istorgias dal mintgadi digital

13. matg 2020 / /

La campagna naziunala da prevenziun dals privels en il mintgadi digital vegn schlargiada cun 12 novas istorgias. Ils comics porschan a las persunas d’instrucziun ina basa da discussiun davart las vitas digitalas e dattan simpels cussegl per il mintgadi.

www.websters.swiss

La digitalisaziun en la furmaziun n’è betg in atgna finamira

12. matg 2020 / /

A partir dals 11 da matg è l’instrucziun da preschientscha puspè vegnida reprida en las scolas obligatoricas. Quai è la occasiun da trair ina bilantscha intermediara tranter ils chantuns e la Confederaziun. Intervista cun Josef Widmer, directur suppleant dal SEFRI.

www.eduport.ch

Rapport annual SAPGR

11. matg 2020 / /

Il tema dal rapport annual 2019 è «Svilup da la scola auta e svilup persistent a la SAP Grischun». La skizza da l’ADN sin il maletg da cuverta simbolisescha la relaziun da dependenza reciproca ed il connex tranter strategia, structura e cultura da l’organisaziun.

phgr.ch (PDF DE)

Furmaziun da persunas d’instrucziun: Peer-Learning cun Blended-Collaboration

8. matg 2020 /

L’instrucziun a distanza è ina nova sfida per las studentas ed ils students da las SAP areguard lur agen studi. Dr. Silja Rüedi, prorectura da la furmaziun a la Scol’auta pedagoga da Turitg, rapporta cun l’agen punct da vista sin la furmaziun da las persunas d’instrucziun vegnintas.

www.eduport.ch

Digital Learning Hub Sek II

7. matg 2020 /

Il Digital Learning Hub è in project da pilot da la Direcziun da furmaziun dal chantun da Turitg. La nova plattafurma duai pussibilitar in stgomi e barat da medias digitalas innovativas e stat avert a tut las persunas interessadas.

dlh.zh.ch

Cura ch’ils scolars na respundan betg pli

4. matg 2020 / /

Durant il temp nua che l’instrucziun cun preschientscha n’ha betg pli lieu, van las relaziun tranter las persunas d’instrucziuns e lur scolaras e scolars a perder. Trais dumondas a dr. Romain Lanners, directur dal Center svizzer da pedagogia curativa e speziala CSPS (SZH).

www.eduport.ch

I na po betg ir enavos!

1. matg 2020 /

Il Cussegl federal ha confirmà l’intenziun da reintroducir l’instrucziun cun preschientscha en las scolas a partir dals 11 da matg. Toni Ritz, directur educa.ch, envida a far in sigl en in auter temp: Tge vegnin nus a prender cun nus en il futur resguardond sin l’onn 2020 burascus?

www.eduport.ch

Studi MIKE 2019

1. matg 2020 /

En Svizra prefereschan las scolaras ed ils scolars primars da passentar lur temp liber cun far termagls u far sport. Quai mussa il nov studi MIKE da la Scola auta turitgaisa per scienzas applitgadas (ZHAW). Guardar televisiun e dar gieus digitals tutgan era tar las activitads impurtantas.

www.zhaw.ch

Intervista cun Philipp Zimmer

29. avrigl 2020 /

Philipp Zimmer è mainascola a la scola populara a Wigoltingen. Co ha el e ses team reagì sin l’instrucziun a distanza introducida uschè svelt? Nua sa chattan las persunas d’instrucziun sin quest viadi cun digital accelerà? El prenda posiziun davart ils ristgs e guarda en il futur.

www.eduport.ch

Contract general cun Google

29. avrigl 2020 / /

Google Ireland Limited ed educa.ch han deliberà in contract general per acquistar las licenzas per las scolas en Svizra ed en il Principadi da Liechtenstein. Il diever confurm a la lescha e las cundiziuns economicas per «G Suite Enterprise for Education» èn vegnids reglamentads.

www.educa.ch

Il meglier dals dus munds

23. avrigl 2020 / /

Dr. Stefan Wolter ha en sia funcziun sco «emprim perscrutader da la furmaziun» da la naziun in grond sensori per trends, bloccadas e process. Perquai sa dumonda el en il blog actual dad Eduport co cuntinuar cun la scola suenter las emnas passadas che han purtà nunspetgadamain in «bogn digital».

www.eduport.ch

Soluziuns da conferenzas online

22. avrigl 2020 / /

Conferenzas online porschan simplas pussaivladads per in stgomi direct tranter scolaras e scolars e lur persuna d’instrucziun sco era per igl apparat administrativ. Per lur diever ston ins dentant resguardar numerus aspects concernent la funcziun, la segirtad giuridica e la protecziun da datas.

www.eduport.ch

Modelar la transfurmaziun digitala

17. avrigl 2020 / /

La via tar Edulog è differenta en mintga chantun. Quai dependa da las premissas tecnicas, organisatoricas e giuridicas. Beat Jörg, directur da l’educaziun e da la cultura dal chantun Uri, relata tge che saja impurtant per in bun svilup digital cun agid da las experientschas en l’agen chantun.

edulog.ch

Resursas d’emprender cun e senza visur

17. avrigl 2020 / /

Mediatecas e centers didactics èn impurtants per il stgomi da material per l’instrucziun pratica. Ils responsabels dals centers didactics da Berna e da Friburg descrivan lur experientschas cun il material didactic digital ed analog durant il temp da corona.

www.eduport.ch

Ambassadurs Roteco

17. avrigl 2020 /

Il program d’ambassadur da Roteco pussibilitescha da promover e distribuir a moda activa l’instrucziun da robotica, l’emprender a distanza ed il diever da las tecnologias digitalas. La plattafurma envida a parter infurmaziuns, experientschas ed ideas.

www.roteco.ch

Barometer da scola

15. avrigl 2020 /

L’institut da management e d’economia en la furmaziun (IBB) da la Scol’auta da pedagogia Zug ha interrogà passa 7100 scolaras e scolars, geniturs e persunas d’instrucziun en Svizra, en Germania ed en l’Austria per chapir co che las persunas pertutgadas vivan cun l’instrucziun a distanza.

www.zg.ch

Syndicate content

Services

Support