Newsletter educa.ch - distribuziun 12/2019

Bellas festas

19. decembre 2019 /

educa.ch giavischa a las utilisadras ed als utilisaders legraivlas, calmas e bellas festas da Nadal ed in nov onn da success. Nus As engraziain per l’interess e la confidenza resentida durant l’onn passà.

www.educa.ch

Resultats Pisa 2018

3. decembre 2019 / / /

Il consorzi PISA.ch ha publitgà il rapport naziunal davart la retschertga PISA 2018. Il rapport preschenta ils resultats da la Svizra en las domenas examinadas. El s’occupa medemamain d’ulteriurs temas sco l’equipament da las scolas cun apparaturas digitalas ed er lur diever en l’instrucziun.

pisa.educa.ch

Portal spezialisà cumpetenzas da basa

2. decembre 2019 /

La Federaziun svizra leger e scriver ha mess en lingia il portal spezialisà kompetence.ch. El serva a la promoziun da las quatter cumpetenzas da basa: leger, scriver, quintar e cumpetenzas digitalas e remplazza la pagina-web lesenlireleggere.ch che sa focusava sin l’analfabetissem.

kompetence.ch

Plattafurma digitala per manaschis d’emprendissadi

12. decembre 2019 /

Il chantun Lucerna ha lantschà in nov portal digital per la furmaziun professiunala. Ils manaschis d’emprendissadi pon administrar ed endatar ils contracts d’emprendissadi e lur plazzas libras a moda autonoma e nuncumplitgada.

lu.ch

Program naziunal da retschertga «transfurmaziun digitala»

18. decembre 2019 /

Il program naziunal da retschertga «transfurmaziun digitala» cumenza cun 37 projects. Ils effects da la digitalisaziun, ils ristgs sco er las schanzas en la furmaziun figureschan en quests projects. En ina secunda fasa vegnan tschertgads projects specifics per cumplettar tschertas largias.

www.nfp77.ch

Digital Humanities

19. decembre 2019 / /

Differentas universitads sa deditgeschan l’onn vegnint a la tematica da «Digital Humanities». Co pon ins digitalisar scrittiras veglias cun la pli moderna tecnica? Co dovran las studentas ed ils students la digitalisaziun per emprender? Questas ed autras dumondas stattan en il center.

www.epfl.ch

Il program da perfecziunament publitgà

18. decembre 2019 / /

La SAPGR metta l’onn 2020 il focus sin medias ed informatica. Cun purschidas multifaras reagescha la scola sin ils differents basegns: tranter auter porscha ella curs dal di, iCAMPs Teacher, CAS ICT support pedagogic (PICTS) u CAS informatica e didactica d’informatica.

www.phgr.ch

La dumbraziun dals Rumantschs è a fin

16. decembre 2019 / /

La dumbraziun da las Rumantschas e dals Rumantschs è ida a fin la notg da Son Niclà. Var 10’000 persunas han prendì part – era da la Nova Zelanda, da la Scozia, dals Stadis Unids, da l’Australia e perfin da Guadeloupe. Ellas han mussà colur per lur lingua e signalisà: nus essan Rumantschs.

www.youtube.com

Mooc: Patrimoni cultural digital

11. decembre 2019 /

Il Massive Open Online Course (MOOC) dad European Schoolnet sa deditgescha al tema «Patrimoni cultural digital». La finamira da quest curs è da meglierar la chapientscha da las persunas d’instrucziun e da las gidar ad integrar questa tematica en lur instrucziun. Il curs cumenza ils 13.01.2020.

www.europeanschoolnetacademy.eu

Plazzas libras a la SAPGR

18. decembre 2019 / /

La Scol’auta da pedagogia Grischun è ina scola trilingua. En il center da la SAPGR stattan dumondas che sa deditgeschan a la visiun «lernen, instruir, sviluppare». La SAPGR a Cuira tschertga da preschent in manader da project IT ed in pedagog da medias par las var 450 studentas e students.

phgr.ch


Ultima actualisaziun da questa pagina: 19.12.2019

Services

Support