Resursa didactica

SRF mySchool augmenta la purschida

18. mars 2020 / Resursa didactica

Per cuntinuar in emprender reglà augmenta «SRF mySchool» sia purschida. Ultra dals servetschs online ch’èn gia avant maun cun videos e material didactic per il stgalim primar e secundar I, vegnan las emissiuns sin SRF 1 moderadas mintga damaun.

www.srf.ch

Sexualitad al monitur

10. favrer 2020 / Resursa didactica

SEXUELLE GESUNDHEIT Schweiz ha publitgà 4 fegls d’infurmaziun per uffants davart il tema sexualitad en las medias digitalas. Ils fegls proponan in proceder co discurrer cun uffants en situaziuns difficilas. Il project è vegnì realisà da l’Unisanté, da l’Universitad da Friburg e da ProInfirmis.

www.sexuelle-gesundheit.ch

Med d’instrucziun Big Data

24. schaner 2020 / Resursa didactica

Big Data è ina tematica cumplexa. Il nov med didactic «Big Data» en furma modulara s’avischina a moda ludica ed innovativa al tema. Il med è vegnì elavurà dal Museum da la communicaziun ed il Program naziunal da retschertga 75 «Big Data».

www.mfk.ch

Cumpetenza da medias tar ils scolars

15. schaner 2020 / Resursa didactica / Cumpetenza da medias

Verifitgar funtaunas e pudair valitar infurmaziuns: L’Institut da perscrutaziun publicitad e societad da l’Universitad da Turitg è londervi d’installar ina atgna redacziun. Ella duai elavurar e metter a disposiziun a persunas d’instrucziun debattas medialas actualas.

www.persoenlich.com

Roteco

20. schaner 2020 / Resursa didactica

La nova plattafurma Roteco porscha curs da robotica per persunas d‘instrucziun e las instruescha da realisar activitads en l’instrucziun. Persunas d’instrucziun pon barattar ideas ed opiniuns ed obtegnan infurmaziuns davart inscunters ed activitads per l’instrucziun.

www.roteco.ch

Freelance: Retschas da lecziuns

8. schaner 2020 / Resursa didactica

Il program da prevenziun da dependenzas Freelance per il stgalim secundar I ha augmentà sias unitads d’instrucziun per duas tematicas: ellas s’occupan da pornografia e da Hate Speech ed èn telechargiablas gratuitamain.

be-freelance.net

La dumbraziun dals Rumantschs è a fin

16. december 2019 / Identitad digitala / Resursa didactica

La dumbraziun da las Rumantschas e dals Rumantschs è ida a fin la notg da Son Niclà. Var 10’000 persunas han prendì part – era da la Nova Zelanda, da la Scozia, dals Stadis Unids, da l’Australia e perfin da Guadeloupe. Ellas han mussà colur per lur lingua e signalisà: nus essan Rumantschs.

www.youtube.com

Chalender d’advent «Chatta il code»

22. november 2019 / Resursa didactica / Cumpetenza da medias

Il post da cussegliaziun Imedias porscha in chalender d’advent cun in tema d’informatica. Grazia a «Chatta il code – Knack den Code» po l’informatica vegnir instruida a moda ludica per ils uffants dal 2. ciclus. Era vegn il pensar informatic – igl uschenumnà Computational Thinking – promovì.

www.imedias.ch

MoneyFit 3 en format digital

3. settember 2019 / Resursa didactica

La nova versiun digitala mussa a las scolaras ed als scolars dal stgalim secundar II co vegnir a frida cun ils daners. Lur savida pon els approfundar en tschintg moduls tematics. Las persunas d’instrucziun han a disposiziun in commentari didactic.

moneyfit.postfinance.ch

Resursas per l’instrucziun

25. fanadur 2019 / educa.ch / Resursa didactica

Essas Vus a la tschertga da resursas electronicas d’emprender adattadas per Vossa instrucziun? Sin educa.Biblio chattais Vus ina gronda elecziun da resursas controlladas e recumandadas dad experts da la domena svizra da la furmaziun.

biblio.educa.ch

Syndicate content

Logo SEFRI

Logo EDK

Services

Support