Occurrenza

Europe Code Week

5. settember 2018 / Occurrenza / Cumpetenza da medias

Organisada dals 6 als 21 d’october ha la Europe Code Week la finamira d’intgantar uffants e creschids per la basa da la programmaziun. Workshops en chaussa vegnan purschids en l’entira Europa. Las occurrenzas en Svizra èn er enumeradas sin la pagina-web.

codeweek.eu

Dieta d’experts ICT e furmaziun

31. avust 2018 / educa.ch / Occurrenza

La dieta d’experts ha lieu ils 8 da november a chaschun da la Swissdidac a Berna. Il program è uss online. Discutai cun experts da la scienza, dal martgà e da l’instrucziun davart il tema «Datas e lur potenzial zuppà – co pudain nus nizzegiar a moda intelligenta las datas da la furmaziun?».

www.educa.ch

Simposi per direcziuns da las scolas

14. avust 2018 / Occurrenza / Internaziunal

La scol’auta da pedagogia da Zug (PHZG) organisescha dals 25 als 27 da settember 2019 in simposi internaziunal davart la direcziun da las scolas en Europa. Passa 800 experts ed expertas da 50 pajais discutan davart Responsible Leadership, la furmaziun 5.0 e l’innovaziun en la furmaziun.

wels.edulead.net

Swiss Internet Governance Forum

23. fanadur 2018 / Occurrenza / Societad d'infurmaziun

Il Swiss Internet Governance Forum ha lieu ils 20 da november 2018 a Berna e pussibilitescha ad acturs da la politica, da l’economia, da l’administraziun e da la scienza da discutar davart dumondas da la digitalisaziun. Fin ils 31 d’avust pon temas da discussiun vegnir inoltrads.

www.igf.swiss

Dieta d’experts ICT e furmaziun: s’inscriver uss

29. zercladur 2018 / educa.ch / Occurrenza

Con aut è il potenzial d’innovaziun da las datas en la furmaziun? Co pon ins las nizzegiar cun profit e tuttina garantir la protecziun da las datas? Prendai part a la discussiun a chaschun da la dieta d’experts ICT che ha lieu ils 8 da november a Berna. A partir d’immediat pon ins s’inscriver.

www.educa.ch

Swissdidac 2018

29. zercladur 2018 / educa.ch / Occurrenza

A la Swissdidac dals 7 als 9 da november preschentan las agenturas spezialisadas IFES, Movetia, ZEM CES ed educa.ch communablamain lur servetschs e products. Passa 300 expositurs svizzers e d’auters pajais preschentan lur innovaziuns, offreschan workshops e mussan il futur da la scola.

www.educa.ch

Save the Date: Dieta d’experts ICT e furmaziun

25. matg 2018 / educa.ch / Occurrenza

La dieta d’experts ICT ha lieu quest onn ils 8 da november a chaschun da la Swissdidac a Berna. Il tema principal da questa ediziun è la politica da datas en la domena da la furmaziun. Il program detaglià ed ulteriuras infurmaziuns vegnan communitgads la stad.

www.educa.ch

Conferenza Opendata

23. matg 2018 / Open source / Occurrenza

La conferenza Open Data è la pli impurtanta da quest gener en Svizra ed ha lieu ils 3 da fanadur a Son Gagl. Tar questa chaschun vegn er surdà per l’emprima giada l’Open Data Student Award a studentas e students da las universitads svizras.

opendata.ch

BarCamp: MINT en la furmaziun futura

18. matg 2018 / Occurrenza / Internaziunal

Il BarCamp dals 30.11. als 2.12.2018 a Malbun (FL) porscha a persunas spezialisadas sco er a persunas d’instrucziun la pussaivladad da sa barattar davart il tema MINT. Auter che tar ina conferenza classica n’è il program concret dal BarCamp betg cler, mabain vegn gist decidì al lieu.

barcamptools.eu

Digitalisaziun en la scola – schanzas e cunfins?

12. mars 2018 / Ambient d'emprender digital / Occurrenza

En l’ambient da scola datti numerusas iniziativas sco workshops da programmar per scolars e scolasts. Er il Plan d’instrucziun 21 va en quella direcziun. Co po la scola reagir sin tut questas pretensiuns? La discussiun da podium ha lieu ils 3 da matg 2018 en il B12 a Cuira.

www.phgr.ch

Syndicate content

Logo SEFRI

Logo EDK

Services

Job

Support