Resursa didactica

Apps rumantschs

25. avrigl 2019 / Identitad digitala / Resursa didactica

Nus vegnin adina puspè confruntà cun la pretensiun che la lingua rumantscha vegn a far naufragi e che la lingua è antiquada. Sch’ins guarda dentant sin iTunes e Google Play chattan ins passa 20 apps rumantschs fitg attractivs. I vala la paina da dar in sguard.

www.suedostschweiz.ch

Instruir cun Europeana

15. mars 2019 / Resursa didactica / Internaziunal

Co includer las resursas digitalas dals patrimonis culturals en l’instrucziun? La nova plattafurma «Teaching with Europeana» propona ideas e scenaris d’emprender. La banca da datas «Europeana» cuntegna passa 50 milliuns datotecas per l’instrucziun.

teachwitheuropeana.eun.org

Klicksafe to go

20. favrer 2019 / Resursa didactica / Cumpetenza da medias

Assistents da linguas, social bots e roboters: Intelligenza artifiziala, algoritmus e maschinas intelligentas vegnan ad influenzar nossa vita. L’ediziun actuala da «klicksafe to go» sa fatschenta cun ils ristgs ed ils privels dal futur digital e preschenta ideas per l’instrucziun.

www.klicksafe.de

Sfera privata dals uffants

29. schaner 2019 / Resursa didactica / Cumpetenza da medias

La SAP da Turitg ha creà ensemen cun l’incumbensà per la protecziun da datas dal chantun da Turitg in nov med d’instrucziun per uffants da 4 a 8 onns davart la sfera privata. Il material didactic stat a disposiziun gratuitamain a persunas interessadas a partir da l’avrigl 2019.

dsb.zh.ch

Cumpetenza d‘infurmaziun MOOC

23. november 2018 / Resursa didactica / Cumpetenza da medias

Cun l’agid da MOOC pon scolaras e scolars dal segund stgalim secundar sviluppar novas cumpetenzas d’infurmaziun. Sin basa da la dumonda «Pertge han intgins videos-online tant success?», emprendan els pass per pass da s’occupar cun infurmaziuns. Il curs-online cumenza il favrer 2019.

i-mooc.ch

educa.Biblio – nov design

7. november 2018 / educa.ch / Resursa didactica

La plattafurma per resursas electronicas d’emprender e d’instruir educa.Biblio ha ina nova cumparsa e porscha novas funcziuns. Il layout è vegnì optimà per ils apparats mobils ed ulteriuras funcziuns da retschertga empermettan da chattar svelt las resursas.

biblio.educa.ch

Co proteger la sfera privata?

4. october 2018 / Resursa didactica / Cumpetenza da medias

Per sensibilisar scolars ed emprendists d’utilisar datas persunalas a moda responsabla, ha l’incumbensada federala per la protecziun da datas e per la transparenza (IFPDT/EDÖB) creà material didactic. Silvia Böhlen, spezialista da communicaziun, ha dà pled e fatg davart il tema protecziun da datas.

www.educa.ch

Roboter didactic e virtual

23. october 2018 / Ambient d'emprender digital / Resursa didactica

Programmar in roboter: quai plascha a blers uffants. Il spinn-off-SPF/ETH «RosieReality» pussibilitescha quai – dentant be a moda virtuala. La finamira dal startup èsi d’intgantar ils uffants cun agid d’ina app per la programmaziun e la robotica.

www.ethz.ch

Projects innovativs

20. avust 2018 / Publicaziun / Resursa didactica

La Fundaziun svizra per la furmaziun audiovisuala ha selecziunà tschintg projects da la domena da la digitalisaziun (AlpConnectar, Gameful Design,..). La SAP Berna ha guardà en il rapport 2018 pli precis sin quests projects e mussà co ch’els èn sa sviluppads e sa midads en ils ultims onns.

www.ssab-online.ch

Protecziun da datas

24. fanadur 2018 / Publicaziun / Resursa didactica / Cumpetenza da medias

L’incumbensà federal per la protecziun da datas e per la transparenza (IFPDT) ha sviluppà material didactic per scolaras e scolars tranter 13 e 15 onns. Quest material stat a disposiziun gratuitamain a las persunas d’instrucziun.

www.edoeb.admin.ch

Syndicate content

Logo SEFRI

Logo EDK

Services

Job

Support