Cumpetenza da medias

Sfera privata dals uffants

29. schaner 2019 / Resursa didactica / Cumpetenza da medias

La SAP da Turitg ha creà ensemen cun l’incumbensà per la protecziun da datas dal chantun da Turitg in nov med d’instrucziun per uffants da 4 a 8 onns davart la sfera privata. Il material didactic stat a disposiziun gratuitamain a persunas interessadas a partir da l’avrigl 2019.

dsb.zh.ch

11 studis davart datas d’uffants e protecziun da datas

7. schaner 2019 / Publicaziun / Cumpetenza da medias

Las trais scienziadas Sonia Livingstone, Rishita Nandagiri e Mariya Stoilova congualan 11 studis che mussan co ch’uffants chapeschan la sfera privata e co ch’els interageschan cun lur ambient digital. Il studi internaziunal è scrit per englais.

blogs.lse.ac.uk/mediapolicyproject

IA - ina sfida per la scola

21. schaner 2019 / Societad d'infurmaziun / Cumpetenza da medias

Tge cumpetenzas ston ils emprendiders e las emprendidras dumagnar e tge sfidas porta la digitalisaziun e la IA per las persunas d’instrucziun? L’emissiun da SRF «Eco» è sa deditgada a l’intelligenza artifiziala e ses effects sin il mund professiunal e sin la scola.

www.srf.ch

Cumpetenza d‘infurmaziun MOOC

23. november 2018 / Resursa didactica / Cumpetenza da medias

Cun l’agid da MOOC pon scolaras e scolars dal segund stgalim secundar sviluppar novas cumpetenzas d’infurmaziun. Sin basa da la dumonda «Pertge han intgins videos-online tant success?», emprendan els pass per pass da s’occupar cun infurmaziuns. Il curs-online cumenza il favrer 2019.

i-mooc.ch

Schanzas e ristgs da gieus digitals

5. november 2018 / Publicaziun / Cumpetenza da medias

La nova ediziun dal guid per novas medias «enter» da la Swisscom sa deditgescha als temas e-sport ed als pregiudizis existents davart ils gieus digitals. La broschura dilucidescha la rolla dals gieus digitals en nossa societad e dat cussegls a geniturs ed a persunas d’instrucziun.

www.swisscom.ch

Match&move

19. october 2018 / Cumpetenza da medias

Questa nova plattafurma empermetta a las persunas d’instrucziun che vulan organisar in barat da classas a preschentar lur project e da sa metter a la tschertga d’ina classa partenaria. Medias ed informatica stattan en il center da plirs projects che figureschan gia sin la plattafurma.

www.matchnmove.ch

Co proteger la sfera privata?

4. october 2018 / Resursa didactica / Cumpetenza da medias

Per sensibilisar scolars ed emprendists d’utilisar datas persunalas a moda responsabla, ha l’incumbensada federala per la protecziun da datas e per la transparenza (IFPDT/EDÖB) creà material didactic. Silvia Böhlen, spezialista da communicaziun, ha dà pled e fatg davart il tema protecziun da datas.

www.educa.ch

Europe Code Week

5. settember 2018 / Occurrenza / Cumpetenza da medias

Organisada dals 6 als 21 d’october ha la Europe Code Week la finamira d’intgantar uffants e creschids per la basa da la programmaziun. Workshops en chaussa vegnan purschids en l’entira Europa. Las occurrenzas en Svizra èn er enumeradas sin la pagina-web.

codeweek.eu

Generation Smartphone

6. avust 2018 / Publicaziun / Cumpetenza da medias

Ina vita senza smartphone? Nua vesan ils giuvenils ristgs e nua vesan els schanzas, tge fan els persuenter? Il studi da la Scola auta spezialisada da la Svizra dal Nordvest (FHNW) e da la Scola auta turitgaisa per scienzas applitgadas (ZHAW) sa deditgescha a questas ed autras dumondas.

www.zhaw.ch

Di dal futur: Mattatschas-informatica-via!

28. avust 2018 / Cumpetenza da medias / MINT

Al Di dal futur naziunal che ha lieu ils 8 da november 2018 avran intginas instituziuns lur partiziuns d’informatica ed envidan mattatschas a scuvrir il mund da lavur digital. Uschia er en il chantun Grischun. A partir dals 30 d’avust pon las mattatschas s’annunziar online.

www.nationalerzukunftstag.ch

Syndicate content

Logo SEFRI

Logo EDK

Services

Job

Support