Newsletter educa.ch - distribuziun 05/2019

Save the Date: Dieta spezialisada digitalisaziun e furmaziun

7. matg 2019 / /

Pertge èn numerus acturs da la furmaziun sceptics envers il diever da datas digitalas per il sistem da furmaziun? Nus vulain sclerir questa ed autras dumondas a la dieta da spezialists che ha lieu ils 28 d’avust 2019 a la UniS a Berna.

fachtagung.educa.ch

Projekt FIDES: anonim, simpel, mobil

8. matg 2019 / /

L’identitad digitala creescha la basa per ina reglamentaziun fidada cun respectar la protecziun da las datas per tut ils access a las resursas digitalas. Quatter spetgas transversalas dattan en egl.

fides.educa.ch

JAMESfocus «News e Fake News»

1. matg 2019 / /

Prest 40% da la giuventetgna svizra è gia vegnida confruntada cun «Fake News». Sco il davos rapport JAMESfocus mussa, han ils giuvenils fidanza en las medias classicas, però obtegnan els las infurmaziuns pli e pli da las medias socialas. Consequentamain èn els er exposts pli fitg a «Fake News».

www.zhaw.ch

EU Kids Online 2019 Svizra

23. matg 2019 / /

Las ultimas cifras dal studi «EU Kids Online Svizra» mussan la necessitad da sustegnair ils uffants ed ils giuvenils en lur vita digitala. Praticamain tut ils giuvenils da 15 – 16 onns en Svizra èn vegnids confruntads almain ina giada cun in ristg en l’internet.

www.bsv.admin.ch

SAPGR: rapport annual 2018

24. matg 2019 / /

Il rapport annual da la Scola auta da pedagogia dal Grischun (SAPGR) s’occupa en sia revista da l’onn 2018 cun la tematica da la «transfurmaziun digitala». La tensiun tranter il mund analog e quel digital vegn tractada or da la perspectiva da la perscrutaziun, da la scolaziun e da la furmaziun.

phgr.ch

Orientà a las cumpetenzas da lavurar

14. matg 2019 / /

UNEVOC ha publitgà il rapport «Work-based Learning as a Pathway to Competence-based Education». Questa collecziun da contribuziuns da l’entir mund davart emprender al plaz da lavur cuvra in vast spectrum e strivla er dumondas da la digitalisaziun.

blog.edu-ict.ch

Perfecziunament d'informatica

22. matg 2019 /

En collavuraziun cun la SAPGR porscha la Scol’auta politecnica (ETH) Turitg curs d'informatica gratuits a las persunas d’instrucziun dal stgalim primar e secundar I. En ils workshops vegn mussà co ils uffants dal ciclus 1-3 pon emprender a programmar.

www.abz.inf.ethz.ch

Studi KIM 2018

20. matg 2019 / /

Quest studi represchentativ mussa il cumportament medial dals uffants da 6 a 13 onns en la Germania. Tenor ils resultats da 2018, dovran dus terzs l’internet. WhatsApp gioga ina rolla centrala en la vita quotidiana dals uffants a partir da 10 onns.

www.mpfs.de

Toolkit SELMA

27. matg 2019 / /

Il nov Toolkit dal project europeic SELMA porscha in set da materialias e guaffens per l’instrucziun. La finamira è da sensibilisar ils uffants e giuvenils per odi e pleds instigants en la rait. Ils documents duain er esser accessibels per tudestg a partir da l’atun 2019.

hackinghate.eu

Spotlight Schweiz

6. matg 2019 / /

La nova iniziativa «Spotlight Schweiz» tschertga persunas d’instrucziun dal stgalim prescolar, primar e secundar ch’attatgan a moda activa la transfurmaziun digitala en la furmaziun e quai communablamain cun lur scolars. Projects pon vegnir inoltrads fin ils 5 da fanadur 2019.

hundred.org


Ultima actualisaziun da questa pagina: 29.05.2019

Services

Job

Support