Newsletter educa.ch - distribuziun 04/2019

Instrucziun senza educanet²

30. avrigl 2019 /

Per gidar las scolas da remplazzar la plattafurma educanet² ha educa.ch mess ensemen ina survista da las applicaziuns ch’èn da preschent disponiblas. La glista vegn stediamain actualisada e cumplettada.

www.educanet2.ch

FIDES: Federalissem da las datotecas

5. avrigl 2019 / /

La futura Federaziun dals servetschs d’identitad en il spazi da furmaziun svizzer sto reunir diversas furmas d’organisaziun e tecnologias. Intervistas en 21 chantuns ed ina retschertga naziunala tar las direcziuns da scola han rendì visibel las structuras multifaras.

fides.educa.ch

Digi-Check per las scolas professiunalas

9. avrigl 2019 / /

Fin oz èn dapli che 100 scolas professiunalas s’inscrittas per il lavuratori digi-check da l’IFFP/EHB. La mira dal workshop è d’accumpagnar las persunas d’instrucziun sin lur viadi da transfurmaziun. L’artitgel cumparì en il magazin «Skilled» dat ina survista.

www.ehb.swiss

Crescher si en l’era digitala

1. avrigl 2019 / /

Il nov rapport «Crescher si en l’era digitala» da la Cumissiun federala per l'uffanza e la giuventetgna metta il focus sin las cumpetenzas digitalas dals uffants e giuvenils. Tge cumpetenzas ston vegnir promovidas per ina vita moderna, per sa furmar, per lavurar e per sa participar al mund digital.

www.ekkj.admin.ch

Nova versiun d’edudoc.ch

10. avrigl 2019 /

Il Server svizzer da documents per l’educaziun e la furmaziun edudoc.ch ha in nov design e funcziuns supplementaras. Ils utilisaders pon far diever da documents da la politica da furmaziun, da l’administraziun da furmaziun e da la perscrutaziun da furmaziun.

www.edudoc.ch

Diever da medias tar uffants cun basegns spezials

11. avrigl 2019 / /

Il project scientific MUSE da la Scol’auta interchantunala per pedagogia curativa ha perscrutà il diever da medias tar uffants e giuvenils en scolas spezialas. Ils resultads èn cumparegliabels cun las scolas popularas, però datti er intginas differenzas.

www.hfh.ch

Cumpetenzas digitalas en la furmaziun da scolasts

12. avrigl 2019 / /

La digitalisaziun pretenda da las persunas d’instrucziun da megliurar lur cumpetenzas digitalas. SwissCore (Contact Office for European Research, Innovation and Education) dat perquai ina survista da pliras iniziativas europeicas davart la furmaziun supplementara professiunala.

www.swisscore.org

Apps rumantschs

25. avrigl 2019 / /

Nus vegnin adina puspè confruntà cun la pretensiun che la lingua rumantscha vegn a far naufragi e che la lingua è antiquada. Sch’ins guarda dentant sin iTunes e Google Play chattan ins passa 20 apps rumantschs fitg attractivs. I vala la paina da dar in sguard.

www.suedostschweiz.ch

Midada dal clima e Virtual Reality

18. avrigl 2019 /

La Virtual-Reality-Experience pussibilitescha da vesair ils effects da la midada dal clima tras egliers 3D. L’exposiziun sa drizza als scolars dal stgalim secundar I e II. Ella vegn preschentada fin l’avust a Zernez ed a partir dal settember a Naters (VS).

www.expedition2grad.ch

Summer School

16. avrigl 2019 /

La Summer School «Digital Teaching» pussibilitescha furmaziun supplementara e barats cun collegas ed experts a medem temp: tranter ils 8 ed ils 12 da fanadur organisescha la SAP da Lucerna ina purschida da meglierar ils agens «Digital Skills» per l’instrucziun.

www.phlu.ch


Ultima actualisaziun da questa pagina: 30.04.2019

Services

Job

Support