Furmaziun professiunala

Promover la midada digitala

7. avust 2019 / Furmaziun professiunala

digitalinform.swiss è in’iniziativa che vul promover la midada digitala sin il champ da la furmaziun professiunala. Ella sustegna en il rom da la promoziun da projects acturs che vulan trair a niz las novas tecnologias. Skizzas da project pon vegnir inoltradas sin la pagina-web.

digitalinform.swiss

Café da la scienza Grischun

2. avust 2019 / Identitad digitala / Furmaziun professiunala

Il futur pretenda ina furmaziun extendida en ils roms MINT. La finamira è da preparar la giuventetgna a las novas realitads al plaz da lavur, en la societad ed en la famiglia. Divers referents mussan resultats da las ultimas retschertgas ils 29 d’avust 2019 a Tavau.

www.htwchur.ch

Perfecziunament d'informatica

22. matg 2019 / Furmaziun professiunala

En collavuraziun cun la SAPGR porscha la Scol’auta politecnica (ETH) Turitg curs d'informatica gratuits a las persunas d’instrucziun dal stgalim primar e secundar I. En ils workshops vegn mussà co ils uffants dal ciclus 1-3 pon emprender a programmar.

www.abz.inf.ethz.ch

Orientà a las cumpetenzas da lavurar

14. matg 2019 / Furmaziun professiunala / Internaziunal

UNEVOC ha publitgà il rapport «Work-based Learning as a Pathway to Competence-based Education». Questa collecziun da contribuziuns da l’entir mund davart emprender al plaz da lavur cuvra in vast spectrum e strivla er dumondas da la digitalisaziun.

blog.edu-ict.ch

Digi-Check per las scolas professiunalas

9. avrigl 2019 / Furmaziun professiunala / Publicaziun

Fin oz èn dapli che 100 scolas professiunalas s’inscrittas per il lavuratori digi-check da l’IFFP/EHB. La mira dal workshop è d’accumpagnar las persunas d’instrucziun sin lur viadi da transfurmaziun. L’artitgel cumparì en il magazin «Skilled» dat ina survista.

www.ehb.swiss

Svilup da la furmaziun professiunala

14. mars 2019 / Furmaziun professiunala

Quest tema stat en il center da l’ultima ediziun dal magazin «SEFRI/SBFI News» en il rom dal project «Furmaziun professiunala 2030». Il magazin preschenta intgins projects da promoziun sco era l’iniziativa «digitalinform.swiss».

www.sbfi.admin.ch

Grischun digital

30. schaner 2019 / Identitad digitala / Furmaziun professiunala

Suenter il grond success 2018 expandeschan ils i-CAMPs da Flem e porschan 2019 sper la purschida da vacanzas per uffants er curs da perfecziunament per persunas d’instrucziun ed in simposi davart il svilup da la scola e da l’instrucziun sin il champ da l’informatica.

phgr.ch

digitalinform.swiss

11. december 2018 / Furmaziun professiunala

Il program che vul promover la transfurmaziun digitala «digitalinform.swiss» en la furmaziun professiunala è vegnì lantschà mez december cun la finamira da crear ina rait da contacts tranter tut ils acturs. Il program fa part da las mesiras da strategia «Furmaziun professiunala 2030».

www.admin.ch

Skillsnet – plattafurma per ina rait da contacts

5. november 2018 / Furmaziun professiunala

La plattafurma SkillsNet envida tut ils acturs dal sistem da furmaziun da far part d’ina communitad. Ils acturs pon s’infurmar, communitgar, collavurar e barattar ideas e Best Practices en in process dad Open Innnovation.

www.ehb.swiss

Furmaziun professiunala 4.0

22. october 2018 / Furmaziun professiunala / Publicaziun

Las tecnologias digitalas avran novas pussaivladads en la furmaziun professiunala. Il nov rapport da trend ed il document da posiziun dilucideschan ils effects da la digitalisaziun en la furmaziun professiunala e mussan vias tar ina didactica contemporana.

www.ehb.swiss

Syndicate content

Logo SEFRI

Logo EDK

Services

Job

Support