Newsletter educa.ch - distribuziun 03/2019

Retschertga newsletter

1. mars 2019 /

Mintga mais infurmescha la newsletter d’educa.ch davart las actualitads dals champs ICT e furmaziun. Gugent vulain nus sviluppar ina newsletter tenor ils basegns da nossas abunentas e noss abunents. Nus as engraziain ordavant per respunder a questa curta retschertga da 5 minutas.

de.surveymonkey.com

Project FIDES: Tests pratics

6. mars 2019 / /

Ils emprims tests pratics han cumenzà la fin da favrer en las scolas. L’equipa dal project vul intervegnir co che las scolaras ed ils scolars vegnan a frida cun ina identitad digitala federativa. Ils resultats dattan ina impurtanta basa per l’elavuraziun futura dal project.

fides.educa.ch

In FabLab en Vossa scola?

20. mars 2019 /

Avais Vus avert in FabLab en Vossa scola per ch’ils scolars e las scolaras pon sviluppar projects creativs cun agid da las novas tecnologias? European Schoolnet vul dar pais a quests projects. Interessents pon contactar Stephanie Burton.

stephanie.burton@hepl.ch

Tessin: Credit per la digitalisaziun da la scolas

19. mars 2019 /

Il Cussegl grond ha approvà in credit d’investiziun da 47 milliuns per l’informatica en las scolas chantunalas. En spezial duai l’infrastructura da l’informatica en las scolas vegnir adaptada en il decurs dals proxims 5 onns.

www.rsi.ch

Svilup da la furmaziun professiunala

14. mars 2019 /

Quest tema stat en il center da l’ultima ediziun dal magazin «SEFRI/SBFI News» en il rom dal project «Furmaziun professiunala 2030». Il magazin preschenta intgins projects da promoziun sco era l’iniziativa «digitalinform.swiss».

www.sbfi.admin.ch

UE: ICT en la furmaziun

18. mars 2019 / /

La Cumissiun europeica ha publitgà il rapport «2nd Survey of Schools: ICT in Education». Questa retschertga tar las persunas d’instrucziun, tar scolaras e scolars sco era tar geniturs cuntegna ina gronda paletta da temas: access e niz da la digitalisaziun e strategias digitalas en las scolas.

ec.europa.eu

Instruir cun Europeana

15. mars 2019 / /

Co includer las resursas digitalas dals patrimonis culturals en l’instrucziun? La nova plattafurma «Teaching with Europeana» propona ideas e scenaris d’emprender. La banca da datas «Europeana» cuntegna passa 50 milliuns datotecas per l’instrucziun.

teachwitheuropeana.eun.org

Experts èn tschertgads

13. mars 2019 /

Sin la tschertga da resursas per instruir pon ils sistems da recumandaziun facilitar la lavur a las persunas d’instrucziun. Tgenins èn ils sistems ils pli effectivs en il sectur da la scola? European Schoolnet planisescha in cudesch alv davart questa tematica e va a la tschertga d’experts.

www.eun.org

Congress svizzer da la pedagogia spezialisada

22. mars 2019 / /

Il congress dals 27 e 28 d’avust a Berna ha sco tema «La transfurmaziun digitala – smaladicziun u benedicziun per la pedagogia spezialisada?» Pliras intervenziuns stattan sin il program, tranter auter era Toni Ritz, directur d’educa.ch, cun la digitalisaziun sco schanza per l’integraziun.

www.szh.ch

Open Education Days

8. mars 2019 / /

L’Open Education Day 2019 ha lieu sonda, ils 6 d’avrigl a Berna. La dieta è gratuita e porscha ina vasta paletta da referats, workshops e preschentaziuns. Ultra da quai generescha ella savida en Open Source Technologies, Open Content ed en cumpetenzas d’informatica dal Plan d’instrucziun 21.

openeducationday.ch


Ultima actualisaziun da questa pagina: 29.03.2019

Services

Job

Support