Tudestg

Olimpiada da robotica

12. schaner 2019 / divers

La World Robot Olympiad è ina concurrenza per giuvnas e giuvens cun grond talent tecnic. Ils participants inventan e construeschan in roboter da Lego Mindstorms, al programmeschan e prendan part a concurrenzas encunter auters teams. Ils teams-victurs dastgan represchentar la Svizra en Ungaria.

worldrobotolympiad.ch

DETAGLS

Lingua d’occurenza: Tudestg
Stgalim d'instrucziun: Scola obligatorica , Scola post-obligatorica
Cumenzament d'annunzia: 2019-01-12T00:00:00

Swiss computer science education week

3. december 2018 - 9. december 2018 / online

La PH FHNW envida tut las persunas d’instrucziun cun scolaras e scolars a partir da 9 onns a sa participar a quest eveniment. I na dovra naginas enconuschientschas da basa. Ils scolars pon realisar plirs projects da programmar en lur atgna stanza da scola durant in’emna.

www.scalablegamedesign.ch

DETAGLS

Lingua d’occurenza: Tudestg
Stgalim d'instrucziun: Scola obligatorica

BarCamp: MINT en la furmaziun futura

30. november 2018 - 2. december 2018 / Malbun, Liechtenstein

Persunas spezialisadas, politichers sco er persunas d’instrucziun èn envidadas da sa barattar davart il tema MINT. Auter che tar ina conferenza classica n’è il program concret dal BarCamp betg cler, mabain vegn gist decidì al lieu.

barcamptools.eu

DETAGLS

Lingua d’occurenza: Tudestg
Stgalim d'instrucziun: Scola obligatorica , Scola post-obligatorica
Termin d'annunzia: 2018-05-31T00:00:00

Concurrenza First Lego League

24. november 2018 / SAP GR, Cuira

En Svizra mancan inschigneras e scienziads. First Lego League s’engascha per la promoziun da la generaziun giuvna en il sectur da la scienza e cumbinescha savida e plaschair. La concurrenza regiunala da giuvenils tranter 9 e 16 onns ha lieu ils 24 da november 2018 a la SAP GR.

www.phgr.ch

DETAGLS

Lingua d’occurenza: Tudestg, Talian, Rumantsch
Stgalim d'instrucziun: Scola obligatorica

Science on Stage: selecziun naziunala

17. november 2018 / Technorama, Winterthur

Organisà da Science on Stage Switzerland pon persunas d’instrucziun MINT da tut ils stgalims inoltrar projects da scola che vegnan alura preschentads al festival. Ultra da quai datti la pussaivladad da visitar workshops, seminaris e referats e da barattar ideas per l’instrucziun da MINT.

naturwissenschaften.ch

DETAGLS

Lingua d’occurenza: Tudestg, Franzos, Talian, Rumantsch, Englais
Stgalim d'instrucziun: Scola obligatorica , Scola post-obligatorica
Termin d'inscripziun: 2018-09-30T00:00:00

Dieta d’experts ICT e furmaziun

8. november 2018 / Bernexpo, Berna

La dieta d’experts ICT ha puspè lieu a chaschun da la Swissdidac a Berna. Il tema principal da quella ediziun è la politica da datas en la domena da la furmaziun. Il program detaglià ed ulteriuras infurmaziun èn online.

www.educa.ch

DETAGLS

Lingua d’occurenza: Tudestg, Franzos
Stgalim d'instrucziun: Independet dal stgalim

Di dal futur: Mattatschas-informatica-via!

8. november 2018 / entira Svizra

Al Di dal futur naziunal avran numerusas instituziuns lur partiziuns d’informatica ed envidan mattatschas dal stgalim secundar I a scuvrir il mund da lavur digital. A chaschun da quest di spezial pon ins tranter auter emprender a crear in’atgna pagina-web u programmar l’agen roboter.

www.nationalerzukunftstag.ch

DETAGLS

Lingua d’occurenza: Tudestg, Franzos, Talian
Stgalim d'instrucziun: 3. ciclus (7. fin il 9. onn scolar)

Swissdidac

7. november 2018 - 9. november 2018 / Bernexpo, Berna

Durant la Swissdidac preschentan las agenturas spezialisadas IPES, Movetia, ZEM CES ed educa.ch lur products e servetschs. Passa 300 expositurs svizzers e d’auters pajais preschentan lur innovaziuns per il martgà da la furmaziun, offreschan curs e workshops e mussan l’avegnir da la scola.

www.educa.ch

DETAGLS

Lingua d’occurenza: Tudestg, Franzos, Talian, Rumantsch
Stgalim d'instrucziun: Independet dal stgalim

Castur d’informatica

5. november 2018 - 16. november 2018 / entira Svizra, online

Organisà da la Societad svizra per l’informatica en l’instrucziun (SSIE) sa drizza questa concurrenza a scolaras e scolars tranter 8 e 20 onns. Ella vul svegliar l’interess per l’informatica e las scienzas digitalas. I na dovra naginas enconuschientschas en la programmaziun.

informatik-biber.ch

Instruir cun novas medias

27. october 2018 / SAP Turitg, Turitg

La dieta sa fatschenta cun la dumonda «Tge funcziuna?». En workshops vegnan preschentads novs trends sco er cuntegns e concepts che funcziunan bain en la pratica. La dieta sa drizza a persunas d’instrucziun sco er a direcziuns da las scolas ed a las persunas responsablas per ICT.

phzh.ch

DETAGLS

Lingua d’occurenza: Tudestg
Stgalim d'instrucziun: Independet dal stgalim

Syndicate content

Logo SEFRI

Logo EDK

Services

Job

Support