Publicaziun

EU Kids Online 2020

11. favrer 2020 / Publicaziun / Internaziunal

A chaschun dal «Safer Internet Day» è vegnì publitgà il rapport «EU Kids Online 2020». Il rapport examinescha las pussaivladads, ils ristgs e las experientschas online dals uffants en 19 pajais – la Svizra fa er part dal rapport – e mussa las differenzas tranter ils pajas.

www.eukidsonline.ch

Studi OECD: giavischs professiunals

5. favrer 2020 / Publicaziun / PISA

Quest rapport che sa basa sin las cifras da l’ultima retschertga PISA, revela ils giavischs professiunals dals adolescents. Il midament en il mund da professiun cun novas medias ed intelligenza artifiziala n’ha anc betg cuntanschì ils giuvenils che vulan plitost emprender professiuns tradiziunalas.

www.oecd.org

Magazin spezialisà per scolas en il mund digital

13. favrer 2020 / Good Practice / Publicaziun

Il magazin spezialisà Plan BD infurmescha davart strategias e models futuristics per scolas en in mund digital. Expertas ed experts da la pratica, da la scienza e da la societad preschentan sper buns exempels er cussegls concrets per crear ils process necessaris per dumagnar la midada.

www.forumbd.de

ZH: guid Office 365 actualisà

8. schaner 2020 / Publicaziun

Il responsabel per la protecziun da datas dal chantun da Turitg ha actualisà il guid «Office 365 per il champ da furmaziun». La versiun actualisada descriva las mesiras da protecziun concernent las datas da diagnosa che vegnan utilisadas en l’Office 365 ProPlus.

dsb.zh.ch

Resultats Pisa 2018

3. december 2019 / Publicaziun / Societad d'infurmaziun / Cumpetenza da medias

Il consorzi PISA.ch ha publitgà il rapport naziunal davart la retschertga PISA 2018. Il rapport preschenta ils resultats da la Svizra en las domenas examinadas. El s’occupa medemamain d’ulteriurs temas sco l’equipament da las scolas cun apparaturas digitalas ed er lur diever en l’instrucziun.

pisa.educa.ch

Transfurmaziun digitala en la pedagogia speziala

13. november 2019 / Publicaziun

L’ediziun actuala da la Revista svizra per pedagogia curativa sa deditgescha al tema dal congress da quest onn «Transfurmaziun digitala». Numerusas contribuziuns tractan las schanzas ed ils ristgs da la transfurmaziun digitala en la pedagogia speziala e curativa.

szh.ch

Introducziun dal rom informatica en ils gimnasis

1. november 2019 / Publicaziun

L’informatica vegn actualmain introducida sco rom obligatoric en ils gimnasis. A partir da l’onn da scola 2022/2023 sin il pli tard, ston ils chantuns porscher a moda obligatorica quest rom. La SSIE-SVIA ha fatg ina retschertga en chaussa tar las persunas d’instrucziun d’informatica en ils gimnasis.

svia-ssie-ssii.ch

Studi ICILS 2018

6. november 2019 / Publicaziun / Cumpetenza da medias

Tenor ils resultats da l’evaluaziun internaziunala ICILS 2018 tutgan las scolaras ed ils scolars tudestgs tar la media pertutgant il diever cumpetent da medias digitalas. Sa participà han 14 pajais. La Svizra n’ha betg fatg part al studi.

uni-paderborn.de

Toolkit interoperabilitad

22. october 2019 / Publicaziun / Internaziunal

Cun il diever augmentà da tecnologias digitalas èn las scolas da pli en pli confruntadas cun la problematica da l’interperabilitad. Per gidar persunas cun pauca furmaziun tecnica a chapir l’impurtanza da l’interperabilitad ha il Consortium for School Network creà ina retscha d’agids.

www.cosn.org

Webkids

11. october 2019 / Publicaziun

NET-Metrix publitgescha per la terza giada datas davart il diever da l’internet dals uffants tranter 0 e 13 onns. La mesadad dals uffants svizzers dovra l’internet; mintga quart uffant è mintga di en l’internet. Il streaming è ina da las activitads preferidas dals uffants.

www.net-metrix.ch

Syndicate content

Logo SEFRI

Logo EDK

Services

Support