Newsletter educa.ch - distribuziun 10/2019

La CDEP lantscha Edulog

31. october 2019 / /

La CDEP franchescha in’etappa decisiva en la realisaziun da sia strategia digitala. En l’avegnir empermetta Edulog als uffants ed als giuvenils d’avair access als servetschs online che stattan en stretg connex cun la scola. Il diever vegn pussibilità a partir da l’onn da scola 20/21.

www.edulog.ch

Broschura sur cumpetenzas medialas

1. october 2019 / /

La broschura da Giuventetgna e medias «Medienkompetenz» è vegnida surlavurada cumplettamain. Ella furnescha a geniturs ed a persunas d’instrucziun in agid da s’orientar ed encuraschescha d’accumpagnar a moda activa ils giuvenils e lur diever da las medias digitalas.

www.jugendundmedien.ch

SPFL e Vad augmentan lur collavuraziun

23. october 2019 /

La Scola politecnica federala Losanna ed il chantun Vad han suttascrit in contract general. Quel reglescha la collavuraziun tranter il chantun e la scola auta per simplifitgar la realisaziun da projects specifics en la furmaziun digitala ed en la pedagogica.

epfl.ch

Webkids

10. october 2019 /

NET-Metrix publitgescha per la terza giada datas davart il diever da l’internet dals uffants tranter 0 e 13 onns. La mesadad dals uffants svizzers dovra l’internet; mintga quart uffant è mintga di en l’internet. Il streaming è ina da las activitads preferidas dals uffants.

www.net-metrix.ch

Sguards innovativs sin la scola

23. october 2019 / / /

Savida scientifica chatta betg adina la via en la pratica dal mintgadi en las scolas. Latiers vegnan diversas pretensiuns da la societad e da la politica. Quai èn ils temas ed il fil cotschen da la nova ediziun dal magazin Horizonte.

www.akademien-schweiz.ch

Toolkit interoperabilitad

21. october 2019 / /

Cun il diever augmentà da tecnologias digitalas èn las scolas da pli en pli confruntadas cun la problematica da l’interperabilitad. Per gidar persunas cun pauca furmaziun tecnica a chapir l’impurtanza da l’interperabilitad ha il Consortium for School Network creà ina retscha d’agids.

www.cosn.org

Furmaziun professiunala digitala

6. october 2019 /

Ina nova retscha da perfecziunament a la EHB sensibilisescha per la furmaziun digitala e tematisescha aspects relevants per emprender ed instruir cun agid da las medias novas. Per las persunas d’instrucziun a las scolas professiunalas èn ils curs gratuits.

www.ehb.swiss

Dieta d’atun en la furmaziun professiunala

24. october 2019 / /

La dieta d’atun dal SEFRI (Secretariat da stadi per furmaziun, retschertga ed innovaziun) ils 26 da november stat sut il tema «Furmaziun professiunala 2030: emprender l’entira vita fin a la governance». Il program cumpiglia referats d’impuls, ateliers e workshops davart governance e digitalisaziun.

www.sbfi.admin.ch

LEARN Day

29. october 2019 /

Questa occurrenza organisada dal Center LEARN da la Scola politecnica federala Losanna ha lieu ils 27 da november a Berna. D’ina vart duai ella pussibilitar il barat direct tranter scienza e pratica e da l’autra vart vul ella far vesaivel il niz da las innovaziuns tecnicas en la pedagogia.

learn-day.ch

didacta DIGITAL Swiss

16. october 2019 /

La didacta DIGITAL Swiss preschenta a Basilea dals 28 als 30 da november 2019 soluziuns ed approximaziuns per la digitalisaziun en il sectur da la furmaziun. Divers temas stattan en il center: furmaziun da basa digitala, scenaris pedagogics, apps ed infrastructura.

didacta-digital.ch


Ultima actualisaziun da questa pagina: 31.10.2019

Services

Support