Ambient d'emprender digital

App d’emprender davart il holocaust

24. mars 2020 / Ambient d'emprender digital / Resursa didactica

La nova app «Fliehen vor dem Holocaust», co-sviluppada da la SAP Lucerna vul pussibilitar en scola ina occupaziun intensiva cun la tematica difficila dal holocaust. Ils videos da tschintg perditgas che raquintan lur istorgias da la fugia stattan en il center.

www.erinnern.at

E-learning-App «Babulins»

27. mars 2020 / Ambient d'emprender digital / Resursa didactica / Rumantsch

Per promover ch'uffants tranter 3 e 6 onns emprendan rumantsch a moda simpla, ha la Lia Rumantscha sviluppà cun 08Eins la app «Babulins». Ensemen cun Luisa e Nic, Brutus e Lupo ed ils ulteriurs commembers da la famiglia Babulin, pon ils pitschens scuvrir divers munds dal mintgadi.

www.itbusiness.ch

Promoziun MINT er en l’Engiadina

20. schaner 2020 / Ambient d'emprender digital / MINT

La Mint-Academy vul intgantar e promover uffants tranter 9 e 12 onns per ils champs matematica, informatica, scienza natirala e tecnologia. Actualmain visitan passa 120 uffants ils curs a Cuira. Uss vul la Mint-Academy er s’etablir en l’Engiadina auta.

www.mint-academy.ch

Plazzas libras a la SAPGR

18. december 2019 / Ambient d'emprender digital / Societad d'infurmaziun

La Scol’auta da pedagogia Grischun è ina scola trilingua. En il center da la SAPGR stattan dumondas che sa deditgeschan a la visiun «lernen, instruir, sviluppare». La SAPGR a Cuira tschertga da preschent in manader da project IT ed in pedagog da medias par las var 450 studentas e students.

phgr.ch

Digital Humanities

19. december 2019 / Identitad digitala / Ambient d'emprender digital

Differentas universitads sa deditgeschan l’onn vegnint a la tematica da «Digital Humanities». Co pon ins digitalisar scrittiras veglias cun la pli moderna tecnica? Co dovran las studentas ed ils students la digitalisaziun per emprender? Questas ed autras dumondas stattan en il center.

www.epfl.ch

Café da la scienza Grischun: Cudeschs d’instrucziun

10. settember 2019 / Good Practice / Ambient d'emprender digital / Cumpetenza da medias

Con ditg vegnan noss uffants anc a lavurar ed emprender cun cudeschs? Na dovri betg pli ils cudeschs da scola? Stgatscha il telefonin ils fegls da lavur. La SAP GR lavura gia dapi blers onns sin quest champ. Il podium da tschintg experts vul dar scleriment ils 7 da november 2019 a Cuira.

www.htwchur.ch

AlpConnectar

22. fanadur 2019 / Good Practice / Ambient d'emprender digital

Il program da barat naziunal sustegnì da Movetia, AlpConnectar dovra las tecnologias digitalas per emprender linguas naziunalas e vul pussibilitar cun conferenzas da video ed auter a classas da differentas regiuns linguisticas da collavurar e communitgar. S’annunziar fin ils 31.08.

www.movetia.ch

Reussir cun medias ed informatica

3. zercladur 2019 / Ambient d'emprender digital / Cumpetenza da medias

Tge dovra in uffant per reussir en la vita cun medias ed informatica? Co pon las scolas utilisar las medias digitalas en differentas disciplinas? E co pon ins promover las cumpetenzas applitgadas? L’ediziun actuala dad «Akzente», il magazin da la SAP Turitg, dat resposta a questas dumondas.

phzh.ch

La giuventetgna dovra YouTube sco lieu da furmaziun

4. zercladur 2019 / Ambient d'emprender digital / Publicaziun

In nov studi da la Germania mussa che videos en la rait èn impurtants per la giuventetgna tranter 12 e 19 onns per emprender a moda audiovisuala. Prest la mesadad da las scolaras e dals scolars utiliseschan YouTube per repeter cuntegns da l’instrucziun.

www.rat-kulturelle-bildung.de

MINTlabs e MINTnet

11. schaner 2019 / Ambient d'emprender digital / MINT

MINTlabs en la SAP a Cuira stat a disposiziun fin ils 8 da favrer a persunas d’instrucziun, a scolaras e a scolars sco er a persunas interessadas. Tranter auter pon ins experimentar cun: calliope (programmar platinas), robotica (Bee- u Blue-Bot, EV3, We-Do), Stop Motion ed Explain Everything.

phgr.ch

Syndicate content

Logo SEFRI

Logo EDK

Services

Support