Newsletter educa.ch - distribuziun 12/2017

Bellas festas

22. decembre 2017 /

educa.ch giavischa a las utilisadras ed als utilisaders legraivlas, calmas e bellas festas da Nadal ed in nov onn plain da success. Nus As engraziain per l’interess e la confidenza che nus avain dastgà resentir danovamain durant l’onn passà.

www.educa.ch

Dossier MINT

15. decembre 2017 / /

Il nov dossier MINT dad educa.ch preschenta ina survista naziunala e chantunala davart las mesiras per promover ils roms matematica, informatica, scienza natirala e tecnica en scola. A medem temp vegn explitgà ils privels, las sfidas ed il potenzial da MINT en Svizra.

www.educa.ch

Ambient digital d’emprender e d’instruir

1. decembre 2017 / /

L’Associaziun svizra da telecommunicaziun (asut) ha publitgà in studi davart las scolas publicas svizras e la digitalisaziun. El ha la mira da far enconuschent projects ed iniziativas en scolas ed uschia avrir ina discussiun multifara.

asut.ch (pdf)

Savair è uman

4. decembre 2017 / /

Heinz Rhyn, rectur da la SAP Turitg, sa deditgescha en quest artitgel dal Tagesanzeiger a la digitalisaziun en l’instrucziun. El admonescha da l’euforia cumplaina sco er da la tema areguard las novas pussaivladads. Percunter metta el gronda paisa sin infurmaziuns reflectadas.

www.tagesanzeiger.ch

Uffants en il mund digital

14. decembre 2017 / /

Il nov studi dad UNICEF davart la situaziun dals uffants en tut il mund s’occupa da la dumonda co che las tecnologias digitalas influenzeschan lur vitas e lur schanzas. El vegn tar la conclusiun che milliuns d’uffants na pon betg profitar perquai ch’els n’han betg access a la digitalisaziun.

www.unicef.de

EPFL creescha nov diplom

6. decembre 2017 / /

La scola online da l’EPFL empermetta d’obtegnair in nov tipus da diplom academic «Certificate of Open Studies (COS)». La finamira è da pussibilitar a mintgin da meglierar las enconuschientschas en la domena da las novas tecnologias. Ils programs han plirs livels.

actu.epfl.ch (englais)

JIM-Studie 2017

5. decembre 2017 / /

Il studi davart l’utilisaziun da medias da giuvenils tranter 12 e 19 onns s’occupa da las medias che vegnan utilisadas per far ils pensums. Facit: Fertant che l’utilisaziun da medias crescha proporziunalmain a la vegliadetgna, sa restrenscha l’utilisaziun en scola mo sin las medias classicas.

www.mpfs.de

SimplyCooking.ch

6. decembre 2017 /

La nova purschida da SimplyScience è in med d’instrucziun interdisciplinar per il stgalim secundar en furma d’ina microsite accessibla per ils apparats mobils. El cumbinescha l’instrucziun pratica da cuschinar cun ulteriuras infurmaziuns da basa davart ils process chemics-fisicals durant cuschinar.

www.simplycooking.ch

Tablet en l’instrucziun ...

12. decembre 2017 / /

En quest artitgel s’expriman ils responsabels da la Scola pedagogica da Schaffusa e lur magistraglia co che la digitalisaziun vegn a midar la furmaziun da scolastas e scolasts. Uschia vegn ICT a daventar ina «tecnica culturala, sco scriver e far quints a chau».

www.shn.ch

Di europeic da la protecziun da las datas

14. decembre 2017 / /

Sin l’iniziativa dal Comité dals ministers dal Cussegl da l’Europa vegn quest di celebrà mintga onn ils 28 da schaner. La survista da las activitads ed infurmaziuns davart mintga pajais chattais vus sin la pagina-web dal Cussegl da l’Europa.

www.coe.int


Ultima actualisaziun da questa pagina: 22.12.2017

Services

Job

Support