News

Format: 23.01.2019
Format: 23.01.2019

Project FIDES: nova pagina-web

18. schaner 2019 / /

La pagina-web da la Federaziun dals servetschs d’identitad è la basa per tut las infurmaziuns che pertutgan il project FIDES. Ils tests ed ils exempels d’utilisaziun èn vegnids creads en la scola Fliedermatte, ils lieus e las persunas èn però fictivs.

fides.educa.ch

Concurrenza bugnplay 2019

16. schaner 2019 / /

Uffants e giuvenils tranter 8 e 20 onns pon proponer da concepir e crear sulet u en gruppa cun agid da las novas medias in roboter, in film animà, in video u in program. L’inscripziun per la concurrenza è averta fin ils 31 da schaner 2019.

bugnplay.ch

MINTlabs e MINTnet

11. schaner 2019 / /

MINTlabs en la SAP a Cuira stat a disposiziun fin ils 8 da favrer a persunas d’instrucziun, a scolaras e a scolars sco er a persunas interessadas. Tranter auter pon ins experimentar cun: calliope (programmar platinas), robotica (Bee- u Blue-Bot, EV3, We-Do), Stop Motion ed Explain Everything.

phgr.ch

11 studis davart datas d’uffants e protecziun da datas

7. schaner 2019 / /

Las trais scienziadas Sonia Livingstone, Rishita Nandagiri e Mariya Stoilova congualan 11 studis che mussan co ch’uffants chapeschan la sfera privata e co ch’els interageschan cun lur ambient digital. Il studi internaziunal è scrit per englais.

blogs.lse.ac.uk/mediapolicyproject

Bellas festas

20. december 2018 /

educa.ch giavischa a las utilisadras ed als utilisaders legraivlas, calmas e bellas festas da Nadal ed in nov onn plain da success. Nus As engraziain per l’interess e la confidenza che nus avain dastgà resentir danovamain durant l’onn passà.

www.educa.ch

Project FIDES: mesadad

19. december 2018 /

L’architectura da FIDES è avant maun, en ina proxima fasa da project vegn l’accent mess sin las installaziuns da test e da pilot. Dapli infurmaziuns chattais Vus en il nov bulletin FIDES che cumpara mintga 6 emnas a partir dad uss. Vus pudais al abunar sin la pagina-web.

fides.educa.ch

Fascinaziun informatica

18. december 2018 /

Scienza e giuventetgna organisescha in’emna da studi per giuvenils da 16 a 20 onns ch’intendan da sa profundar en la programmaziun da l’informatica. Ils projects proponids tanschan da graficas fin a la programmaziun da roboters che basan sin intelligenza artifiziala.

sjf.ch

Dunnas en la tecnica e l’informatica

17. december 2018 / /

Il colloqui biling a Berna ils 29 da schaner organisà da SATW 2019 dat la pussaivladad da barattar experientschas en la promoziun MINT da mattatschas e dunnas. 15 manadras e manaders da project rapportan da lur experientschas praticas cun las iniziativas MINT e dattan cussegls latiers.

www.satw.ch

First lego league - campiunadi svizzer

17. december 2018 / /

En il rom da la concurrenza internaziunala da robotica preschentan ils dus megliers teams da la concurrenza regiunala soluziuns creativas per divers problems. Giuvenils tranter 10 e 16 onns emprovan da schliar ils pensums cun lur agens roboters. La concurrenza ha lieu ils 22 da favrer 2019.

phgr.ch/event2019ga050

Program naziunal da retschertga

14. december 2018 /

En il rom dal program naziunal da retschertga «Transfurmaziun digitala» duain ils effects e las interdependenzas concretas vegnir examinads tant en la domena da l’educaziun sco er en la furmaziun. Skizzas da projects pon vegnir inoltradas fin ils 25 da favrer 2019.

www.snf.ch

CIIP: Plan d'acziun en favur da la digitalisaziun

12. december 2018 / /

La Conferenza svizra da las directuras e dals directurs chantunals da l'educaziun publica da la Svizra franzosa CIIP ha approvà in plan d’acziun en favur da la furmaziun digitala. Las finamiras èn ina cooperaziun tranter ils chantuns latins e da garantir ina gronda cumpetenza digitala per tuts.

www.ciip.ch

digitalinform.swiss

11. december 2018 /

Il program che vul promover la transfurmaziun digitala «digitalinform.swiss» en la furmaziun professiunala è vegnì lantschà mez december cun la finamira da crear ina rait da contacts tranter tut ils acturs. Il program fa part da las mesiras da strategia «Furmaziun professiunala 2030».

www.admin.ch

Digitalisaziun en la furmaziun

10. december 2018 / /

Il tema principal da la Conferenza internaziunala al Lai da Constanza (IBK) è stà quest onn la «Digitalisaziun en la furmaziun». Sco resultat datti uss ina collecziun dad exempels Best-Practice sco era ina survista da divers projects da digitalisaziun en las scolas da la regiun dal Lai da Constanza.

www.bodenseekonferenz.org

MOOC: Patrimoni cultural digital

4. december 2018 /

Il Massive Open Online Course (MOOC) dad European Schoolnet sa deditgescha al «Patrimoni cultural digital». La finamira da quest curs online è da meglierar la savida da las persunas d’instrucziun e da las gidar ad integrar questa tematica en lur instrucziun. Il curs cumenza ils 14-1-2019.

www.europeanschoolnetacademy.eu

educanet² vegn sistì

29. november 2018 /

La plattafurma educanet² vegn serrada sin la fin da l’onn 2020. Dapi sia lantschada il 2004 èn las purschidas ed ils basegns sa sviluppads fermamain e numerusas autras alternativas existan ozendi. La serrada succeda tenor in process ordinà cun diversas mesiras da sustegn per las scolas.

www.educanet2.ch

Studi JIM 2018

28. november 2018 / /

Il studi tudestg davart l’utilisaziun da medias digitalas da giuvenils tranter 12 e 19 onns s’occupa da divers aspects en chaussa. Facit: il triumf da Netflix e co. cuntinuescha, er il temp emnil per giugar gieus da computer è augmentà.

www.mpfs.de

Applicaziuns-web: ina rait per il futur

26. november 2018 / /

A chaschun da la Swissdidac 2018 preschentan las agenturas spezialisadas IFES IPES, Movetia e ZEM CES lur products, servetschs e temas en ina applicaziun-web cuminaivla. Cliccai sin las differentas bulschas per vegnir a savair dapli.

swissdidac-app.educa.ch

Cumpetenza d‘infurmaziun MOOC

23. november 2018 / /

Cun l’agid da MOOC pon scolaras e scolars dal segund stgalim secundar sviluppar novas cumpetenzas d’infurmaziun. Sin basa da la dumonda «Pertge han intgins videos-online tant success?», emprendan els pass per pass da s’occupar cun infurmaziuns. Il curs-online cumenza il favrer 2019.

i-mooc.ch

Campagna MINT 2019

20. november 2018 / /

La quarta emna da scuverta MINT ha lieu dals 22 als 28 d’avrigl 2019. Las occurrenzas e las activitads èn vesaivlas sin il fegl sgulant edì da Scientix. Persunas d’instrucziun chattan uschia a moda simpla ils champs d’interess ch’èn adattads per lur classas.

www.scientix.eu

Dieta da spezialists ICT e furmaziun

19. november 2018 /

La dieta da spezialists dals 8 da november 2018 a Berna è sa deditgada al tema da las datas da la furmaziun ed a la pretensiun da las utilisar a moda intelligenta. Las registraziuns da video da las keynotes sco er ils discurs da podium èn disponibels sin la pagina-web da l’occurrenza.

www.educa.ch

Syndicate content

Services

Job

Support