Newsletter educa.ch - distribuziun 07 + 08/2019

Nov suppleant dal directur

21. avust 2019 /

Il cussegl d’administraziun da la cooperaziun educa.ch ha elegì Ueli Anken per il post da suppleant dal directur. El cumenza sia nova plazza il settember 2019. Il suppleant actual Karl Wimmer mida en in’autra funcziun interna. Ueli Anken è da preschent il responsabel per la communicaziun tar educa.

www.educa.ch

Diever da datas en la furmaziun

29. avust 2019 / /

Apparats digitals ed applicaziuns digitalas genereschan adina dapli datas en la domena da la furmaziun. Tge è il potenzial da questas datas? Il rapport d’educa.ch preschenta ina politica da datas pussaivla e propona diversas ideas da svilup.

www.educa.ch

CDEP: Strategia digitala

15. fanadur 2019 /

La Conferenza dals directurs da l'educaziun da la Svizra CDEP ha deliberà sia strategia digitala avant in onn. Ella l’ha uss concretisà en in plan da lavur descrivend mesiras naziunalas ch’ella vul prender per contribuir a questas finamiras.

edudoc.ch

SEFRI: Bilantscha intermediara

8. avust 2019 /

L’artitgel edì en l’ultima ediziun dal Magazin «SEFRI - SBFI News» dat ina survista dal stan actual da la realisaziun dal plan d’acziun digitalisaziun. Diversas mesiras en ils differents champs d’acziun èn gia realisadas u en planisaziun.

www.sbfi.admin.ch

JAMESfocus 2019: Medias digitalas en scola

13. avust 2019 /

Tenor l’ultim rapport JAMESfocus valiteschan las persunas d’instrucziun il diever da medias en l’instrucziun sco gronda schanza che porta blers avantatgs a las scolaras ed als scolars. Tuttina giavischan els d’obtegnair dapli support didactic e tecnic.

www.zhaw.ch

Protecziun da datas per scola ed instrucziun

14. avust 2019 / /

Co pon ins sensibilisar las scolaras ed ils scolars per la protecziun da datas? Tge sfidas ston las scolas dumagnar? Il dossier davart la protecziun da datas furnescha infurmaziuns detagliadas e las basas giuridicas sco era links e manuals per l’instrucziun.

www.educa.ch

Promover la midada digitala

7. avust 2019 /

digitalinform.swiss è in’iniziativa che vul promover la midada digitala sin il champ da la furmaziun professiunala. Ella sustegna en il rom da la promoziun da projects acturs che vulan trair a niz las novas tecnologias. Skizzas da project pon vegnir inoltradas sin la pagina-web.

digitalinform.swiss

Resursas da la plattafurma Giuventetgna e medias

15. avust 2019 / /

Giuventetgna e medias è la plattafurma naziunala da l’Uffizi federal per assicuranzas socialas per promover las cumpetenzas medialas ed il diever segir da las medias digitalas tar ils giuvens. Ella metta era a disposiziun broschuras per l’instrucziun dal rom informatica e medias.

www.jugendundmedien.ch

World Education Leadership Symposium

30. fanadur 2019 /

«La responsabladad da la furmaziun – empermischuns, realitads e pussaivladads», quests temas stattan en il center dal congress internaziunal. Experts da la furmaziun or da la pratica e da la scienza da passa 50 pajais sa deditgeschan a questas dumondas dals 25 als 27 da settember 2019 a Zug.

wels.edulead.net

Café da la scienza Grischun: Cudeschs d’instrucziun

10. settember 2019 / / /

Con ditg vegnan noss uffants anc a lavurar ed emprender cun cudeschs? Na dovri betg pli ils cudeschs da scola? Stgatscha il telefonin ils fegls da lavur. La SAP GR lavura gia dapi blers onns sin quest champ. Il podium da tschintg experts vul dar scleriment ils 7 da november 2019 a Cuira.

www.htwchur.ch


Ultima actualisaziun da questa pagina: 30.08.2019

Services

Job

Support