Internaziunal

Toolkit interoperabilitad

22. october 2019 / Publicaziun / Internaziunal

Cun il diever augmentà da tecnologias digitalas èn las scolas da pli en pli confruntadas cun la problematica da l’interperabilitad. Per gidar persunas cun pauca furmaziun tecnica a chapir l’impurtanza da l’interperabilitad ha il Consortium for School Network creà ina retscha d’agids.

www.cosn.org

Europe Code Week

16. settember 2019 / Occurrenza / Internaziunal

Organisada dals 5 als 20 d’october, ha la Europe Code Week la finamira d’intgantar uffants e creschids per la basa da la programmaziun. Workshops vegnan purschids en l’entira Europa. Las occurrenzas en Svizra vegnan er enumeradas sin la pagina-web.

codeweek.eu

IA e portals da furmaziun

24. fanadur 2019 / Publicaziun / Internaziunal

Il segund palpiri alv (whitepaper) dad European Schoolnet davart l’intelligenza artifiziala e las plattafurmas da resursas d’emprender duai dar cussegl als utilisaders. Il rapport dat ina survista dal svilup actual e mussa las schanzas e las sfidas.

lre.eun.org

Inventar da nov l’ambient d’emprender

3. zercladur 2019 / Publicaziun / Internaziunal

Il rapport da l’UE «Ameglieraziun dals resultats en scola tras tecnologias digitalas» explorescha ils facturs ch’influenzeschan il diever da las tecnologias digitalas en scola. El metta il focus sin las innovaziuns che contribueschan a meglierar ils resultats.

publications.europa.eu

Toolkit SELMA

27. matg 2019 / Resursa didactica / Internaziunal

Il nov Toolkit dal project europeic SELMA porscha in set da materialias e guaffens per l’instrucziun. La finamira è da sensibilisar ils uffants e giuvenils per odi e pleds instigants en la rait. Ils documents duain er esser accessibels per tudestg a partir da l’atun 2019.

hackinghate.eu

Orientà a las cumpetenzas da lavurar

14. matg 2019 / Furmaziun professiunala / Internaziunal

UNEVOC ha publitgà il rapport «Work-based Learning as a Pathway to Competence-based Education». Questa collecziun da contribuziuns da l’entir mund davart emprender al plaz da lavur cuvra in vast spectrum e strivla er dumondas da la digitalisaziun.

blog.edu-ict.ch

Etica ed intelligenza artifiziala

3. matg 2019 / Societad d'infurmaziun / Internaziunal

Co pon ins far diever da l’intelligenza artifiziala cun resguardar l’etica? Davart questa dumonda han 52 expertas ed experts da la Cumissiun europeica discutà ditg e bain. Uss han els preschentà las lingias directivas en il document «Ethics guidelines for trustworthy AI».

ec.europa.eu

Cumpetenzas digitalas en la furmaziun da scolasts

12. avrigl 2019 / Publicaziun / Internaziunal

La digitalisaziun pretenda da las persunas d’instrucziun da megliurar lur cumpetenzas digitalas. SwissCore (Contact Office for European Research, Innovation and Education) dat perquai ina survista da pliras iniziativas europeicas davart la furmaziun supplementara professiunala.

www.swisscore.org

Cumpetenzas digitalas: Seminar a Tallinn

3. avrigl 2019 / Occurrenza / Internaziunal

In seminari da contact davart las cumpetenzas digitalas en la furmaziun ha lieu a Tallin dals 4 als 7 da settember 2019. Il seminari collia las scolas e gida a planisar projects communabels. Movetia sustegna la participaziun.

www.movetia.ch

UE: ICT en la furmaziun

18. mars 2019 / Publicaziun / Internaziunal

La Cumissiun europeica ha publitgà il rapport «2nd Survey of Schools: ICT in Education». Questa retschertga tar las persunas d’instrucziun, tar scolaras e scolars sco era tar geniturs cuntegna ina gronda paletta da temas: access e niz da la digitalisaziun e strategias digitalas en las scolas.

ec.europa.eu