Newsletter educa.ch - distribuziun 01/2019

Protecziun da las datas

28. schaner 2019 / /

A chaschun dal di mundial da la protecziun da las datas ha educa.ch publitgà in nov dossier davart quest tema. Quel cuntegna infurmaziuns da la basa giuridica sco er links e guids per l’instrucziun. Il dossier vegn cumplettà cun ina app che preschenta videos curts ed in glossari.

www.educa.ch

Project FIDES: dumondas e respostas

28. schaner 2019 / /

Las enconuschientschas davart la digitalisaziun madiran en il spazi da furmaziun cun agid dal barat dals practicists en scola, en l’administraziun e sin il martgà da meds d’instrucziun. La pagina FIDES dat resposta a las dumondas las pli frequentas en sia nova rubrica FAQ.

fides.educa.ch

Trends Shaping Education

22. schaner 2019 / /

Il rapport da l'OCDE «Trends Shaping Education» examinescha las impurtantas tendenzas economicas, socialas e tecnologicas che han in effect sin il futur da la furmaziun. La finamira da quest rapport è da promover la reflexiun strategica e dad intimar discussiuns areguard las sfidas futuras.

www.oecd.org

Rapport davart la protecziun dals giuvenils

15. schaner 2019 / /

Uffants e giuvenils èn savens exposts a mobing, a l’odi ed a la violenza en las medias socialas. Ils mecanissems da protecziun na funcziunan betg bain. Quai èn ils resultats d’ina retschertga da jugendschutz.net davart ils ristgs sin plattafurmas da medias socialas.

www.jugendschutz.net

11 studis davart datas d’uffants e protecziun da datas

7. schaner 2019 / /

Las trais scienziadas Sonia Livingstone, Rishita Nandagiri e Mariya Stoilova congualan 11 studis che mussan co ch’uffants chapeschan la sfera privata e co ch’els interageschan cun lur ambient digital. Il studi internaziunal è scrit per englais.

blogs.lse.ac.uk/mediapolicyproject

MINTlabs e MINTnet

11. schaner 2019 / /

MINTlabs en la SAP a Cuira stat a disposiziun fin ils 8 da favrer a persunas d’instrucziun, a scolaras e a scolars sco er a persunas interessadas. Tranter auter pon ins experimentar cun: calliope (programmar platinas), robotica (Bee- u Blue-Bot, EV3, We-Do), Stop Motion ed Explain Everything.

phgr.ch

Sfera privata dals uffants

29. schaner 2019 / /

La SAP da Turitg ha creà ensemen cun l’incumbensà per la protecziun da datas dal chantun da Turitg in nov med d’instrucziun per uffants da 4 a 8 onns davart la sfera privata. Il material didactic stat a disposiziun gratuitamain a persunas interessadas a partir da l’avrigl 2019.

dsb.zh.ch

MOOC: persunas d’instrucziun colliadas

22. schaner 2019 /

Il Massive Open Online Course (MOOC) d'European Schoolnet sa drizza a tut las studentas e students da las SAPs. La finamira è da sviluppar cumpetenzas pedagogicas e digitalas, s’approximar a furmas da lavur collaborativas e da crear ina rait professiunala. Il curs cumenza ils 25 da favrer 2019.

www.europeanschoolnetacademy.eu

IA - ina sfida per la scola

21. schaner 2019 / /

Tge cumpetenzas ston ils emprendiders e las emprendidras dumagnar e tge sfidas porta la digitalisaziun e la IA per las persunas d’instrucziun? L’emissiun da SRF «Eco» è sa deditgada a l’intelligenza artifiziala e ses effects sin il mund professiunal e sin la scola.

www.srf.ch

Grischun digital

30. schaner 2019 / /

Suenter il grond success 2018 expandeschan ils i-CAMPs da Flem e porschan 2019 sper la purschida da vacanzas per uffants er curs da perfecziunament per persunas d’instrucziun ed in simposi davart il svilup da la scola e da l’instrucziun sin il champ da l’informatica.

phgr.ch


Ultima actualisaziun da questa pagina: 31.01.2019

Services

Job

Support