Newsletter educa.ch - distribuziun 11/2019

Emprender en il sistem d’ecologia

7. november 2019 / /

La midada digitala disfa ils cunfins tranter ina furmaziun formala, betg formala ed informala. Raits analogas e digitalas sa collian tar in nov sistem d’ecologia cun novas schanzas e ristgs per l’emprender ed instruir. Monika Rohner ha illustrà per educa.ch il nov pajais da furmaziun.

www.educa.ch

educa.Job smetta si’activitad fin 2019

8. november 2019 /

Sper la reorientaziun da l’agenzia spezialisada educa.ch ha in’analisa da la situaziun mussà ch’il portal da plazzas educa.Job na correspunda betg pli als aspects da segirezza e ch’adaptaziuns fissan necessarias. Quellas ponderaziuns han manà a la decisiun da serrar il portal sin ils 31-12-2019.

job.educa.ch

Introducziun dal rom informatica en ils gimnasis

1. november 2019 /

L’informatica vegn actualmain introducida sco rom obligatoric en ils gimnasis. A partir da l’onn da scola 2022/2023 sin il pli tard, ston ils chantuns porscher a moda obligatorica quest rom. La SSIE-SVIA ha fatg ina retschertga en chaussa tar las persunas d’instrucziun d’informatica en ils gimnasis.

svia-ssie-ssii.ch

Transfurmaziun digitala en la pedagogia speziala

13. november 2019 /

L’ediziun actuala da la Revista svizra per pedagogia curativa sa deditgescha al tema dal congress da quest onn «Transfurmaziun digitala». Numerusas contribuziuns tractan las schanzas ed ils ristgs da la transfurmaziun digitala en la pedagogia speziala e curativa.

szh.ch

Studi ICILS 2018

6. november 2019 / /

Tenor ils resultats da l’evaluaziun internaziunala ICILS 2018 tutgan las scolaras ed ils scolars tudestgs tar la media pertutgant il diever cumpetent da medias digitalas. Sa participà han 14 pajais. La Svizra n’ha betg fatg part al studi.

uni-paderborn.de

Stgomi da classa digital

19. november 2019 /

In viva sin la communicaziun digitala. Conferenzas da video, e-mails, trametter audios e documents-online: ils meds digitals da communicaziun èn fitg vasts. Movetia gida ad instradar «webinars» gratuits per la realisaziun da stgomis da classa digitals.

www.movetia.ch

Spotlight Svizra

5. november 2019 /

Il premi «Spotlight Svizra» è vegnì surdà a 10 scolas per lur lavur en connex cun l’integraziun da meds digitals. Ils victurs pon sa participar al HundrED Innovation Summit 2019 a Helsinki. Quel reunescha ils innovaturs ils pli inspirants dal mund en la domena da la furmaziun.

jacobsfoundation.org

«Scuola in codice» dal Puschlav vegn premià

5. november 2019 / /

Spotlight Svizra premiescha praticas innovativas da persunas d’instrucziun che sustegnan la transfurmaziun digitala en scolas. Tranter ils diesch projects elegids sa chatta er in da la scola communala da Poschiavo che preveda l’instrucziun coordinada da la robotica educativa e dal coding.

www.youtube.com

Chalender d’advent «Chatta il code»

22. november 2019 / /

Il post da cussegliaziun Imedias porscha in chalender d’advent cun in tema d’informatica. Grazia a «Chatta il code – Knack den Code» po l’informatica vegnir instruida a moda ludica per ils uffants dal 2. ciclus. Era vegn il pensar informatic – igl uschenumnà Computational Thinking – promovì.

www.imedias.ch

Didactica sin via digitala

15. november 2019 /

La dieta dals 4 da mars 2020 a Cuira examinescha tranter autras las dumondas suandantas: co utilisar a moda effizienta las medias en classa, tge rolla ha la persuna d’instrucziun e tge sto vegnir resguardà sch’ins dovra medias en classa.

www.bgs-chur.ch


Ultima actualisaziun da questa pagina: 29.11.2019

Services

Support