Societad d'infurmaziun

Spotlight Svizra

5. november 2019 / Societad d'infurmaziun

Il premi «Spotlight Svizra» è vegnì surdà a 10 scolas per lur lavur en connex cun l’integraziun da meds digitals. Ils victurs pon sa participar al HundrED Innovation Summit 2019 a Helsinki. Quel reunescha ils innovaturs ils pli inspirants dal mund en la domena da la furmaziun.

jacobsfoundation.org

SPFL e Vad augmentan lur collavuraziun

24. october 2019 / Societad d'infurmaziun

La Scola politecnica federala Losanna ed il chantun Vad han suttascrit in contract general. Quel reglescha la collavuraziun tranter il chantun e la scola auta per simplifitgar la realisaziun da projects specifics en la furmaziun digitala ed en la pedagogica.

epfl.ch

Sguards innovativs sin la scola

24. october 2019 / Publicaziun / Societad d'infurmaziun / MINT

Savida scientifica chatta betg adina la via en la pratica dal mintgadi en las scolas. Latiers vegnan diversas pretensiuns da la societad e da la politica. Quai èn ils temas ed il fil cotschen da la nova ediziun dal magazin Horizonte.

www.akademien-schweiz.ch

La Confederaziun ed ils chantuns conferman las finamiras

4. settember 2019 / Societad d'infurmaziun

La Confederaziun ed ils chantuns han actualisà lur finamiras communablas concernent la politica da furmaziun. La decleraziun communabla cementescha duas finamiras: sa participar activamain a la transfurmaziun digitala e promover ils barats linguistics e la mobilitad.

www.sbfi.admin.ch

Promoziun da la transfurmaziun digitala en il Grischun

24. zercladur 2019 / Identitad digitala / Societad d'infurmaziun / Cumpetenza da medias

Il Cussegl grond ha incumbensà la regenza da stgaffir las basas necessarias per ch'in credit d'impegn da 40 milliuns francs possia vegnir mess a disposiziun per dar in stausch a la digitalisaziun en il Grischun. La regenza propona ina nova lescha da durada limitada che cuntegna las disposiziuns.

www.gr.ch

SAPGR: rapport annual 2018

24. matg 2019 / Publicaziun / Societad d'infurmaziun

Il rapport annual da la Scola auta da pedagogia dal Grischun (SAPGR) s’occupa en sia revista da l’onn 2018 cun la tematica da la «transfurmaziun digitala». La tensiun tranter il mund analog e quel digital vegn tractada or da la perspectiva da la perscrutaziun, da la scolaziun e da la furmaziun.

phgr.ch

Etica ed intelligenza artifiziala

3. matg 2019 / Societad d'infurmaziun / Internaziunal

Co pon ins far diever da l’intelligenza artifiziala cun resguardar l’etica? Davart questa dumonda han 52 expertas ed experts da la Cumissiun europeica discutà ditg e bain. Uss han els preschentà las lingias directivas en il document «Ethics guidelines for trustworthy AI».

ec.europa.eu

Crescher si en l’era digitala

1. avrigl 2019 / Publicaziun / Societad d'infurmaziun

Il nov rapport «Crescher si en l’era digitala» da la Cumissiun federala per l'uffanza e la giuventetgna metta il focus sin las cumpetenzas digitalas dals uffants e giuvenils. Tge cumpetenzas ston vegnir promovidas per ina vita moderna, per sa furmar, per lavurar e per sa participar al mund digital.

www.ekkj.admin.ch

Congress svizzer da la pedagogia spezialisada

22. mars 2019 / Occurrenza / Societad d'infurmaziun

Il congress dals 27 e 28 d’avust a Berna ha sco tema «La transfurmaziun digitala – smaladicziun u benedicziun per la pedagogia spezialisada?» Pliras intervenziuns stattan sin il program, tranter auter era Toni Ritz, directur d’educa.ch, cun la digitalisaziun sco schanza per l’integraziun.

www.szh.ch

Rapport davart la protecziun dals giuvenils

15. schaner 2019 / Publicaziun / Societad d'infurmaziun

Uffants e giuvenils èn savens exposts a mobing, a l’odi ed a la violenza en las medias socialas. Ils mecanissems da protecziun na funcziunan betg bain. Quai èn ils resultats d’ina retschertga da jugendschutz.net davart ils ristgs sin plattafurmas da medias socialas.

www.jugendschutz.net

Syndicate content

Logo SEFRI

Logo EDK

Services

Job

Support