Cumpetenza da medias

JAMESfocus «News e Fake News»

1. matg 2019 / Publicaziun / Cumpetenza da medias

Prest 40% da la giuventetgna svizra è gia vegnida confruntada cun «Fake News». Sco il davos rapport JAMESfocus mussa, han ils giuvenils anc fidanza en las medias classicas, però obtegnan els pli e pli las infurmaziun da las medias socialas. Consequentamain èn els er exposts pli fitg als «Fake News».

www.zhaw.ch

Diever da medias tar uffants cun basegns spezials

11. avrigl 2019 / Publicaziun / Cumpetenza da medias

Il project scientific MUSE da la Scol’auta interchantunala per pedagogia curativa ha perscrutà il diever da medias tar uffants e giuvenils en scolas spezialas. Ils resultads èn cumparegliabels cun las scolas popularas, però datti er intginas differenzas.

www.hfh.ch

In FabLab en Vossa scola?

20. mars 2019 / Cumpetenza da medias

Avais Vus avert in FabLab en Vossa scola per ch’ils scolars e las scolaras pon sviluppar projects creativs cun agid da las novas tecnologias? European Schoolnet vul dar pais a quests projects. Interessents pon contactar Stephanie Burton.

stephanie.burton@hepl.ch

Tessin: Credit per la digitalisaziun da la scolas

19. mars 2019 / Cumpetenza da medias

Il Cussegl grond ha approvà in credit d’investiziun da 47 milliuns per l’informatica en las scolas chantunalas. En spezial duai l’infrastructura da l’informatica en las scolas vegnir adaptada en il decurs dals proxims 5 onns.

www.rsi.ch

Forum naziunal per giuventetgna e medias

28. favrer 2019 / Occurrenza / Cumpetenza da medias

Big data, fake news ed auters temas da la digitalisaziun stattan en il center dal quart forum per giuventetgna e medias che ha lieu ils 23 da matg en il Stade de Suisse a Berna. Questa occurrenza s’adressescha a persunas che s’occupan professiunalmain cun dumondas da protecziun per uffants.

www.jugendundmedien.ch

Play to Learn 2019

7. favrer 2019 / Occurrenza / Cumpetenza da medias / Furmaziun cuntinuada

La dieta da furmaziun sa deditgescha ils 6 d’avrigl 2019 al tema «BYOD – more didactics, less device». L’occurrenza porscha sper keynotes e discussiuns da podium er ina vasta paletta da workshops che mussan novas perspectivas ed ideas creativas per utilisar medias audiovisualas en l’instrucziun.

www.play-to-learn.ch

Stress digital

4. favrer 2019 / Publicaziun / Cumpetenza da medias

Adina dapli umans sa sentan sut stress cun far diever dal telefonin e dad autras medias digitalas. Il studi actual da Saferinternet.at mussa co ch’ils giuvenils dumognan quest effect da fascinaziun. Dapli che 35 procent da la giuventetgna sa senta stressada cun las medias omnipreschentas.

www.saferinternet.at

Klicksafe to go

20. favrer 2019 / Resursa didactica / Cumpetenza da medias

Assistents da linguas, social bots e roboters: Intelligenza artifiziala, algoritmus e maschinas intelligentas vegnan ad influenzar nossa vita. L’ediziun actuala da «klicksafe to go» sa fatschenta cun ils ristgs ed ils privels dal futur digital e preschenta ideas per l’instrucziun.

www.klicksafe.de

Rapport sur pleds instigants

21. favrer 2019 / Publicaziun / Cumpetenza da medias

Il nov rapport «Hacking Online Hate: Building an Evidence Base for Educators» s’occupa da la problematica da pleds instigants plain odi en la rait. El dat ina definiziun cumpletta ed in’approximaziun pedagogica che lai chapir e reagir a moda cumpetenta ils uffants e las persunas d’instrucziun.

www.hackinghate.eu

Sfera privata dals uffants

29. schaner 2019 / Resursa didactica / Cumpetenza da medias

La SAP da Turitg ha creà ensemen cun l’incumbensà per la protecziun da datas dal chantun da Turitg in nov med d’instrucziun per uffants da 4 a 8 onns davart la sfera privata. Il material didactic stat a disposiziun gratuitamain a persunas interessadas a partir da l’avrigl 2019.

dsb.zh.ch

Syndicate content

Logo SEFRI

Logo EDK

Services

Job

Support