Concurrenza da scola

bugnplay.ch 2019

6. settember 2018 / Concurrenza da scola / MINT

Uffants e giuvenils tranter 8 e 20 onns pon proponer da concepir e crear sulet u en gruppa cun las novas medias in roboter, in film animà, in video u in program. L’inscripziun per la concurrenza è averta fin ils 31 da schaner 2019.

bugnplay.ch

Di digital 2018: concurrenza da scola

14. zercladur 2018 / Concurrenza da scola

La concurrenza da video da digitalswitzerland sur il tema «giugar – baterlar – sa muventar: Tge cumparsa ha il plaz da pausa 4.0? dat a persunas d’instrucziun ed a scolaras e scolars la pussaivladad da sa fatschentar cun la digitalisaziun or d’ina autra perspectiva. Termin: fin settember 2018.

schulwettbewerb.digitaltag.swiss

Furmaziun en il mund digital

1. zercladur 2018 / Concurrenza da scola / Internaziunal

La concurrenza a l’Universitad da Wuppertal vul contribuir ad ina discussiun critica sur l’utilisaziun da medias digitalas en classa e promover concepts e projects innovativs. Persunas d’instrucziun e scolaras e scolars da l’entir intschess germanofon pon annunziar ina contribuziun.

www.digitalisierung.education

Science Me!

21. matg 2018 / Concurrenza da scola / MINT

La concurrenza europeica Science Me! vegn organisada durant la Notg da la scienza ils 8 e 9 da fanadur a Genevra. Il princip da la concurrenza è simpel: mintga team da 2 persunas fa ina preschentaziun da 10 minutas. Il public ed ina giuria d’experts tschernan las victuras u ils victurs.

scienceme.unige.ch

Science on Stage

8. matg 2018 / Concurrenza da scola / MINT

Organisà da Science on Stage Switzerland pon persunas d’instrucziun MINT da tut ils stgalims inoltrar projects da scola che vegnan alura preschentads al festival a Winterthur. Ils quatter megliers projects vegnan envidads a Portugal l’atun 2019. Il termin d’annunzia è ils 30 da settember 2018.

naturwissenschaften.ch

Mobile Stories

26. mars 2018 / Concurrenza da scola / Cumpetenza da medias

Per la segunda giada lantscha SRG SSR ina concurrenza da Mobile Stories per giuvnas e giuvens tranter 15 e 24 onns. Las producziuns duain esser low-cost ed integrar tipics elements da mobile-devices (filter, emojis, etc.). Il termin per inoltrar il project è ils 20 da matg 2018.

www.srgd.ch

Open Data Student Award

15. mars 2018 / Open source / Concurrenza da scola / Cumpetenza da medias

opendata.ch realisescha l’emprima concurrenza per studentas e students da las universitads svizras u per tals che han terminà ils studis ils ultims trais onns. Ils participants inoltreschan ina lavur u in studi nua ch’els han utilisà open data u open government data fin ils 31 da matg 2018.

opendata.ch

«Parlo un’altra lingua, ma ti capisco»

12. favrer 2018 / Concurrenza da scola / Cumpetenza da medias

La Fundaziun Coscienza Svizzera organisescha ina concurrenza davart la plurilinguitad per las classas dal stgalim secundar I. Las scolaras ed ils scolars pon trametter in manuscrit fin ils 2 da mars 2018. Sche quel gudogna, survegnan els ils meds per realisar in film curt durant l’onn 2018.

www.parlounaltralingua.ch

Festival da film GaYA

8. favrer 2018 / Concurrenza da scola / Cumpetenza da medias

A chaschun dal Festival da film GaYA «My Alps – My Chance» èn ils giuvenils envidads a producir clips da video davart ina tematica alpina. Il termin d’inscripziun è fixà sin ils 31 da matg. Ils 15 megliers clips vegnan preschentads a Chambéry ils 30 da november u il 1. da december 2018.

www.alpine-space.eu

Di digital 2017: Concurrenza per scolas

5. settember 2017 / Concurrenza da scola

digitalswitzerland organisescha ina concurrenza davart «smartphones, applications, robots and cie – co influenzeschan els mia vita quotidiana en scola, mes avegnir e mia vita?» Giuvenils tranter 6 e 19 onns pon inoltrar videos tar il tema en lavur singula u en classa fin ils 31 d’october.

schulwettbewerb.digitaltag.swiss