Occurrenza

Dieta davart la protecziun da las datas

13. october 2020 / Occurrenza

La dieta Digma davart la protecziun da las datas ha lieu online ils 12.11 ed ils 2.12. Ella tracta las tematicas actualas sco digitalisaziun en las scolas, surveglianza da video, segirtad ed informatica. Simon Graber (educa.ch) ed autras persunas spezialisadas discuteschan da Cloud Computing.

www.digma-tagung.ch

Dieta d’experts 2020 online

30. october 2020 / educa.ch / Occurrenza

La dieta d’experts digitalisaziun e furmaziun dals 5 da november 2020 ha lieu online. Davart il tema «Atun 2020 – tge è uss impurtant?» discutan expertas ed experts e dattan er spazi per dumondas e bilantschas intermediaras. Termin d’annunzia è ils 3.11.2020.

www.educa.ch

Program detaglià da la dieta d’experts

14. october 2020 / educa.ch / Occurrenza

Il program da la dieta d’experts digitalisaziun e furmaziun dals 5 da november 2020 a la Bernexpo è online. Datotecas en la furmaziun – nua as chattain l’atun 2020? Expertas ed experts discutan davart questa ed autras dumondas. Nus ans legrain da Vossa annunzia.

educa.ch/fachtagung

Conferenza TRANSFORM

24. settember 2020 / Occurrenza

Quest onn ha la conferenza TRANSFORM lieu ils 13 da november a Berna. L’impurtanza da «good data» en il sectur public ed en la furmaziun vegn examinada sut differents aspects. Discutà vegn era co che questas datas pon accelerar la digitalisaziun.

www.bfh.ch

Segirar la qualitad da purschidas online

16. settember 2020 / Occurrenza

Il lockdown durant la crisa da corona ha manà tar in enorm augment da purschidas d’emprender online en la furmaziun supplementara. Durant il Di naziunal da qualitad dals 9-11 pon las participantas ed ils participants barattar lur experientschas e sviluppar ideas praticas cun persunas spezialisadas.

alice.ch

Dieta da spezialists digitalisaziun e furmaziun

31. avust 2020 / educa.ch / Occurrenza

Nua va la furmaziun en il decurs da l’atun 2020? La pandemia ha sfurzà da reagir rapid a las circumstanzas novas e nunenconuschentas, d’adaptar ils elements enconuschents e da chattar novas vias. La dieta da spezialists dals 5 da november porscha il spazi ed il temp per ina bilantscha intermediara.

educa.ch

WELS Online

28. fanadur 2020 / Occurrenza

A la World Education Leadership Symposium Online Conference dal prim fin ils 9 da settember 2020 discurran ils acturs mundials da la furmaziun davart dumondas actualas. L’accent vegn mess sin la crisa da Covid-19 e sin ils resultats dal «SchulBarometer». La conferenza online è gratuita.

wels.edulead.net

Play to learn

26. favrer 2020 / Occurrenza

Il forum spezialisà «Play to learn» sa deditgescha ils 28 da mars 2020 a Baden al tema da las medias audiovisualas en la furmaziun. Divers referats e workshops d'Augmented Reality (AR) mussan novas perspectivas, ideas creativas e concepts per la furmaziun.

www.play-to-learn.ch

Open Education Day

28. favrer 2020 / Occurrenza

L’Open Education Day ha lieu ils 25 d’avrigl 2020 a Berna e stat sut il moto «Mitgestalten durch digitale Mündigkeit – Cooperaziun tras maiorennitad digitala». Cun referats e workshops vegnan ils participants a savair dapli da tecnologias Open Source, Open Content e cumpetenzas d’informatica.

openeducationday.ch

Congress davart la protecziun da datas

24. schaner 2020 / Occurrenza

Il congress Digma davart la protecziun da datas ha lieu ils 10 da mars a Turitg. El sa fatschenta da tematicas actualas sco la digitalisaziun en las scolas, surveglianza da videos, segirtad ed IT. Markus Willi (educa.ch) discuta cun auters experts davart Cloud Computing en scola.

www.digma-tagung.ch

Syndicate content

Logo SEFRI

Logo EDK

Services

Support