Newsletter educa.ch - distribuziun 09/2018

Datas da la furmaziun a la SWISSDIDAC

26. settember 2018 / /

Datas, protecziun da datas e data governance – quests temas èn omnipreschents e daventan anc pli impurtants en il futur. educa.ch metta questa tematica en il focus durant la Swissdidac che ha lieu dals 7 als 9 da november a Berna. Faschai ina visita al stan F26, sala 3.2.

swissdidac.educa.ch

Nov program da retschertga

24. settember 2018 /

Il Cussegl federal ha lantschà in nov program da retschertga naziunal titulà «Transfurmaziun digitala». Sur 5 onns e cun in budget da 30 milliuns s’occupa quest program cun l’effect da la digitalisaziun sin la furmaziun e sviluppa strategias per il futur.

www.admin.ch

La scola dal futur

19. settember 2018 /

La neuroscienza e las tecnologias digitalas revoluziuneschan l’emprender. Ina documentaziun dad Arte illustrescha las sfidas pedagogicas – da Singapur a la Finlanda – e dat ina survista da las innovaziuns sin il champ da la furmaziun.

www.arte.tv

Novas directivas per la Svizra digitala

8. settember 2018 / /

Il Cussegl federal ha approvà la strategia «Svizra digitala» per ils dus onns vegnints. Questa strategia definescha las finamiras en tut las domenas da la vita, sco per exempel en la furmaziun ed en la scienza, sco er en l’economia ed en l’e-Government.

www.admin.ch

La scola en in mund digital

18. settember 2018 /

En in palpiri da posiziun communabel han definì l’Associaziun tetgala svizra da magistras e magisters (MCH/LCH) ensemen cun il Syndicat des enseignants romands (SER) ils elements ch’èn absolutamain necessaris per emprender ed instruir cun meds digitals.

www.lch.ch

Inauguraziun dal C·R·E/A·TE

11. settember 2018 /

Il Center da retschertga per emprender ed instruir cun tecnologicas digitalas (C·R·E/A·TE) è vegnì inaugurà a la Scol’auta da pedagogia da Friburg. El vul facilitar l’implementaziun da medias digitalas en las instituziuns da furmaziun ed uschia sustegnair la retschertga davart la digitalisaziun.

www.phfr.ch

Europe Code Week

5. settember 2018 / /

Organisada dals 6 als 21 d’october ha la Europe Code Week la finamira d’intgantar uffants e creschids per la basa da la programmaziun. Workshops en chaussa vegnan purschids en l’entira Europa. Las occurrenzas en Svizra èn er enumeradas sin la pagina-web.

codeweek.eu

Concurrenza First Lego League

26. settember 2018 / / /

En Svizra mancan inschigneras e scienziads. First Lego League s’engascha per la promoziun da la generaziun giuvna en il sectur da la scienza e cumbinescha savida e plaschair. La concurrenza regiunala da giuvenils tranter 9 e 16 onns ha lieu ils 24 da november 2018 a la SAP GR a Cuira.

www.phgr.ch

bugnplay.ch 2019

6. settember 2018 / /

Uffants e giuvenils tranter 8 e 20 onns pon proponer da concepir e crear sulet u en gruppa cun las novas medias in roboter, in film animà, in video u in program. L’inscripziun per la concurrenza è averta fin ils 31 da schaner 2019.

bugnplay.ch

Olimpiada da la scienza 2018/2019

13. settember 2018 / /

La concurrenza svizra per giuvenils mirveglius è lantschada. La finamira da l’Olimpiada da la scienza è da promover a moda persistenta giuvnas e giuvens cun interess scientific. La participaziun è averta per classas sco er per singulas scolaras e singuls scolars.

science.olympiad.ch


Ultima actualisaziun da questa pagina: 28.09.2018

Services

Job

Support