News

Format: 19.10.2019
Format: 19.10.2019

Castur informatica 2019

15. october 2019 /

La Societad svizra per l’informatica en la furmaziun (SVIA) ha lantschà il quiz-online che ha lieu dals 4 als 15 da november 2019. Il quiz è adattà per scolaras e scolars da 8 a 20 onns e na basegna naginas enconuschientschas da basa. Las inscripziuns èn avertas fin ils 31 d’october.

informatik-biber.ch

Webkids

11. october 2019 /

NET-Metrix publitgescha per la terza giada datas davart il diever da l’internet dals uffants tranter 0 e 13 onns. La mesadad dals uffants svizzers dovran l’internet; mintga quart uffants è mintga di en l’internet. Il streaming è ina da las activitads preferidas dals uffants.

www.net-metrix.ch

Furmaziun professiunala digitala

7. october 2019 /

Ina nova retscha da perfecziunament a la EHB sensibilisescha per la furmaziun digitala e tematisescha aspects relevants per emprender ed instruir cun agid da las medias novas. Per las persunas d’instrucziun a las scolas professiunalas èn ils curs gratuits.

www.ehb.swiss

Broschura sur cumpetenzas medialas

2. october 2019 / /

La broschura da Giuventetgna e medias «Medienkompetenz» è vegnida surlavurada cumplettamain. Ella furnescha a geniturs ed a persunas d’instrucziun in agid da s’orientar ed encuraschescha d’accumpagnar a moda activa ils giuvenils e lur diever da las medias digitalas.

www.jugendundmedien.ch

Dieta da spezialists digitalisaziun e furmaziun

30. settember 2019 /

La dieta da spezialists annuala è sa deditgada a la cultura da l’utilisaziun da las datas en la furmaziun. Las registraziuns da video da la conferenza plenara, las preschentaziuns ed ils resultats dals experiments èn disponibels online.

www.educa.ch

PHGR: Studi da master per savair instruir sin il stgalim secundar I

26. settember 2019 /

La SAPGR realisescha en cooperaziun cun la SAPSG in studi da master, cumplementar a la professiun, per savair instruir sin il stgalim secundar I. Quest studi sa drizza surtut a persunas d’instrucziun primaras cun in diplom. Infurmaziuns: SAPGR, 06.011.2019, 15.00 uras.

phgr.ch

Contract general cun Wire

24. settember 2019 / /

Entschatta settember ha educa.ch e Wire suttascrit in contract general per retrair licenzas per las scolas en Svizra. Il contract pussibilitescha als emprendiders sut 16 onns l’utilisaziun dal servetsch da messenger «Wire Pro» senza surpassar las cundiziuns da diever.

www.educa.ch

Concurrenza scientifica per la giuventetgna

24. settember 2019 / /

Il termin d’annunzia per l’ediziun 2020 da la concurrenza naziunala «Scienza e giuventetgna» è fixà sin ins 15 d’october 2019. La mira è d’encuraschar ils giuvens talents en la domena da las scienzas. La lavur duai cuntegnair in problem scientific ed ina metodologia definida.

sjf.ch

Dapli glisch en la tschungla digitala

23. settember 2019 /

Dapli coordinaziun, dapli transparenza e chapientscha – quai èn las pretensiuns essenzialas dal svilup digital en la furmaziun. L’artitgel en la NZZ examinescha – sper FIDES - las mesiras ed ils projects ch’èn gia realisads u planisads en la domena da la digitalisaziun.

www.nzz.ch

Dossier servetschs da Messenger

19. settember 2019 / /

La tematica da servetschs da messenger chaschuna diversas sfidas per las scolas e tschenta dumondas areguard la protecziun da datas, la responsabladad dals geniturs e l’interoperabilitad. Il nov dossier dat ina survista da la tematica e furnescha cussegls per l’instrucziun.

www.educa.ch

Europe Code Week

16. settember 2019 / /

Organisada dals 5 als 20 d’october, ha la Europe Code Week la finamira d’intgantar uffants e creschids per la basa da la programmaziun. Workshops vegnan purschids en l’entira Europa. Las occurrenzas en Svizra vegnan er enumeradas sin la pagina-web.

codeweek.eu

Projekt FIDES: FAQ cumplettà

11. settember 2019 / /

Co respecta il project FIDES las disposiziuns davart la protecziun da datas? Co vegnan las datas protegidas? Poss jau mezza consultar ed administrar mias datas? Las «dumondas frequentas FAQ» cumplettadas dattan respostas a quellas ed autras dumondas.

fides.educa.ch

Café da la scienza Grischun: Cudeschs d’instrucziun

10. settember 2019 / / /

Con ditg vegnan noss uffants anc a lavurar ed emprender cun cudeschs? Na dovri betg pli ils cudeschs da scola? Stgatscha il telefonin ils fegls da lavur. La SAP GR lavura gia dapi blers onns sin quest champ. Il podium da tschintg experts vul dar scleriment ils 7 da november 2019 a Cuira.

www.htwchur.ch

La Confederaziun ed ils chantuns conferman las finamiras

4. settember 2019 /

La Confederaziun ed ils chantuns han actualisà lur finamiras communablas concernent la politica da furmaziun. La decleraziun communabla cementescha duas finamiras: sa participar activamain a la transfurmaziun digitala e promover ils barats linguistics e la mobilitad.

www.sbfi.admin.ch

swisstopo: tschertga da stgazis

4. settember 2019 /

swisstopo porscha ina concurrenza online davart ils temas chastels, fortezzas e ruinas existentas en Svizra. La mira è da mussar las numerusas applicaziuns pussaivlas da geodatas e d’encuraschar ils giuvens da 10 a 15 onns da las utilisar. Fin da participaziun: 15 da mars 2020.

www.schatz-karte.ch

L’identitad daventa in nov perimeter

3. settember 2019 / /

En il nov bulletin da FIDES colliescha Martin Leuthold, Head of Network + Security tar Switch, il rapport «Daten in der Bildung – Daten für die Bildung» cun il project FIDES. En l’intervista explitga el l’impurtanza da l’identitad digitala per ina politica solida davart il diever da las datas.

fides.educa.ch

MoneyFit 3 en format digital

3. settember 2019 /

La nova versiun digitala mussa a las scolaras ed als scolars dal stgalim secundar II co vegnir a frida cun ils daners. Lur savida pon els approfundar en tschintg moduls tematics. Las persunas d’instrucziun han a disposiziun in commentari didactic.

moneyfit.postfinance.ch

Di da l'avegnir: mattatschas - IT

2. settember 2019 /

Al di naziunal da l'avegnir avran numerusas instituziuns lur partiziun IT per che las mattatschas pon scuvrir il mund da lavur da l’informatica. Diversas occurrenzas spezialas dattan la pussaivladad da crear ina pagina-web u in roboter. Las inscripziuns èn avertas.

www.nationalerzukunftstag.ch

Diever da datas en la furmaziun

29. avust 2019 / /

Apparats digitals ed applicaziuns digitalas genereschan adina dapli datas en la domena da la furmaziun. Tge è il potenzial da questas datas? Il rapport d’educa.ch preschenta ina politica da datas pussaivla e propona diversas ideas da svilup.

www.educa.ch

Nov suppleant dal directur

21. avust 2019 /

Il cussegl d’administraziun da la cooperaziun educa.ch ha elegì Ueli Anken per il post da suppleant dal directur. El cumenza sia nova plazza il settember 2019. Il suppleant actual Karl Wimmer mida en in’autra funcziun interna. Ueli Anken è da preschent il responsabel per la communicaziun tar educa.

www.educa.ch

Syndicate content

Services

Job

Support