Publicaziun

UE: ICT en la furmaziun

18. mars 2019 / Publicaziun / Internaziunal

La Cumissiun europeica ha publitgà il rapport «2nd Survey of Schools: ICT in Education». Questa retschertga tar las persunas d’instrucziun, tar scolaras e scolars sco era tar geniturs cuntegna ina gronda paletta da temas: access e niz da la digitalisaziun e strategias digitalas en las scolas.

ec.europa.eu

Stress digital

4. favrer 2019 / Publicaziun / Cumpetenza da medias

Adina dapli umans sa sentan sut stress cun far diever dal telefonin e dad autras medias digitalas. Il studi actual da Saferinternet.at mussa co ch’ils giuvenils dumognan quest effect da fascinaziun. Dapli che 35 procent da la giuventetgna sa senta stressada cun las medias omnipreschentas.

www.saferinternet.at

Rapport sur pleds instigants

21. favrer 2019 / Publicaziun / Cumpetenza da medias

Il nov rapport «Hacking Online Hate: Building an Evidence Base for Educators» s’occupa da la problematica da pleds instigants plain odi en la rait. El dat ina definiziun cumpletta ed in’approximaziun pedagogica che lai chapir e reagir a moda cumpetenta ils uffants e las persunas d’instrucziun.

www.hackinghate.eu

Intelligenza artifiziala en la furmaziun

25. favrer 2019 / Publicaziun

Co pon ins integrar l’intelligenza artifiziala (IA) e l’emprender cun la maschina en il context da la furmaziun e tgeninas èn las sfidas? Il palpiri da l’European Schoolnet dat ina survista dals portals da furmaziun che fan diever dad Open Educational Resources (OER) Repositorien.

www.eun.org

Protecziun da las datas

28. schaner 2019 / educa.ch / Publicaziun

A chaschun dal di mundial da la protecziun da las datas ha educa.ch publitgà in nov dossier davart quest tema. Quel cuntegna infurmaziuns da la basa giuridica sco er links e guids per l’instrucziun. Il dossier vegn cumplettà cun ina app che preschenta videos curts ed in glossari.

www.educa.ch

11 studis davart datas d’uffants e protecziun da datas

7. schaner 2019 / Publicaziun / Cumpetenza da medias

Las trais scienziadas Sonia Livingstone, Rishita Nandagiri e Mariya Stoilova congualan 11 studis che mussan co ch’uffants chapeschan la sfera privata e co ch’els interageschan cun lur ambient digital. Il studi internaziunal è scrit per englais.

blogs.lse.ac.uk/mediapolicyproject

Rapport davart la protecziun dals giuvenils

15. schaner 2019 / Publicaziun / Societad d'infurmaziun

Uffants e giuvenils èn savens exposts a mobing, a l’odi ed a la violenza en las medias socialas. Ils mecanissems da protecziun na funcziunan betg bain. Quai èn ils resultats d’ina retschertga da jugendschutz.net davart ils ristgs sin plattafurmas da medias socialas.

www.jugendschutz.net

Trends Shaping Education

22. schaner 2019 / Publicaziun / Internaziunal

Il rapport da l'OCDE «Trends Shaping Education» examinescha las impurtantas tendenzas economicas, socialas e tecnologicas che han in effect sin il futur da la furmaziun. La finamira da quest rapport è da promover la reflexiun strategica e dad intimar discussiuns areguard las sfidas futuras.

www.oecd.org

Digitalisaziun en la furmaziun

10. december 2018 / Publicaziun / Internaziunal

Il tema principal da la Conferenza internaziunala al Lai da Constanza (IBK) è stà quest onn la «Digitalisaziun en la furmaziun». Sco resultat datti uss ina collecziun dad exempels Best-Practice sco era ina survista da divers projects da digitalisaziun en las scolas da la regiun dal Lai da Constanza.

www.bodenseekonferenz.org

CIIP: Plan d'acziun en favur da la digitalisaziun

12. december 2018 / Publicaziun / Societad d'infurmaziun

La Conferenza svizra da las directuras e dals directurs chantunals da l'educaziun publica da la Svizra franzosa CIIP ha approvà in plan d’acziun en favur da la furmaziun digitala. Las finamiras èn ina cooperaziun tranter ils chantuns latins e da garantir ina gronda cumpetenza digitala per tuts.

www.ciip.ch

Syndicate content

Logo SEFRI

Logo EDK

Services

Job

Support