Internaziunal

Future Classroom Lab: nova pagina-web

8. zercladur 2020 / Internaziunal

La pagina-web da Future Classroom Lab ha ina nova cumparsa. Ella infurmescha davart las activitads liadas a l’instrucziun innovativa ed in ambient d’instruir e d’emprender flexibel. Ella porscha en pli raits da labor e publicaziuns per gidar las scolas e ponderar lur spazi d’emprender da nov.

fcl.eun.org

OER – Criteris da qualitad

14. favrer 2020 / Publicaziun / Internaziunal

Il terz Whitepaper da l’European Schoolnet s’adressa a persunas ed instituziuns che vulan sviluppar referenzas davart resursas d’emprender e d’instruir. Ulteriuramain duain las persunas d’instrucziun vegnir sustegnidas e promovidas d’utilisar meds digitals ed OER en l’instrucziun.

lre.eun.org

EU Kids Online 2020

11. favrer 2020 / Publicaziun / Internaziunal

A chaschun dal «Safer Internet Day» è vegnì publitgà il rapport «EU Kids Online 2020». Il rapport examinescha las pussaivladads, ils ristgs e las experientschas online dals uffants en 19 pajais – la Svizra fa er part dal rapport – e mussa las differenzas tranter ils pajas.

www.eukidsonline.ch

Future Classroom Lab: manual

16. schaner 2020 / Good Practice / Internaziunal

Co pon ins implementar il model da Future Classroom lab en l’atgna scola? Il nov manual d'European Schoolnet descriva il process per endrizzar in Learning Labs, da la planisaziun a la finanziaziun e la realisaziun fin a l’evaluaziun ed als effects per la scola.

fcl.eun.org

Toolkit interoperabilitad

22. october 2019 / Publicaziun / Internaziunal

Cun il diever augmentà da tecnologias digitalas èn las scolas da pli en pli confruntadas cun la problematica da l’interperabilitad. Per gidar persunas cun pauca furmaziun tecnica a chapir l’impurtanza da l’interperabilitad ha il Consortium for School Network creà ina retscha d’agids.

www.cosn.org

Europe Code Week

16. settember 2019 / Occurrenza / Internaziunal

Organisada dals 5 als 20 d’october, ha la Europe Code Week la finamira d’intgantar uffants e creschids per la basa da la programmaziun. Workshops vegnan purschids en l’entira Europa. Las occurrenzas en Svizra vegnan er enumeradas sin la pagina-web.

codeweek.eu

Syndicate content

Logo SEFRI

Logo EDK

Services

Support