Concurrenza da scola

Chatscha da stgazis tras la Svizra

22. settember 2020 / Concurrenza da scola

Swisstopo porscha a las scolas ina nova chatscha da stgazis online che passa tras blers lieus turistics svizzers. Quest instrument didactic gida las scolaras ed ils scolars da 10 a 15 onns d’emprender d’enconuscher las geodatas da la Svizra e da las utilisar a moda ludica.

schatz-karte.ch

Pro Juventute: Concurrenza da videos

22. settember 2020 / Concurrenza da scola

En il rom dals Dis svizzers digitals organisescha la Pro Juventute ina concurrenza da films curts. Giavischs per il futur da la giuventetgna e tge che la digitalisaziun contribuescha persuenter, stattan en il center dals filmins. Termin: 12.10.2020.

projuventute.ch

Campagna «Update la Svizra!»

21. settember 2020 / Concurrenza da scola

La campagna «Update la Svizra!» da la Federaziun svizra dals parlaments dals giuvens (FSPG) dat a la giuventetgna da 14 a 25 onns la pussaivladad da metter lur ideas davart la digitalisaziun sin il program da la politica naziunala. Il termin d'annunzia è fixà sin ils 11 d’october 2020.

www.engage.ch

Castur d’informatica 2020

13. avust 2020 / Concurrenza da scola

La Societad svizra per l’informatica en la furmaziun (SVIA) ha lantschà danovamain il quiz-online che ha lieu dals 2 als 13 da november 2020. Il quiz è adattà per scolaras e scolars da 8 a 20 onns e na basegna nagina presavida. S’inscriver a partir d’immediat.

informatik-biber.ch

Concurrenza: Science on Stage

7. avust 2020 / Concurrenza da scola / MINT

Organisà a moda da festival, pon las persunas d’instrucziun sa preschentar e barattar ideas davart concepts d’emprender e d’instruir en las domenas da las scienzas natiralas e da la tecnologia. Quest onn stattan las ideas actualas cun l’instrucziun a distanza en il center.

naturwissenschaften.ch

Label MINT per las scolas gimnasialas

3. zercladur 2020 / Concurrenza da scola

L’Academia svizra da las scienzas natiralas undrescha gimnasis che s’engaschan spezialmain en la domena da MINT cun in label MINT. Las scolas gimnasialas en Svizra ed en il Principadi da Liechtenstein pon inoltrar lur dossiers da candidatura fin ils 30 da settember 2020.

naturwissenschaften.ch

Educreators – crear l'avegnir

2. avrigl 2020 / Concurrenza da scola

Per promover la transfurmaziun digitala en la furmaziun, sustegna Educreators diesch projects da gronda impurtanza per la scola obligatorica. Persunas d’instrucziun dal stgalim primar e sec I pon inoltrar lur projects fin ils 15 da fanadur 2020.

educreators.ch

Mission Zero

21. schaner 2020 / Concurrenza da scola / MINT

Mission Zero dat la pussaivladad a las scolaras ed als scolars sut 14 onns da mussar lur programs d’informatica en l’univers sin la staziun spaziala internaziunala (ISS). Questa concurrenza vegn organisada dad ESA Education ensemen cun la fundaziun Raspberry Pi. Annunzias fin ils 20 mars da 2020.

astro-pi.org

Castur informatica 2019

15. october 2019 / Concurrenza da scola

La Societad svizra per l’informatica en la furmaziun (SVIA) ha lantschà il quiz-online che ha lieu dals 4 als 15 da november 2019. Il quiz è adattà per scolaras e scolars da 8 a 20 onns e na basegna naginas enconuschientschas da basa. Las inscripziuns èn avertas fin ils 31 d’october.

informatik-biber.ch

Syndicate content

Logo SEFRI

Logo EDK

Services

Support