Newsletter educa.ch - distribuziun 12/2018

Bellas festas

20. decembre 2018 /

educa.ch giavischa a las utilisadras ed als utilisaders legraivlas, calmas e bellas festas da Nadal ed in nov onn plain da success. Nus As engraziain per l’interess e la confidenza che nus avain dastgà resentir danovamain durant l’onn passà.

www.educa.ch

Project FIDES: mesadad

19. decembre 2018 /

L’architectura da FIDES è avant maun, en ina proxima fasa da project vegn l’accent mess sin las installaziuns da test e da pilot. Dapli infurmaziuns chattais Vus en il nov bulletin FIDES che cumpara mintga 6 emnas a partir dad uss. Vus pudais al abunar sin la pagina-web.

fides.educa.ch

CIIP: Plan d'acziun en favur da la digitalisaziun

12. decembre 2018 / /

La Conferenza svizra da las directuras e dals directurs chantunals da l'educaziun publica da la Svizra franzosa CIIP ha approvà in plan d’acziun en favur da la furmaziun digitala. Las finamiras èn ina cooperaziun tranter ils chantuns latins e da garantir ina gronda cumpetenza digitala per tuts.

www.ciip.ch

digitalinform.swiss

11. decembre 2018 /

Il program che vul promover la transfurmaziun digitala «digitalinform.swiss» en la furmaziun professiunala è vegnì lantschà mez december cun la finamira da crear ina rait da contacts tranter tut ils acturs. Il program fa part da las mesiras da strategia «Furmaziun professiunala 2030».

www.admin.ch

Program naziunal da retschertga

14. decembre 2018 /

En il rom dal program naziunal da retschertga «Transfurmaziun digitala» duain ils effects e las interdependenzas concretas vegnir examinads tant en la domena da l’educaziun sco er en la furmaziun. Skizzas da projects pon vegnir inoltradas fin ils 25 da favrer 2019.

www.snf.ch

Digitalisaziun en la furmaziun

10. decembre 2018 / /

Il tema principal da la Conferenza internaziunala al Lai da Constanza (IBK) è stà quest onn la «Digitalisaziun en la furmaziun». Sco resultat datti uss ina collecziun dad exempels Best-Practice sco era ina survista da divers projects da digitalisaziun en las scolas da la regiun dal Lai da Constanza.

www.bodenseekonferenz.org

First lego league - campiunadi svizzer

17. decembre 2018 / /

En il rom da la concurrenza internaziunala da robotica preschentan ils dus megliers teams da la concurrenza regiunala soluziuns creativas per divers problems. Giuvenils tranter 10 e 16 onns emprovan da schliar ils pensums cun lur agens roboters. La concurrenza ha lieu ils 22 da favrer 2019.

phgr.ch/event2019ga050

MOOC: Patrimoni cultural digital

4. decembre 2018 /

Il Massive Open Online Course (MOOC) dad European Schoolnet sa deditgescha al «Patrimoni cultural digital». La finamira da quest curs online è da meglierar la savida da las persunas d’instrucziun e da las gidar ad integrar questa tematica en lur instrucziun. Il curs cumenza ils 14-1-2019.

www.europeanschoolnetacademy.eu

Dunnas en la tecnica e l’informatica

17. decembre 2018 / /

Il colloqui biling a Berna ils 29 da schaner organisà da SATW 2019 dat la pussaivladad da barattar experientschas en la promoziun MINT da mattatschas e dunnas. 15 manadras e manaders da project rapportan da lur experientschas praticas cun las iniziativas MINT e dattan cussegls latiers.

www.satw.ch

Fascinaziun informatica

18. decembre 2018 /

Scienza e giuventetgna organisescha in’emna da studi per giuvenils da 16 a 20 onns ch’intendan da sa profundar en la programmaziun da l’informatica. Ils projects proponids tanschan da graficas fin a la programmaziun da roboters che basan sin intelligenza artifiziala.

sjf.ch


Ultima actualisaziun da questa pagina: 20.12.2018

Services

Job

Support