Newsletter educa.ch - distribuziun 04/2020

Contract general cun Google

28. avrigl 2020 / /

Google Ireland Limited ed educa.ch han deliberà in contract general per acquistar las licenzas per las scolas en Svizra ed en il Principadi da Liechtenstein. Il diever confurm a la lescha e las cundiziuns economicas per «G Suite Enterprise for Education» èn vegnids reglamentads.

www.educa.ch

Modelar la transfurmaziun digitala

16. avrigl 2020 / /

La via tar Edulog è differenta en mintga chantun. Quai dependa da las premissas tecnicas, organisatoricas e giuridicas. Beat Jörg, directur da l’educaziun e da la cultura dal chantun Uri, relata tge che saja impurtant per in bun svilup digital cun agid da las experientschas en l’agen chantun.

edulog.ch

Soluziuns da conferenzas online

21. avrigl 2020 / /

Conferenzas online porschan simplas pussaivladads per in stgomi direct tranter scolaras e scolars e lur persuna d’instrucziun sco era per igl apparat administrativ. Per lur diever ston ins dentant resguardar numerus aspects concernent la funcziun, la segirtad giuridica e la protecziun da datas.

www.eduport.ch

Plattafurmas collaborativas d’emprender

7. avrigl 2020 / /

Plattafurmas collaborativas d’emprender porschan numerusas pussaivladads d’emprender cuminaivlamain. Lur introducziun a curta vista è dentant ina gronda sfida per las persunas responsablas. Il document d’infurmaziun dad educa.ch serva sco med d’agid per prender las mesiras necessarias.

www.eduport.ch

Il meglier dals dus munds

22. avrigl 2020 / /

Dr. Stefan Wolter ha en sia funcziun sco «emprim perscrutader da la furmaziun» da la naziun in grond sensori per trends, bloccadas e process. Perquai sa dumonda el en il blog actual dad Eduport co cuntinuar cun la scola suenter las emnas passadas che han purtà nunspetgadamain in «bogn digital».

www.eduport.ch

Accessibilitad digitala senza barrieras

2. avrigl 2020 /

Las tecnologias digitalas han il potenzial da megliurar l’access a cuntegns d’emprender per ils emprendiders cun basegns spezials. Gist en temps senza instrucziun cun preschientscha sa mussan dentant grondas sfidas, sco quai che la contribuziun da Lanners, Meier-Popa e Salamin (SZH) illustrescha.

www.eduport.ch

Barometer da scola

14. avrigl 2020 /

L’institut da management e d’economia en la furmaziun (IBB) da la Scol’auta da pedagogia Zug ha interrogà passa 7100 scolaras e scolars, geniturs e persunas d’instrucziun en Svizra, en Germania ed en l’Austria per chapir co che las persunas pertutgadas vivan cun l’instrucziun a distanza.

www.zg.ch

éducation21 – access gratuit al portal da films

8. avrigl 2020 /

éducation21 sustegna l’emprender a distanza cun metter gratuitamain a disposiziun ses portal da films fin ils 15 da fanadur 2020. Las documentaziuns èn adattadas per tut ils livels da scola cun numerusas tematicas. Mintga film dispona da material didactic.

www.education21.ch

Educreators – crear l'avegnir

1. avrigl 2020 /

Per promover la transfurmaziun digitala en la furmaziun, sustegna Educreators diesch projects da gronda impurtanza per la scola obligatorica. Persunas d’instrucziun dal stgalim primar e sec I pon inoltrar lur projects fin ils 15 da fanadur 2020.

educreators.ch

Resursas d’emprender cun e senza visur

16. avrigl 2020 / /

Mediatecas e centers didactics èn impurtants per il stgomi da material per l’instrucziun pratica. Ils responsabels dals centers didactics da Berna e da Friburg descrivan lur experientschas cun il material didactic digital ed analog durant il temp da corona.

www.eduport.ch


Ultima actualisaziun da questa pagina: 30.04.2020

Services

Support