Newsletter educa.ch - distribuziun 05/2020

Chantun Vallais: piunier d’Edulog

18. matg 2020 / /

Il Vallais fa part dals tschintg chantuns piuniers che lantschan Edulog cun il cumenzament da l’onn da scola 2020. Las scolas survegnan access a servetschs digitals sco meds d’instrucziun e plattafurmas d’emprender. Edulog è in‘impurtant scharnier en il svilup digital dal sistem educativ vallesan.

edulog.ch

La digitalisaziun en la furmaziun n’è betg in atgna finamira

11. matg 2020 / /

A partir dals 11 da matg è l’instrucziun da preschientscha puspè vegnida reprida en las scolas obligatoricas. Quai è la occasiun da trair ina bilantscha intermediara tranter ils chantuns e la Confederaziun. Intervista cun Josef Widmer, directur suppleant dal SEFRI.

www.eduport.ch

I na po betg ir enavos!

30. avrigl 2020 /

Il Cussegl federal ha confirmà l’intenziun da reintroducir l’instrucziun cun preschientscha en las scolas a partir dals 11 da matg. Toni Ritz, directur educa.ch, envida a far in sigl en in auter temp: Tge vegnin nus a prender cun nus en il futur resguardond sin l’onn 2020 burascus?

www.eduport.ch

Furmaziun da persunas d’instrucziun: Peer-Learning cun Blended-Collaboration

7. matg 2020 /

L’instrucziun a distanza è ina nova sfida per las studentas ed ils students da las SAP areguard lur agen studi. Dr. Silja Rüedi, prorectura da la furmaziun a la Scol’auta pedagoga da Turitg, rapporta cun l’agen punct da vista sin la furmaziun da las persunas d’instrucziun vegnintas.

www.eduport.ch

Studi MIKE 2019

30. avrigl 2020 /

En Svizra prefereschan las scolaras ed ils scolars primars da passentar lur temp liber cun far termagls u far sport. Quai mussa il nov studi MIKE da la Scola auta turitgaisa per scienzas applitgadas (ZHAW). Guardar televisiun e dar gieus digitals tutgan era tar las activitads impurtantas.

www.zhaw.ch

«skilled» davart il tema innovaziun

17. matg 2020 /

La nova ediziun dal magazin da l’Institut federal da scola auta per la furmaziun professiunala (IFFP) s’interessescha per novas furmas d’instrucziun: da la plattafurma myskillbox per l’instrucziun da furmaziun generala (IFG) a projects che lavuran cun novas furmas d’instrucziun e d’emprender.

www.ehb.swiss

Scola, instrucziun a distanza e FSP

19. matg 2020 / /

La pandemia Covid-19 ha scurlattà tut las acturas ed acturs dal champ da la furmaziun. Tant pli èn las cumpetenzas per ina furmaziun per in svilup persistent (FSP-BNE) in impurtant med per persvader las scolas a franar il tempo, dia Pierre Gigon, mainaproject tar éducation21.

www.eduport.ch

Novas istorgias dal mintgadi digital

12. matg 2020 / /

La campagna naziunala da prevenziun dals privels en il mintgadi digital vegn schlargiada cun 12 novas istorgias. Ils comics porschan a las persunas d’instrucziun ina basa da discussiun davart las vitas digitalas e dattan simpels cussegl per il mintgadi.

www.websters.swiss

Digital Learning Hub Sek II

6. matg 2020 /

Il Digital Learning Hub è in project da pilot da la Direcziun da furmaziun dal chantun da Turitg. La nova plattafurma duai pussibilitar in stgomi e barat da medias digitalas innovativas e stat avert a tut las persunas interessadas.

dlh.zh.ch

Rapport annual SAPGR

10. matg 2020 / /

Il tema dal rapport annual 2019 è «Svilup da la scola auta e svilup persistent a la SAP Grischun». La skizza da l’ADN sin il maletg da cuverta simbolisescha la relaziun da dependenza reciproca ed il connex tranter strategia, structura e cultura da l’organisaziun.

phgr.ch (PDF DE)


Ultima actualisaziun da questa pagina: 29.05.2020

Services

Support