MINT

Dunnas en la tecnica e l’informatica

17. december 2018 / Occurrenza / MINT

Il colloqui biling a Berna ils 29 da schaner organisà da SATW 2019 dat la pussaivladad da barattar experientschas en la promoziun MINT da mattatschas e dunnas. 15 manadras e manaders da project rapportan da lur experientschas praticas cun las iniziativas MINT e dattan cussegls latiers.

www.satw.ch

Campagna MINT 2019

20. november 2018 / Occurrenza / MINT

La quarta emna da scuverta MINT ha lieu dals 22 als 28 d’avrigl 2019. Las occurrenzas e las activitads èn vesaivlas sin il fegl sgulant edì da Scientix. Persunas d’instrucziun chattan uschia a moda simpla ils champs d’interess ch’èn adattads per lur classas.

www.scientix.eu

Dunnas@tecnica ed informtica

22. october 2018 / Occurrenza / MINT

Ils 29 da schaner ha lieu a Berna in di deditgà a mattatschas ed a dunnas per las intgantar per la materia da MINT. La dieta cumenza cun in referat davart aspects da gender e preschenta silsuenter als participants numerus projects en chaussa.

www.satw.ch

MINT: furmaziun supplementara online

12. october 2018 / MINT / Furmaziun cuntinuada

La nova furmaziun supplementara online da la SAP Turitg sin il champ da MINT sa deditgescha a las tematicas energia e transport d’energia. Persunas d’instrucziun emprendan d’enconuscher il quadrin energetic e co ch’ins po al integrar en l’instrucziun. Il curs e gratuit.

phzh.ch

Olimpiada da la scienza 2018/2019

13. settember 2018 / Concurrenza da scola / MINT

La concurrenza svizra per giuvenils mirveglius è lantschada. La finamira da l’Olimpiada da la scienza è da promover a moda persistenta giuvnas e giuvens cun interess scientific. La participaziun è averta per classas sco er per singulas scolaras e singuls scolars.

science.olympiad.ch

Concurrenza First Lego League

26. settember 2018 / Concurrenza da scola / MINT / Internaziunal

En Svizra mancan inschigneras e scienziads. First Lego League s’engascha per la promoziun da la generaziun giuvna en il sectur da la scienza e cumbinescha savida e plaschair. La concurrenza regiunala da giuvenils tranter 9 e 16 onns ha lieu ils 24 da november 2018 a la SAP GR a Cuira.

www.phgr.ch

bugnplay.ch 2019

6. settember 2018 / Concurrenza da scola / MINT

Uffants e giuvenils tranter 8 e 20 onns pon proponer da concepir e crear sulet u en gruppa cun las novas medias in roboter, in film animà, in video u in program. L’inscripziun per la concurrenza è averta fin ils 31 da schaner 2019.

bugnplay.ch

Rapport final MINT 2013-2016

22. avust 2018 / Publicaziun / MINT

Sin mandat da la SEFRI coordineschan las Academias da las scienzas svizras il program da promoziun MINT. Il rapport final cuntegna recumandaziuns concretas e dat uschia impurtants inputs per la politica da furmaziun.

www.akademien-schweiz.ch

Di dal futur: Mattatschas-informatica-via!

28. avust 2018 / Cumpetenza da medias / MINT

Al Di dal futur naziunal che ha lieu ils 8 da november 2018 avran intginas instituziuns lur partiziuns d’informatica ed envidan mattatschas a scuvrir il mund da lavur digital. Uschia er en il chantun Grischun. A partir dals 30 d’avust pon las mattatschas s’annunziar online.

www.nationalerzukunftstag.ch

Di digital 2018

24. avust 2018 / Cumpetenza da medias / MINT

Co mida la digitalisaziun noss mund? Co influenzescha ella noss mintgadi? Ils 25 d’october 2018 ha lieu per la secunda giada il Di digital en Svizra. Las suandantas tematicas stattan en il center: furmaziun, sanadad, mobilitad, stil da viver, lavur 4.0, medias e novitads.

www.digitaltag.swiss

Syndicate content

Logo SEFRI

Logo EDK

Services

Support