Newsletter educa.ch - distribuziun 07 + 08/2018

Dieta d’experts ICT e furmaziun

30. avust 2018 / /

La dieta d’experts ha lieu ils 8 da november a chaschun da la Swissdidac a Berna. Il program è uss online. Discutai cun experts da la scienza, dal martgà e da l’instrucziun davart il tema «Datas e lur potenzial zuppà – co pudain nus nizzegiar a moda intelligenta las datas da la furmaziun?».

www.educa.ch

Rapport final MINT 2013-2016

21. avust 2018 / /

Sin mandat da la SEFRI coordineschan las Academias da las scienzas svizras il program da promoziun MINT. Il rapport final cuntegna recumandaziuns concretas e dat uschia impurtants inputs per la politica da furmaziun.

www.akademien-schweiz.ch

Furmaziun professiunala 2030

2. avust 2018 / /

En vista a la realisaziun da la «Furmaziun professiunala 2030» ha il SEFRI incumbensà quatter differents studis. In da quels examinescha la flexibilisaziun da la furmaziun professiunala en il context da la digitalisaziun progressiva.

www.sbfi.admin.ch

Instruir cun novas medias

21. avust 2018 / /

La dieta dals 17 d’october a Turitg sa fatschenta cun la dumonda «Tge funcziuna?». En workshops vegnan preschentads novs trends sco er cuntegns che funcziunan bain en la pratica. La dieta sa drizza a persunas d’instrucziun sco er a direcziuns da las scolas ed a las persunas responsablas per ICT.

phzh.ch

Projects innovativs

19. avust 2018 / /

La Fundaziun svizra per la furmaziun audiovisuala ha selecziunà tschintg projects da la domena da la digitalisaziun (AlpConnectar, Gameful Design,..). La SAP Berna ha guardà en il rapport 2018 pli precis sin quests projects e mussà co ch’els èn sa sviluppads e sa midads en ils ultims onns.

www.ssab-online.ch

Protecziun da datas

23. fanadur 2018 / / /

L’incumbensà federal per la protecziun da datas e per la transparenza (IFPDT) ha sviluppà material didactic per scolaras e scolars tranter 13 e 15 onns. Quest material stat a disposiziun gratuitamain a las persunas d’instrucziun.

www.edoeb.admin.ch

Generation Smartphone

5. avust 2018 / /

Ina vita senza smartphone? Nua vesan ils giuvenils ristgs e nua vesan els schanzas, tge fan els persuenter? Il studi da la Scola auta spezialisada da la Svizra dal Nordvest (FHNW) e da la Scola auta turitgaisa per scienzas applitgadas (ZHAW) sa deditgescha a questas ed autras dumondas.

www.zhaw.ch

Simposi per direcziuns da las scolas

13. avust 2018 / /

La scol’auta da pedagogia da Zug (PHZG) organisescha dals 25 als 27 da settember 2019 in simposi internaziunal davart la direcziun da las scolas en Europa. Passa 800 experts ed expertas da 50 pajais discutan davart Responsible Leadership, la furmaziun 5.0 e l’innovaziun en la furmaziun.

wels.edulead.net

Di dal futur: Mattatschas-informatica-via!

27. avust 2018 / /

Al Di dal futur naziunal che ha lieu ils 8 da november 2018 avran intginas instituziuns lur partiziuns d’informatica ed envidan mattatschas a scuvrir il mund da lavur digital. Uschia er en il chantun Grischun. A partir dals 30 d’avust pon las mattatschas s’annunziar online.

www.nationalerzukunftstag.ch

Di digital 2018

23. avust 2018 / /

Co mida la digitalisaziun noss mund? Co influenzescha ella noss mintgadi? Ils 25 d’october 2018 ha lieu per la secunda giada il Di digital en Svizra. Las suandantas tematicas stattan en il center: furmaziun, sanadad, mobilitad, stil da viver, lavur 4.0, medias e novitads.

www.digitaltag.swiss


Ultima actualisaziun da questa pagina: 31.08.2018

Services

Job

Support