Publicaziun

Programmar e furmaziun creativa

19. zercladur 2018 / Publicaziun

La publicaziun actuala da l’Uniun da persunas d’instrucziun per la furmaziun creativa sa deditgescha tranter auter a la programmaziun en l’art. Differentas contribuziuns dattan novs impuls per l’instrucziun. Art daventa digital.

meinheft.ch

Diever da medias tar uffants pitschens

11. zercladur 2018 / Publicaziun / Monitoring da la furmaziun

Schebain ch’uffants tranter 4 e 7 onns laschan sa fascinar fermamain da las medias digitalas, prefereschan els da termagliar cun amis ed amias. Quai mussa il studi ADELE che dat in’invista profunda dal diever da medias d’uffants e che cumplettescha ils studis MIKE e JAMES.

www.zhaw.ch

Instruir ed emprender cun guaffens digitals

6. zercladur 2018 / Good Practice / Publicaziun

Co crear in’instrucziun contemporana che promova las mirveglias e l’interess per la brama da savair en cumbinaziun cun guaffens digitals? La broschura da «Netzwerk Digitale Bildung» dat ideas ed indizis.

www.netzwerk-digitale-bildung.de

Svizra digitala: Cumparaziun internaziunala

5. zercladur 2018 / Publicaziun / Societad d'infurmaziun

L’Uffizi federal da statistica ha publitgà ils resultats da la retschertga ICT 2017, fatga tar var 3000 persunas. Tar il diever e las cumpetenzas digitalas è la Svizra situada pauc sur la media europeica, er en il champ da la furmaziun-online na tutga la Svizra betg tar ils pajais il pli activs.

www.bfs.admin.ch

ZH: Lexicon davart protecziun da datas

9. matg 2018 / Publicaziun

L’incumbensà per dumondas da protecziun da datas dal chantun da Turitg ha surlavurà cumplettamain il lexicon davart la protecziun da datas en la scola populara. Cun resguardar las experientschas actualas or da la pratica mussa il lexicon soluziuns per persunas d’instrucziun e direcziuns da scola.

dsb.zh.ch

Rapport UE: Digital Education Policies

28. matg 2018 / Publicaziun / Internaziunal

Il rapport «Digital Education Policies in Europe and Beyond» propona als responsabels politics en il champ da la furmaziun digitala blers puncts da referiments davart la moda e maniera co promover l’emprender sin nivel naziunal e regiunal.

ec.europa.eu

Rapport annual da la SAPGR

25. matg 2018 / Furmaziun professiunala / Publicaziun

Il rapport d’activitad s’occupa cun l’introducziun dal Plan d’instrucziun 21 en il Grischun e cun il nov rom «medias ed informatica». El preschenta las differentas perspectivas dals acturs involvids che han l’incumbensa d’introducir il plan d’instrucziun.

www.phgr.ch

Strategia svizra E-Government

8. matg 2018 / Publicaziun / Cumpetenza da medias

La cumissiun directiva è s’exprimida davart la strategia svizra da l’administraziun E-Government a partir dal 2020. Ella ha definì tschintg champs d’acziun per sviluppar la futura strategia digitala per las administraziuns.

www.admin.ch

LP 21 GR: Medias ed informatica

5. matg 2018 / Publicaziun / Cumpetenza da medias

Per il proxim onn da scola vegn introducì en las scolas il Plan d'instrucziun 21 GR. Spezialmain en il sectur «Medias ed informatica» èsi impurtant per las scolas da sa preparar bain sin las sfidas che spetgan. Ils ultims mais ha il chantun perquai accumpagnà las scolas cun ina vasta purschida.

www.gr.ch

easyvote - magra participaziun politica

11. avrigl 2018 / Publicaziun

Las conclusiuns da l'ultim monitoring politic dad easyvote da la Fedaraziun svizra dal parlament da giuventetgna mussa cleramain che las medias han purtà in midament enorm. Davart temas politics s’infurmescha la giuventetgna pauc ed ella mussa ulteriuramain in problem da confidenza en la politica.

www.easyvote.ch

Syndicate content

Logo SEFRI

Logo EDK

Job

Support