Concurrenza da scola

Concurrenza scientifica per la giuventetgna

6. zercladur 2019 / Concurrenza da scola / MINT

Il termin d’annunzia per l’ediziun 2020 da la concurrenza naziunala da Scienza e giuventetgna è fixà sin ils 15 d’october 2019. La finamira è d’encuraschar ils talents da damaun en la domena da la scienza. Las lavurs singulas u da gruppa duain s’approfundar en in problem scientific.

sjf.ch

Spotlight Schweiz

6. matg 2019 / Good Practice / Concurrenza da scola

La nova iniziativa «Spotlight Schweiz» tschertga persunas d’instrucziun dal stgalim prescolar, primar e secundar ch’attatgan a moda activa la transfurmaziun digitala en la furmaziun e quai communablamain cun lur scolars. Projects pon vegnir inoltrads fin ils 5 da fanadur 2019.

hundred.org

Concurrenza bugnplay 2019

16. schaner 2019 / Concurrenza da scola / MINT

Uffants e giuvenils tranter 8 e 20 onns pon proponer da concepir e crear sulet u en gruppa cun agid da las novas medias in roboter, in film animà, in video u in program. L’inscripziun per la concurrenza è averta fin ils 31 da schaner 2019.

bugnplay.ch

First lego league - campiunadi svizzer

17. december 2018 / Ambient d'emprender digital / Concurrenza da scola

En il rom da la concurrenza internaziunala da robotica preschentan ils dus megliers teams da la concurrenza regiunala soluziuns creativas per divers problems. Giuvenils tranter 10 e 16 onns emprovan da schliar ils pensums cun lur agens roboters. La concurrenza ha lieu ils 22 da favrer 2019.

phgr.ch/event2019ga050

Olimpiada da la scienza 2018/2019

13. settember 2018 / Concurrenza da scola / MINT

La concurrenza svizra per giuvenils mirveglius è lantschada. La finamira da l’Olimpiada da la scienza è da promover a moda persistenta giuvnas e giuvens cun interess scientific. La participaziun è averta per classas sco er per singulas scolaras e singuls scolars.

science.olympiad.ch

Concurrenza First Lego League

26. settember 2018 / Concurrenza da scola / MINT / Internaziunal

En Svizra mancan inschigneras e scienziads. First Lego League s’engascha per la promoziun da la generaziun giuvna en il sectur da la scienza e cumbinescha savida e plaschair. La concurrenza regiunala da giuvenils tranter 9 e 16 onns ha lieu ils 24 da november 2018 a la SAP GR a Cuira.

www.phgr.ch

bugnplay.ch 2019

6. settember 2018 / Concurrenza da scola / MINT

Uffants e giuvenils tranter 8 e 20 onns pon proponer da concepir e crear sulet u en gruppa cun las novas medias in roboter, in film animà, in video u in program. L’inscripziun per la concurrenza è averta fin ils 31 da schaner 2019.

bugnplay.ch

Di digital 2018: concurrenza da scola

14. zercladur 2018 / Concurrenza da scola

La concurrenza da video da digitalswitzerland sur il tema «giugar – baterlar – sa muventar: Tge cumparsa ha il plaz da pausa 4.0? dat a persunas d’instrucziun ed a scolaras e scolars la pussaivladad da sa fatschentar cun la digitalisaziun or d’ina autra perspectiva. Termin: fin settember 2018.

schulwettbewerb.digitaltag.swiss

Furmaziun en il mund digital

1. zercladur 2018 / Concurrenza da scola / Internaziunal

La concurrenza a l’Universitad da Wuppertal vul contribuir ad ina discussiun critica sur l’utilisaziun da medias digitalas en classa e promover concepts e projects innovativs. Persunas d’instrucziun e scolaras e scolars da l’entir intschess germanofon pon annunziar ina contribuziun.

www.digitalisierung.education

Science Me!

21. matg 2018 / Concurrenza da scola / MINT

La concurrenza europeica Science Me! vegn organisada durant la Notg da la scienza ils 8 e 9 da fanadur a Genevra. Il princip da la concurrenza è simpel: mintga team da 2 persunas fa ina preschentaziun da 10 minutas. Il public ed ina giuria d’experts tschernan las victuras u ils victurs.

scienceme.unige.ch

Syndicate content

Logo SEFRI

Logo EDK

Services

Job

Support